Isaias 8:8 - Marahay na Bareta Biblia

⁸ Mabulos iyan sa bilog na Juda siring sa sarong baha na minalangkaw paliog asin minatahob kan gabos.” An Dios nasa sato! An saiyang unat na mga pakpak an nag-iingat kan daga.

Isaias 8:8 ပူးပေါင်းရင်းမြစ်များ

2 Mga Hade 17:3

Nakigera si Salmaneser na emperador nin Asiria laban ki Hosea; nagsuko si Hosea ki Salmaneser asin nagbuhis saiya taon-taon.

2 Mga Cronica 12:4

Nasakop niya an makokosog na mga syudad nin Juda asin nakaabot siya sa Jerusalem.

Isaias 10:6

Isinusubol ko an Asiria sa pagsalakay kan mga bakong diosnon na nasyon, mga banwaan na nagpaanggot sakuya. Isinusubol ko sinda tanganing manamsam, manghabon, asin magtimaktimak sa mga banwaan na garo laboy sa mga tinampo.”

Isaias 30:28

Sinusugo niya an doros sa saiyang enotan siring sa baha na minadara kan gabos na maaagihan kaiyan. Sinisighid kaiyan an mga nasyon sa saindang kapahamakan asin tinatapos an mga maraot nindang mga plano.

Isaias 43:2

Kun mag-agi ka sa hararom na katubigan, kaibahan mo ako; dai ka madadaog kan saimong mga kasakitan. Kun mag-agi ka sa kalayo, dai ka masusulo; dai ka maaano kan mga masakit na pagbalo.

Isaias 7:14

Kaya an Kagurangnan mismo an matao saindo nin tanda: may sarong daraga na mangingidam asin mangangaki nin lalaki asin aapodon niyang Immanuel.

Isaias 7:17

“An Kagurangnan mapadara saimo, sa saimong banwaan, asin sa harong nin saimong ama, nin mga aldaw nin kasakitan na mas makuri ki sa nangyari poon kan magsuhay an kahadean nin Israel sa Juda—dadarahon niya an hade nin Asiria.

Isaias 8:10

Maggibo kamo nin mga plano! Alagad dai mangyayari an mga iyan. Mag-orolay kamo sagkod na boot nindo! Alagad an gabos mayo nin halaga, huli ta an Dios nasa sato.

Jeremias 47:2

An sabi niya: “Hilinga! An katubigan nag-iitaas sa amihan saka magsusupay iyan arog kan nagbabahang salog. Malalantopan kaiyan an daga asin an gabos na yaon diyan, an mga syudad saka an mga tawo na nag-eerok diyan. Mahagad nin tabang an mga tawo; mapait na magtatangis an lambang nag-eerok sa kinaban.

Jeremias 48:40

Nanuga an Kagurangnan na maabot an sarong nasyon na arog karikas sa agila asin uunaton niya an saiyang mga pakpak laban sa Moab;

Jeremias 51:42

Nag-itaas an dagat saka nalantopan kan naghahagubohob na mga alon an Babilon.

Ezekiel 17:3

tanganing maaraman ninda an itinataram ko sainda, ako an Kagurangnan Dios: Igwa kaidto nin sarong dakulang agila na may magayon na mga balukag saka dakulang mga pakpak. Naglayog ini pasiring sa kabukidan nin Lebanon asin binari an poro kan sarong kahoy na sedro,

Ezekiel 26:19

Ini an itinataram nin Kagurangnan Dios, “Gigibohon takang sarong mamondong syudad, arog kamondo kan nagkararaot na mga syudad na mayo nin nag-eerok. Tatahoban taka kan mga tubig kan dakulang dagat.

Daniel 11:10

“Maandam para sa gera an mga aking lalaki kan hade nin Siria asin matipon sinda nin sarong dakulang hukbo. An saro sainda an padagos na masalakay siring sa sarong baha, asin sasalakayon niya an bantayan kan kaiwal.

Mikas 1:9

Dai na mabobolong an mga lugad nin Samaria, asin madali na man na magtios sa siring na paagi an Juda; an pagkarumpag nakaabot na sa mga trangkahan nin Jerusalem, sa lugar na pinag-eerokan kan sakong banwaan.”

Mikas 5:5

asin magdadara siya nin katoninongan. Kun salakayon kita kan mga taga Asiria dangan makalagbas sinda sa satong mga depensa, ipapadara ta an satong pinakamakosog na mga lider tanganing labanan sinda.

Mateo 1:23

“Mangingidam an sarong birhen asin mangangaki nin lalaki na aapodon Emmanuel” (na an boot sabihon, “an Dios nasa sato”).