Isaias 8:18 - Marahay na Bareta Biblia

¹⁸ Uya ako sa kaibahan kan mga aki na itinao sako nin Kagurangnan. An Kagurangnan nin mga hukbo, na an trono nasa Bukid nin Sion, iyo an nagsugo sato bilang mga buhay na mensahe sa banwaan nin Israel.

Isaias 8:18 ပူးပေါင်းရင်းမြစ်များ

Genesis 33:5

Kan mahiling ni Esau an kababaehan asin kaakian naghapot siya, “Siisay an mga kairiba mong ini?” Nagsimbag si Jacob, “Sinda an mga aking pinagmarahay nin Dios na itao sako.”

1 Mga Cronica 23:25

Nagsabi si David, “Tinawan nin Kagurangnan, an Dios nin Israel, nin katoninongan an saiyang banwaan; mag-erok siya sa Jerusalem sagkod lamang.

Salmo 22:30

Maabot na kapagarakian siya an paglilingkodan; mga tawo mabareta sainda manongod sa Kagurangnan.

Salmo 71:7

Ako nagin ngangalasan para sa kadaklan, alagad ika an masarig kong pailihan.

Salmo 9:11

Mag-awit kamo nin pag-omaw sa Kagurangnan, na naghahade sa Sion! An mga ginibo niya ibareta nindo sa lambang nasyon!

Salmo 9:12

Ginigiromdom nin Dios an mga nagtitios; dai niya nalilingawan an saindang inagrangay, asin an naggigibo sainda nin maraot saiyang pinapadusahan.

Isaias 12:6

Magkurahaw asin mag-awit kamo sa kaogmahan mga nag-eerok sa Sion, huli ta dakula an banal na Dios nin Israel, asin nag-eerok siya sa kaibahan kan saiyang banwaan.”

Isaias 14:32

Paano ta sisimbagon an mga sugo na minaabot sato hale sa Filistia? Sasabihan ta sinda na an Kagurangnan an nagpamugtak sa Sion asin nakakakua nin kaligtasan diyan an saiyang nagtitios na banwaan.

Isaias 20:3

Kan masakop an Asdod, nagsabi an Kagurangnan, “Tolong taon nang namuhay na huba saka mayo nin sandalyas an sakong sorogoon na si Isaias. Tanda iyan kun ano an mangyayari sa Egipto asin Etiopia.

Isaias 24:23

Magdidiklom an bulan, asin dai na maliwanag an aldaw, huli ta an Kagurangnan nin mga hukbo an maghahade sa Jerusalem, sa Bukid nin Sion, asin mahihiling kan mga kamagurangan kan banwaan an saiyang kamurawayan.

Isaias 53:10

Nagsasabi an Kagurangnan, “Kabotan ko na siya magtios; an saiyang kagadanan sarong sakripisyo na magdadara nin kapatawadan. Halawig an saiyang magigin buhay, kaya mahihiling pa niya an saiyang kapagarakian, asin sa paagi niya maootob an sakong katuyohan.

Isaias 7:16

Alagad bago dumatong an panahon na iyan, mayo nang mag-eerok sa daga kan duwang hade na kinatatakotan mo.

Isaias 7:3

Tinaraman nin Kagurangnan si Isaias, “Ipag-iba mo an aki mong lalaking si Sear-jasub, asin sabaton nindo si Hadeng Ahaz. Manunumpongan nindo siya sa dalan na pinagtatrabahoan kan mga paragibo nin tela, sa poro kan kali na binubulosan kan tubig hale sa itaas na tangke.

Isaias 8:3

Dai nahaloy, nagbados an sakong agom. Kan mamundag an samong aking lalaki, tinaraman ako nin Kagurangnan, “Ngarani siyang ‘Maher-salal-has-baz’;

Jeremias 44:29

Ako, an Kagurangnan, matao saindo nin tanda na papadusahan ko kamo sa lugar na ini, asin magkakatotoo an panuga ko na darahan kamo nin kapahamakan.

Ezekiel 12:6

Sa atubang ninda pasanon mo an saimong kagamitan asin lumuwas ka pasiring sa diklom na may tahob an mata tanganing dai mo mahiling an saimong padudumanan. An gigibohon mo magigin sarong patanid para sa mga Israelita.”

Ezekiel 14:8

Kakalabanon ko siya asin gigibohon kong sarong tanda asin ngingisihan. Hahaleon ko siya sa katiriponan nin sakuyang banwaan, tanganing maaraman nindo na ako an Kagurangnan.

Ezekiel 4:3

Kumua ka nin kawaleng lansang asin ibugtak mo iyan na garo kudal sa pagultanan mo asin kan syudad. Atubangon mo an syudad na garo sinasalakay an syudad, asin ika an nagsasalakay kaiyan. Ini an magigin tanda para sa nasyon nin Israel.

Zacarias 3:8

Kaya hinanyoga Josue, ika na Halangkaw na Padi; dangoga man nindo, kamong mga kapwa niya padi, kamo na iyo an tanda kan marahay na pangyayari sa maabot na aldaw: ipapahayag ko an sakong sorogoon, na inaapod An Sanga!

Zacarias 8:3

Mabalik ako sa Jerusalem, sa banal kong syudad dangan duman ako maerok. An Jerusalem mamimidbidan na maimbod na syudad, asin an bulod kan Kagurangnan nin mga hukbo aapodon an banal na bulod.

Lukas 2:18

An gabos na nakadangog kan ibinareta kan mga pastor nagngaralas.

Lukas 2:34

Benendisyonan sinda ni Simeon, asin sinabihan si Maria na saiyang ina, “Uya, an aking ini itinalaga para sa pagkapadungkal asin pagbangon nin dakul sa Israel; saro siyang tanda hale sa Dios na isisikwal nin dakul na tawo,

Deuteronomio 28:46

An mga padusang ini an magigin tanda kan paghukom nin Dios sa saindo asin sa saindong kapagarakian sagkod lamang.

Hebreyo 10:33

May mga panahon na pinag-olog-olog saka pinasakitan kamo nin hayag; may panahon man na kadamay kamo kaidtong pinasakitan nin siring kaini.

Hebreyo 12:22

Kundi nagdolok kamo sa Bukid nin Sion asin sa syudad kan buhay na Dios, an langitnon na Jerusalem, na may dai mabilang na mga anghel na maogmang nagtitiripon.