Isaias 8:7 - Marahay na Bareta Biblia

⁷ ako, an Kagurangnan, an madara kan emperador nin Asiria saka an bilog niyang hukbo tanganing salakayon an Juda. Madatong sinda arog sa nagbabahang tubig kan Salog nin Eufrates, na nagsusupay sa mga pangpang kaiyan.

Isaias 8:7 ပူးပေါင်းရင်းမြစ်များ

Genesis 6:17

Papadarahan ko nin baha an bilog na kinaban tanganing gadanon an gabos na may buhay. Magagadan an gabos na yaon sa daga,

2 Mga Hade 19:32

“Ini an tataramon nin Kagurangnan manongod sa emperador nin Asiria: ‘Dai siya makakalaog sa syudad na ini, ni mapana nin sarong bosog laban digdi. Mayo nin mga may kalasag na soldados na marani sa syudad asin dai sinda makakatambak nin daga sa pagsalakay sa palibot kaini.

Esdras 4:10

kaiba an gabos na tawo na pinahale kan dakula saka mapangyaring si Asurbanipal sa saindang mga harong dangan pinaerok sa syudad nin Samaria asin sa iba pang probinsya sa ibong kan Salog nin Eufrates.”

Salmo 46:4

Igwa nin sarong salog na nagpapaogma sa syudad nin Dios, sa banal na harong kan Kahorohalangkawe.

Salmo 72:8

Maghade logod siya poon sa dagat sagkod sa dagat, poon sa Eufrates sagkod sa mga poro kan daga.

Isaias 10:16

Kaya an Kagurangnan nin mga hukbo mapadara nin helang tanganing padusahan an mga basog ngunyan. Magkakaigwa sa saindang mga hawak nin garo sarong kalayo na padagos na naglalaad.

Isaias 10:5

Nagtaram an Kagurangnan, “An Asiria ginagamit kong pamakol tanganing padusahan an sakong mga naaanggotan.

Isaias 11:15

Papamarahon nin Kagurangnan an dagat nin Egipto, asin madara siya nin mainit na doros tanganing pamarahon an Salog nin Eufrates, dangan pito sanang sadit na mga salog an saiyang itatada, tanganing pwedeng bumalyo diyan na naglalakaw an siisay man.

Isaias 28:15

Ipinag-oorgulyo nindo na nakipagtipan kamo sa kagadanan asin nagkaoroyon kamo saka an kinaban kan mga gadan. Nagsasabi man kamo na dai kamo maaano pagdatong kan kahorasaan, huli ta nagsasarig kamo sa kaputikan asin sa daya tanganing magin ligtas kamo.

Isaias 28:17

An hustisya iyo an magigin metros na pansukol kan pundasyon, asin an katanosan iyo an magigin plumo.” An uran nin yelo iyo an maanod kan gabos na kaputikan na sinasarigan nindo, asin raraoton kan baha an saindong pinagtatagoan.

Isaias 28:2

An Kagurangnan igwa nin sarong tawong makosog asin mapangyari na andam sa pagsalakay sainda. Madatong siya siring sa bagyo, siring sa makosog na uran; madatong siya siring sa makosog na baha, asin dadaogon niya an daga.

Isaias 43:2

Kun mag-agi ka sa hararom na katubigan, kaibahan mo ako; dai ka madadaog kan saimong mga kasakitan. Kun mag-agi ka sa kalayo, dai ka masusulo; dai ka maaano kan mga masakit na pagbalo.

Isaias 59:19

Magpoon sa sirangan sagkod sa solnopan, an saiyang dakulang kapangyarihan, katatakotan kan gabos. Maabot siya siring sa sarong masulog na salog, arog sa sarong makosog na doros.

Isaias 7:17

“An Kagurangnan mapadara saimo, sa saimong banwaan, asin sa harong nin saimong ama, nin mga aldaw nin kasakitan na mas makuri ki sa nangyari poon kan magsuhay an kahadean nin Israel sa Juda—dadarahon niya an hade nin Asiria.

