Isaias 8:16 - Marahay na Bareta Biblia

¹⁶ Kamo, sakong mga disipulo, dapat na ingatan nindo asin papagdanayon an mga mensahe na itinao sako nin Dios.

Isaias 8:16 ပူးပေါင်းရင်းမြစ်များ

2 Mga Hade 11:12

Dangan ilinuwas ni Jehoiada si Joas, kinoronahan, saka tinawan kan kopya kan katogonan nin paghahade. Ginibo nindang hade si Joas; asin linahidan ini nin lana. Dangan nag-oropak an mga tawo saka nagkururahaw, “Mabuhay an hade!”

Salmo 25:14

Mga katood nin Kagurangnan an mga may pagkatakot saiya; an saiyang tipan ipinapahayag niya sainda.

Isaias 50:4

Tinukdoan ako nin Kagurangnan Dios kan sakong sasabihon, tanganing mapakosog ko an napapagal. Aga-aga, pinupukaw niya ako tanganing magdangog kan itutukdo niya.

Isaias 54:13

“Ako mismo an matukdo sa saimong mga namamanwaan, asin an matao nin kauswagan saka katoninongan.

Isaias 8:20

Simbagon nindo sinda nin, “Dangoga an itinutukdo saindo nin Kagurangnan! Dai kamo magdangog sa mga nakikiolay sa mga gadan—dai magbubunga nin marahay an sasabihon ninda saindo.”

Daniel 12:4

Tinaraman niya ako, “Ngunyan, Daniel, serahan mo an libro dangan bugtakan mo nin selyo sagkod na mag-abot an kataposan nin kinaban. Mantang dai pa iyan nangyayari, dakul na tawo an magsasayang nin panahon sa pagsabot kan nangyayari.”

Daniel 9:24

“Kwatro syentos nubentang taon an itinalaan nin Dios sa pagtalingkas sa saimong banwaan saka sa saimong syudad sa kasalan asin sa karatan. Papatawadon an kasalan asin papadanayon an hustisya, tanganing patotoohan an bisyon saka an propesiya, asin konsagrahon giraray an banal na Templo.

Mateo 13:11

Nagsimbag si Jesus, “Saindo ipinapasabot an mga hilom kan Kahadean nin langit, alagad sainda dai.

Markos 10:10

Pag-abot ninda sa harong, hinapot giraray si Jesus kan mga disipulo dapit kan bagay na ini.

Markos 4:34

Dai siya nagtukdo sainda kun bakong sa paagi nin mga parabola, alagad kun an mga disipulo sana an yaon, ipinaliwanag niya sainda an gabos.

1 Corinto 2:14

An tawong mayo kan Espiritu nin Dios dai makakaako kan mga balaog kan Espiritu nin Dios, huli ta para saiya, kalolongan iyan. Dai siya makakasabot kan mga balaog na iyan, huli ta masasabotan sana iyan sa paagi kan Espiritu.

Deuteronomio 4:45

mga togon asin pagboot na ipinahayag niya sainda pakahale ninda sa Egipto,

Hebreyo 3:5

Nagin maimbod si Moises sa harong nin Dios bilang sorogoon; nagtaram siya dapit sa mga bagay na ipapahayag nin Dios sa maabot na panahon.

Kapahayagan 10:4

Pakasimbag ninda, masurat na kuta ako, alagad nakadangog ako nin sarong tingog na nagtataram hale sa langit, “Hiloma sana an sinabi kan pitong daguldol; dai mo iyan ipagsurat!”

Kapahayagan 19:10

Duminapa ako sa pamitisan niya sa pagsamba saiya, alagad sinaway niya ako, “Dai mo iyan paggibohon! Sorogoon man akong arog saimo, arog kan saimong mga tugang na nagdadanay sa katotoohan na ipinahayag ni Jesus. Sambahon mo an Dios!” Huli ta an katotoohan na ipinahayag ni Jesus iyo an buhay kan propesiya.

Kapahayagan 2:17

“An may talinga, magdangog sa sinasabi kan Espiritu sa mga simbahan! “Sa mga manggagana itatao ko an iba kan natatagong manna. An lambang saro sainda tatawan ko man nin puting gapo na nasusuratan nin bagong ngaran na mayong siisay man na makakaaram pwera sa maako kaiyan.

Kapahayagan 5:1

Nahiling ko sa toong kamot kan nagtutukaw sa trono an sarong libro na pano nin surat mang-ibong-ibong asin igwa nin pitong selyo.

Kapahayagan 5:5

Dangan saro kan mga kamagurangan an nagsabi sako, “Dai ka maghibi. Hilinga, nanggana an Leon kan tribu nin Juda, an Gamot ni David, kaya siya an makakatangkas kan pitong selyo asin makakabukas kan libro.”