Isaias 9:13 - Marahay na Bareta Biblia

¹³ Dai nagbakle an banwaan nin Israel; maski pinadusahan na sinda kan Kagurangnan nin mga hukbo, dai sinda nagbalik saiya.

Isaias 9:13 ပူးပေါင်းရင်းမြစ်များ

2 Mga Cronica 28:22

Kan nagin grabe an kasakitan ni Hadeng Ahaz, orog man logod siyang nagkasala sa Kagurangnan.

An Libro ni Job 36:13

“An mga bakong diosnon nagpapadagos sa pagigin anggot, asin dai minahagad nin tabang maski pinapadusahan.

Isaias 1:5

Tadaw ta padagos kang nagrerebelde? Boot mo pang madugangan an saimong padusa? Makulog an bilog mong payo, nanluluya an puso mo.

Isaias 19:15

Mayo nin siisay man sa Egipto, mayaman man o dukha, bantog man o dai midbid, na makakatabang saiya.

Isaias 26:11

Dai naaaraman kan saimong mga kaiwal na papadusahan mo sinda. Sopogon mo sinda, Kagurangnan, asin patiosa sinda; patiosa sinda kan padusa na saimong inandam. Pahilingan sainda kun gurano an pagkamoot mo sa saimong banwaan.

Isaias 31:1

Herak man sa mga nagduduman sa Egipto nganing magpatabang! Nagsasarig sinda sa kosog kan hukbo nin Egipto—mga kabayo, mga karwahe, saka mga soldados. Alagad dai sinda nagsasarig sa Kagurangnan, an banal na Dios nin Israel, ni naghahagad saiya nin tabang.

Isaias 57:17

Naanggot ako sainda huli kan saindang kasalan saka kapasloan, kaya pinadusahan ko sinda asin pinabayaan. Alagad matagas an saindang payo asin nagpadagos sinda sa saindang gawe.

Isaias 7:20

“Pag-abot kan panahon na iyan, matandan an Kagurangnan nin sarong barberong hale sa ibong kan Salog nin Eufrates—an hade nin Asiria—asin aarison niya an saindong barabas sagkod an buhok sa saindong payo saka hawak.

Jeremias 15:7

Sa lambang banwa sa daga itinapok ko kamo sa doros arog sa dagami. Banwaan ko, rinaot ko kamo, ginadan ko an saindong mga aki huli ta dai kamo nagbakle sa maraot nindong gawe.

Jeremias 29:11

Ako sana an nakakaaram kan mga plano ko para saindo, mga plano na darahan kamo nin kaginhawahan asin bakong karatan, mga plano na tawan kamo nin paglaom sa saindong huring mga aldaw.

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Ezekiel 22:24

“Aki nin tawo, taraman mo an mga Israelita na bako nang banal an saindang daga, kaya papadusahan ko iyan sa sakuyang kaanggotan.

Ezekiel 24:13

Jerusalem, an takla mo iyo an saimong marompot na gibo. Maski hiningowa kong malinigan ka, nagdanay kang maati. Dai ka na nanggad malilinigan sagkod na mamatean mo an bilog kong kaanggotan.

Daniel 9:13

Itinao mo samo an gabos na padusa na sinasabi sa Katogonan ni Moises. Alagad maski ngunyan, O Kagurangnan na samong Dios, dai kami naghingowa na mapaogma ka sa paagi nin pagbakle sa samong mga kasalan o sa pagsunod kan saimong katotoohan.

Oseas 5:15

“Papabayaan ko an sakong banwaan sagkod na magtios sinda kan maninigo para sa saindang kasalan asin hanapon ninda ako. Tibaad sa saindang pagtios, hingowahon nindang hanapon ako.”

Oseas 7:10

An kapaabaw-abawan kan banwaan nin Israel nagsasaksi laban sa sainda. Dai pa sinda nagbalik sako, an Kagurangnan na saindang Dios, pakatapos na mangyari an gabos.

Oseas 7:16

Padagos sinda sa pagtalikod sako asin minaduman sinda sa sarong dios-dios na mayong kapangyarihan. Dai sinda malalaoman siring sa sarong tiko na pana. Magagadan sinda sa espada huli kan kapalangkawan kan saindang mga lider, asin ngingisihan sinda kan mga taga Egipto.”

Amos 4:10

“Nagpadara ako nin peste sa saindo arog kan peste na ipinadara ko sa Egipto. Ginadan ko sa gera an hoben nindong mga lalaki asin sinamsam an saindong mga kabayo. Pinano ko an saindong mga dungo kan parong nin mga gadan sa saindong mga kampo, alagad dai man giraray kamo nagbalik sa sako.

Amos 4:6

“Ako an nagdara nin makuring gutom sa gabos nindong syudad alagad dai kamo nagbalik sa sako.

Sofonias 1:6

Pupuhoon ko an mga nagtalikod asin dai na nagsusunod sako; an mga dai na nagdodolok sako o nakikimaherak na giyahan ko sinda.”

Deuteronomio 4:29

Hihidawon nindo duman an Kagurangnan na saindong Dios, asin kun hahanapon nindo siya sa bilog nindong puso, makukua nindo siya.