Isaias 7:20

“Pag-abot kan panahon na iyan, matandan an Kagurangnan nin sarong barberong hale sa ibong kan Salog nin Eufrates—an hade nin Asiria—asin aarison niya an saindong barabas sagkod an buhok sa saindong payo saka hawak.

Jeremias 47:2

An sabi niya: “Hilinga! An katubigan nag-iitaas sa amihan saka magsusupay iyan arog kan nagbabahang salog. Malalantopan kaiyan an daga asin an gabos na yaon diyan, an mga syudad saka an mga tawo na nag-eerok diyan. Mahagad nin tabang an mga tawo; mapait na magtatangis an lambang nag-eerok sa kinaban.

Jeremias 51:42

Nag-itaas an dagat saka nalantopan kan naghahagubohob na mga alon an Babilon.

Ezekiel 26:19

Ini an itinataram nin Kagurangnan Dios, “Gigibohon takang sarong mamondong syudad, arog kamondo kan nagkararaot na mga syudad na mayo nin nag-eerok. Tatahoban taka kan mga tubig kan dakulang dagat.

Daniel 11:10

“Maandam para sa gera an mga aking lalaki kan hade nin Siria asin matipon sinda nin sarong dakulang hukbo. An saro sainda an padagos na masalakay siring sa sarong baha, asin sasalakayon niya an bantayan kan kaiwal.

Daniel 11:22

An siisay man na magsalungat saiya, maski an Halangkaw na Padi nin Dios, magagadan.

Daniel 9:26

Pakatapos kan panahon na ini, mayong katanosan na gagadanon an pamayong pinili nin Dios. Gagabaon kan mapangyaring pamayo kan masalakay na hukbo an syudad saka an Templo. Maabot an kataposan siring sa sarong baha, na magdadara kan gera saka pagkagaba na inandam nin Dios.

Amos 8:8

Kaya magkakaigwa nin linog, asin mahahadit an gabos sa daga. Matatanyog an bilog na daga; maitaas asin maibaba iyan siring sa Salog nin Nilo.

Amos 9:5

An kinaban dinudutaan nin Kagurangnan, an Dios nin mga hukbo, asin tinatakigan iyan; an gabos na nag-eerok diyan nagmomondo. An bilog na daga minaitaas asin minaibaba arog sa Salog nin Nilo.

Mikas 1:9

Dai na mabobolong an mga lugad nin Samaria, asin madali na man na magtios sa siring na paagi an Juda; an pagkarumpag nakaabot na sa mga trangkahan nin Jerusalem, sa lugar na pinag-eerokan kan sakong banwaan.”

Mikas 5:4

Pagdatong niya, papamayohan niya an saiyang banwaan sa kosog na naghahale sa Kagurangnan asin sa kamurawayan kan ngaran nin Kagurangnan na saiyang Dios. Mamumuhay sa katoninongan an saiyang banwaan huli ta an mga tawo sa bilog na daga magmimidbid kan saiyang kadakulaan,

Mikas 5:5

asin magdadara siya nin katoninongan. Kun salakayon kita kan mga taga Asiria dangan makalagbas sinda sa satong mga depensa, ipapadara ta an satong pinakamakosog na mga lider tanganing labanan sinda.

Nahum 1:8

Arog sa sarong masulog saka dakulang baha pinupuho niya an saiyang mga kaiwal; an mga minasalungat saiya isinusubol niya sa saindang kagadanan.

Lukas 6:48

Kaagid siya sa sarong tawo na nagtugdok nin harong: pakakalot niya nin hararom, pinatindog niya an harong sa pundasyon na gapo. Kan nagbaha, hinampas kan tubig an harong, alagad dai man lamang natanyog huli ta marahay an pagkatugdok kaiyan.

Kapahayagan 17:15

Nagsabi pa sako an anghel, “An nahiling mong mga tubig na natutukawan kan maraot na babae iyo an mga banwaan, mga katawohan, mga rasa asin mga lengwahe.