Isaias 8:9 - Marahay na Bareta Biblia

⁹ Magtiripon kamo huli sa takot, kamong mga nasyon! Pagdangog kamo, mga harayong kabtang kan kinaban. Mag-andam kamo sa pakilaban, alagad matakot kamo! Iyo, mag-andam kamo, alagad matakot kamo!

Isaias 8:9 ပူးပေါင်းရင်းမြစ်များ

1 Mga Hade 20:11

Nagsimbag si Hadeng Ahab, “Sabihan mo si Hadeng Ben-hadad na an tunay na soldados dai naghahambog kun dai pa tapos an laban.”

Mga Talinhaga 11:21

Laomon mo na papadusahan an maraot na tawo, alagad ililigtas an matanos.

Isaias 28:13

Kaya tutukdoan kamo nin Kagurangnan kan lambang letra, linya, saka adal. Dangan madadalinas kamo sa lambang lakad na gibohon nindo. Malulugad, masisiod, asin mabibihag kamo.

Isaias 37:36

Sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga, nahiling sindang nahuhutad, gabos gadan!

Isaias 54:15

Kun may magsalakay saimo iyan bakong kabotan ko; madadaog an siisay man na makikilaban saimo.

Jeremias 42:11

Dai kamo matakot sa hade nin Babilonia. Kaibahan nindo ako, asin ililigtas ko kamo sa saiyang kapangyarihan.

Jeremias 46:3

“Nagkukurahaw an mga opisyal nin Egipto, ‘Andama nindo an saindong mga kalasag saka magduman kamo sa ralaban!

Jeremias 46:4

Busalan na nindo an mga kabayo saka lunadan na nindo, O mga parakabayo! Maglinya na kamo saka sulotan an saindong mga helmet! Taisa an saindong garod! Isulot na nindo an gubing na panggera!’

Jeremias 51:20

Nagsasabi an Kagurangnan, “Babilonia, ika an sakong martilyo asin armas sa gera. Ginamit taka sa pagsakop kan mga nasyon saka mga kahadean,

Ezekiel 38:7

Sabihan mo si Gog na mag-andam asin na andamon man niya an gabos na hukbong sakop niya.

Ezekiel 38:8

Pakalihis nin dakul na taon, pagbobotan ko siya na salakayon an sarong banwaan na an mga tawo ibinalik asin tinipon hale sa dakul na mga nasyon dangan nag-erok na mayo nin takot sa gera. Sasalakayon niya an kabukidan nin Israel, na kaidto mamondo asin mayong nag-eerok, alagad ngunyan pinag-eerokan na nin mga tawong namumuhay na matiwasay.

Josue 11:5

Pinagsararo kan mga hadeng ini an saindang hukbo asin nagtiripon sinda sa may Sapa nin Merom tanganing labanan an Israel.