Isaias 8:17 - Marahay na Bareta Biblia

¹⁷ Hahalaton ko an Kagurangnan, na nagtatago kan saiyang lalawogon sa saiyang banwaan, asin ibubugtak ko an sakong paglaom saiya.

Isaias 8:17 ပူးပေါင်းရင်းမြစ်များ

Genesis 49:18

“O Kagurangnan, halat ko an saimong kaligtasan.

An Libro ni Job 13:24

“Tadaw ta linilikayan mo ako? Tadaw ta ibinibilang mo ako na sarong kaiwal?

An Libro ni Job 14:14

Kun magadan an sarong tawo, mabubuhay pa daw siya giraray? Alagad hahalaton ko an mas marahay na mga aldaw; hahalaton kong matapos ining panahon nin kasakitan.

An Libro ni Job 35:14

“Nagsabi ka, Job, na an Dios dai mo nahihiling; alagad maghalat ka sana huli ta aram niya an kamugtakan mo.

Salmo 130:5

An kalag ko naghahalat kan tabang nin Kagurangnan; an saiyang tataramon iyo an sakong linalaoman.

Salmo 27:14

Magsarig sa Kagurangnan. Magmaisog, pakosogon an puso. Magsarig sa Kagurangnan!

Salmo 33:20

An samong kalag naglalaom sa Kagurangnan; siya an samong kalasag asin tabang.

Salmo 37:34

Maglaom sa Kagurangnan, asin kuyoga an saiyang kabotan; ilalangkaw ka niya huli sa pagtao saimo kan daga, asin mahihiling mo an pagkaronot kan tampalasan.

Salmo 39:7

Kagurangnan, ano an sakuyang hahalaton? Ika nanggad sana an sakong paglaom.

Salmo 40:1

Maigot akong naglaom sa Kagurangnan; kinilingan niya ako asin dinangog an sakong inagrangay.

Isaias 1:15

Kun iniitaas mo an saimong mga kamot sa pagpamibi, dai taka hihilingon; maski dugangan mo an saimong pamibi, dai taka hihinanyogon; huli ta pano nin dugo an saimong mga kamot.

Isaias 25:9

Kun mangyari na ini, masabi an gabos, “Siya an samong Dios! Ibinugtak mi sa saiya an samong pagsarig, asin ilinigtas niya kami. Siya an Kagurangnan! Ibinugtak mi sa saiya an samong pagsarig, asin maogma kami saka magayagaya huli ta ilinigtas niya kami.”

Isaias 26:8

Sinusunod mi an saimong kabotan asin naglalaom kami saimo; ika an bilog ming kamawotan.

Isaias 30:18

Alagad naghahalat an Kagurangnan tanganing maherakan kamo. Paladan an mga nagsasarig sa Kagurangnan.

Isaias 33:2

Kagurangnan, kaheraki kami. Sa saimo mi ibinugtak an samong paglaom.

Isaias 45:15

An Dios nin Israel, na nagliligtas kan saiyang banwaan, sarong Dios na dai nagpapahiling.

Isaias 50:10

Kamo gabos na may pagkatakot sa Kagurangnan asin nagkukuyog sa tataramon kan saiyang sorogoon, madiklom man an dalan na saindong linalakawan, alagad magsarig kamo sa Kagurangnan, maglaom kamo sa Dios.

Isaias 54:8

Sa kaanggotan tinalikodan taka sa kadikit na panahon, alagad ipapahiling ko saimo an sakong pagkamoot sagkod pa man.” Iyan an sinasabi nin Kagurangnan na nagliligtas saimo.

Isaias 57:17

Naanggot ako sainda huli kan saindang kasalan saka kapasloan, kaya pinadusahan ko sinda asin pinabayaan. Alagad matagas an saindang payo asin nagpadagos sinda sa saindang gawe.

Isaias 59:2

Dai niya kamo dinadangog huli kan saindong mga kasalan. An saindong mga kasalan an nagsisiblag saindo sa Dios.

Isaias 64:4

Mayo pa nin siisay man na nakahiling o nakadangog dapit sa sarong Dios na arog saimo, na naggigibo nin siring na mga bagay para sa mga tawong minabugtak kan saindang paglaom saiya.

Isaias 64:6

Gabos kami nagkasala; maati maski an pinakamarahay ming gibo. Huli kan samong mga kasalan nakakaagid kami sa mga dahon na naaalang asin ipinapalid kan doros.

Isaias 64:7

Mayong namimibi saimo; mayong nadolok saimo sa paghagad nin tabang. Tinagoan mo kami asin pinabayaan huli kan samong mga kasalan.

Jeremias 33:5

An nagkapira sainda makikilaban sa mga taga Babilonia, na mapano kan mga harong nin mga bangkay kan mga tawong gagadanon ko huli kan sakong kaanggotan asin kabangisan. Tinalikodan ko an syudad na ini huli kan gabos na kasombikalan kan mga tawo digdi.

Oseas 12:6

Kaya ngunyan, kamong mga kapagarakian ni Jacob, magsarig kamo sa saindong Dios, asin magbalik kamo saiya. Magin maimbod kamo saka matanos, asin maghalat kamo na may pakatios sa saindong Dios.

Mikas 3:4

Madatong an panahon na maagrangay kamo sa Kagurangnan, alagad dai niya kamo sisimbagon. Dai niya dadangogon an saindong mga pamibi, huli ta maraot an saindong mga gibo.

Mikas 7:7

Alagad maghahalat ako sa Kagurangnan; padagos akong maglalaom sa Dios na maligtas sako. Dadangogon ako kan sakong Dios.

Habakkuk 2:3

Isurat mo iyan, huli ta dai pa napapanahon tanganing maotob iyan. Alagad madali nang mag-abot an panahon, asin magkakatotoo an ipapahiling ko saimo. Pwedeng mahaloy nin kadikit an pag-abot kaiyan, alagad halaton mo; mangyayari iyan, asin dai iyan mapupugolan.

Lukas 2:38

Kan oras man sanang iyan, nag-abot siya, nagpasalamat sa Dios asin nagtaram dapit sa aki sa gabos na naghahalat kan pagtubos nin Dios sa Jerusalem.

Lukas 24:27

Dangan ipinaliwanag sainda ni Jesus an sinasabi dapit saiya sa gabos na kasuratan, magpoon sa mga libro ni Moises sagkod sa mga surat kan gabos na propeta.

Deuteronomio 32:20

‘Dai ko na sinda tatabangan,’ siya nagtaram; ‘hihilingon ko an saindang aabotan, sinda na bakong maimbod saka makasalan na henerasyon.

1 Tesalonica 1:10

asin kun paano nindo hinahalat an pagbalik kan saiyang Aki hale sa langit—si Jesus na binuhay niya liwat, na iyo an maligtas sato sa maabot na makuring kaanggotan nin Dios.

2 Tesalonica 3:5

Antabayan logod kamo nin Kagurangnan pasiring sa pagkamoot nin Dios asin sa pakatagal ni Cristo.

Hebreyo 2:13

Sinasabi pa niya, “Mananarig ako sa Dios.” Dangan, “Uya ako kaiba kan kaakian na itinao sako nin Dios.”

Hebreyo 9:28

Siring man si Cristo inatang saro sanang beses para sa paghale kan mga kasalan kan dakul na tawo. Maabot siya giraray, bako nang sa paghale kan kasalan, kundi sa pagligtas kan mga naghahalat saiya.