Isaias 9:12 - Marahay na Bareta Biblia

¹² An Siria sa sirangan asin an Filistia sa solnopan nagbuka kan saindang mga ngoso tanganing halonon an Israel. Alagad dai pa natatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 9:12 ပူးပေါင်းရင်းမြစ်များ

2 Mga Hade 16:6

(Kan panahon na iyan, nabawi kan hade nin Edom an syudad nin Elat, asin pinahale niya an mga taga Juda na nag-erok sa Elat. Nag-abot sa Elat an mga Edomita asin sagkod ngunyan nag-eerok sinda digdi.)

2 Mga Cronica 28:18

Kan panahon man na iyan, sinalakay kan mga Filisteo an mga syudad sa Sefela asin sa habagat na parte nin Juda. Nasakop ninda an mga syudad nin Bet-semes, Aijalon asin Gederot, siring man an mga syudad nin Soco, Timna, saka Gimzo kaiba an mga baryo kan mga ini, dangan duman na sinda nag-erok.

Salmo 79:7

Huli ta ginadan ninda si Jacob, asin rinaot ninda an saiyang erokan.

Isaias 10:4

Magagadan kamo sa gera o guguyodon pasiring sa harayong lugar bilang mga bilanggo. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 11:14

Kundi magkaiba sindang masalakay sa mga Filisteo sa solnopan asin sasamsaman an mga banwaan sa sirangan. Sasakopon ninda an banwaan nin Edom saka Moab, asin kukuyogon sinda kan banwaan nin Ammon.

Isaias 31:1

Herak man sa mga nagduduman sa Egipto nganing magpatabang! Nagsasarig sinda sa kosog kan hukbo nin Egipto—mga kabayo, mga karwahe, saka mga soldados. Alagad dai sinda nagsasarig sa Kagurangnan, an banal na Dios nin Israel, ni naghahagad saiya nin tabang.

Isaias 5:25

Anggot an Kagurangnan sa saiyang banwaan, asin inunat niya an saiyang kamot sa pagpadusa sainda. Matatanyog an kabukidan asin an mga bangkay kan nagkagaradan magkakawaralat sa mga tinampo siring sa ati. Alagad dai man giraray maoontok an kaanggotan nin Kagurangnan, kundi padagos na magigin unat an saiyang kamot sa pagpadusa.

Isaias 9:17

Kaya dai matugot an Kagurangnan na makadulag an mga hoben na lalaki, asin dai siya maheherak sa mga balong babae saka sa mga ilo, huli ta bakong diosnon an mga tawo; mga maraot sinda asin gabos karatan an saindang sinasabi. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 9:21

Sinasalakay kan mga taga Manases an mga taga Efraim; siring man an ginigibo kan mga taga Efraim, dangan sinasalakay nindang duwa an Juda. Alagad dai pa natatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Jeremias 10:25

Iula mo an labi-labi mong kaanggotan sa mga nasyon na dai nagmimidbid saimo, asin sa mga tawo na dai nag-aapod kan saimong ngaran. Ginadan ninda an saimong banwaan; rinonot nanggad ninda kami asin binayaan nindang raot an samong daga.

Jeremias 15:7

Sa lambang banwa sa daga itinapok ko kamo sa doros arog sa dagami. Banwaan ko, rinaot ko kamo, ginadan ko an saindong mga aki huli ta dai kamo nagbakle sa maraot nindong gawe.

Jeremias 35:11

Alagad kan sakopon ni Hadeng Nebukadnezzar an dagang ini, nagduman kami sa Jerusalem tanganing makalikay sa mga hukbo kan Babilonia saka Siria. Ini an dahelan kun tadaw ta nag-eerok kami sa Jerusalem.”

Jeremias 4:8

Kaya magsulot kamo nin sako, magtangis kamo saka maghaya huli ta an mabangis na kaanggotan nin Kagurangnan sa Juda dai nahahale.

Ezekiel 16:27

“Kaya ibinikyaw ko na ngunyan an sakong kamot sa pagpadusa saimo asin sa paghale kan saimong kahirasan sa sakong mga bendisyon. Itinao taka sa kamot kan mga Filisteo, na naoongis saimo asin nauuyam sa marompot mong mga gibo.

Ezekiel 6:14

Uunaton ko an sakong kamot laban sainda. An saindang daga raraoton ko asin gigibohon na mamondo, magpoon sa kalangtadan sa habagat sagkod sa syudad nin Ribla sa amihan; mayo akong papaligtason sa arin man na lugar na pinag-eerokan kan mga Israelita. Dangan maaaraman kan gabos na ako an Kagurangnan.”

Oseas 7:10

An kapaabaw-abawan kan banwaan nin Israel nagsasaksi laban sa sainda. Dai pa sinda nagbalik sako, an Kagurangnan na saindang Dios, pakatapos na mangyari an gabos.

Amos 4:10

“Nagpadara ako nin peste sa saindo arog kan peste na ipinadara ko sa Egipto. Ginadan ko sa gera an hoben nindong mga lalaki asin sinamsam an saindong mga kabayo. Pinano ko an saindong mga dungo kan parong nin mga gadan sa saindong mga kampo, alagad dai man giraray kamo nagbalik sa sako.

Amos 4:11

“Tinunaw ko an iba sa saindo arog kan ginibo kong pagtunaw sa Sodoma saka sa Gomorra. An mga natada sa saindo nakaarog sa naglalaad na sanga na kinua sa kalayo, alagad dai man giraray kamo nagbalik sa sako,” an sabi nin Kagurangnan.

Amos 4:6

“Ako an nagdara nin makuring gutom sa gabos nindong syudad alagad dai kamo nagbalik sa sako.

Amos 4:8

Nanluluya sa paha an mga tawo hale sa duwa o tolong syudad sa paghanap nin tubig sa saro pang syudad, alagad mayo duman nin sukat na tubig na maiinom; alagad dai man giraray kamo nagbalik sa sako.

Amos 4:9

“Nagpadara ako nin makuring init tanganing maalang an saindong mga tinanom. Kinakan kan mga doron an saindong mga tinanom saka ubasan, an saindong mga kahoy na higera saka oliba, alagad dai man giraray kamo nagbalik sa sako.

Sofonias 1:6

Pupuhoon ko an mga nagtalikod asin dai na nagsusunod sako; an mga dai na nagdodolok sako o nakikimaherak na giyahan ko sinda.”

Sofonias 3:2

Dai iyan nagdangog sa Kagurangnan ni nag-ako kan saiyang pagdidisiplina. Dai siya nagsarig sa Kagurangnan ni naghagad saiya nin tabang.

Deuteronomio 31:17

Sa aldaw na iyan maaanggot ako sainda; papabayaan ko sinda asin magagadan sinda. Dakul na karatan saka kahaditan an maabot sainda, asin masasabotan ninda na an gabos na iyan nangyayari sainda huli ta ako, an saindang Dios, mayo na sa kaibahan ninda.