Isaias 8:10 - Marahay na Bareta Biblia

¹⁰ Maggibo kamo nin mga plano! Alagad dai mangyayari an mga iyan. Mag-orolay kamo sagkod na boot nindo! Alagad an gabos mayo nin halaga, huli ta an Dios nasa sato.

Isaias 8:10 ပူးပေါင်းရင်းမြစ်များ

Genesis 21:22

Kaidtong panahon, si Abimelek asin an pamayo kan saiyang hukbo na si Ficol nagsabi ki Abraham, “Kaiba mo an Dios sa gabos mong gibo.

2 Samuel 15:31

Kan maosipan si David na uminiba si Ahitofel sa pagrebelde ni Absalom, namibi siya, “O Kagurangnan, namimibi ako saimo na mamugtak logod sa kalolongan an mga hatol ni Ahitofel!”

2 Samuel 17:23

Kan mahiling ni Ahitofel na dai sinunod an saiyang hatol, kinamaderohan niya an saiyang asno dangan nagpuli sa sadiring syudad. Kan maasikaso na niya an gabos na dapat gibohon, naghugot siya. Ilinubong siya sa lulubngan kan saiyang pamilya.

2 Samuel 17:4

Naoyonan ni Absalom asin kan gabos na lider kan mga Israelita an hatol ni Ahitofel.

2 Mga Hade 6:12

Nagsimbag an saro sa sainda, “Mahal na hade, mayo samo nin kampi sa saiya. Si Eliseo na propeta sa Israel an nagsasabi sa saindang hade kan mga itinataram mo sa hilom.”

2 Mga Cronica 13:12

An Dios kaibahan mi asin iyo an samong pamayo; andam an saiyang mga padi sa pagpatanog kan mga trompeta tanganing labanan nyamo kamo. Banwaan nin Israel, hare kamo pagtumang sa Kagurangnan, an Dios kan saindong mga ginikanan, huli ta dai kamo manggagana!”

An Libro ni Job 5:12

Rinaraot niya an mga mukna kan mga tuso, asin tolos inoontok an plano kan mga madonong, tanganing dai magbunga an saindang ginigibo;

Salmo 21:12

Sinda saiyang papanaon; sinda saiyang pasisibogon asin padudulagon.

Salmo 46:1

An Dios satong pailihan asin kosog, danay na andam sa pagtabang sa panahon nin kasakitan.

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 46:7

An Makakamhan na Kagurangnan kaibahan nyato; satong pailihan an Dios ni Jacob.

Salmo 46:8

Madya asin hilinga an ginibo nin Kagurangnan. Hilinga an makangangalas na mga bagay na ginibo niya sa kinaban.

Mga Talinhaga 21:30

An kadonongan, pakasabot asin hatol nin tawo dai makakatabang kun an Kagurangnan laban saimo.

Isaias 14:27

Totoong gigibohon ini nin Kagurangnan nin mga hukbo; inunat na niya an saiyang takyag sa pagpadusa, asin mayo nin siisay man na makakapaontok saiya.

Isaias 28:18

Dangan mawawaraan nin halaga an pakipagtipan nindo sa kagadanan, asin mawawaraan nin halaga an pakipag-oyon nindo sa kinaban kan mga gadan. Pag-agi kan kasakitan, madadaog kamo.

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 43:5

Dai ka matakot—kaiba mo ako! “Ipupuli ko saimo an saimong namamanwaan hale sa sirangan asin sa solnopan.

Isaias 7:14

Kaya an Kagurangnan mismo an matao saindo nin tanda: may sarong daraga na mangingidam asin mangangaki nin lalaki asin aapodon niyang Immanuel.

Isaias 8:8

Mabulos iyan sa bilog na Juda siring sa sarong baha na minalangkaw paliog asin minatahob kan gabos.” An Dios nasa sato! An saiyang unat na mga pakpak an nag-iingat kan daga.

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Jeremias 42:11

Dai kamo matakot sa hade nin Babilonia. Kaibahan nindo ako, asin ililigtas ko kamo sa saiyang kapangyarihan.

Jeremias 46:28

Masasakaibahan nindo ako tanganing iligtas kamo. Roronoton ko an gabos na nasyon na pinagwarakan ko saindo, alagad dai ko kamo pupuhoon. Dai ako matugot na dai kamo mapadusahan; alagad kun padusahan ko na kamo, gigibohon ko an matanos para saindo. Ako, an Kagurangnan, an nagtaram.”

Mga Panambitan 3:37

Mayo nin siisay man na nakapagboot asin nakagibo nin anoman kun bakong huli sa kabotan nin Kagurangnan.

Joel 3:9

“Ipahayag nindo ini sa mga nasyon: ‘Pag-andam para sa gera; apoda an saindong mga paralaban; tipona an gabos nindong soldados dangan lakaw na!

Hageo 1:13

Dangan an mensaheng ini nin Kagurangnan sinabi ni Hageo sa mga tawo: “Kaibahan nindo ako—iyan an panuga ko.”

Mga Bilang 14:9

Dai kamo magtumang sa Kagurangnan. Dai man kamo matakot sa mga nag-eerok duman huli ta madali ta sindang madaog. Kaiba ta an Kagurangnan asin nadaog na niya an mga dios-dios na nagsusurog sainda; kaya dai kamo matakot.”

Mateo 1:23

“Mangingidam an sarong birhen asin mangangaki nin lalaki na aapodon Emmanuel” (na an boot sabihon, “an Dios nasa sato”).

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Roma 8:13

Huli ta kun namumuhay kamo sosog sa laman, magagadan kamo; alagad kun ginagadan nindo an mga gibo nindong maraot sa tabang nin Espiritu, mabubuhay kamo.

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

Deuteronomio 20:1

“Kun magluwas kamo sa pakigera sa saindong mga kaiwal, asin mahiling nindo na mas dakul ki sa saindo an saindang mga kabayo, karwahe asin hukbo, dai kamo matakot sa sainda; kaibahan nindo an Kagurangnan na saindong Dios na nagluwas saindo hale sa Egipto.

Josue 1:5

Josue, dai nin siisay man na makakadaog saimo sa bilog mong pagkabuhay. Iibahan taka siring na inibahan ko si Moises. Danay na iibahan taka; dai taka nanggad papabayaan.

1 Juan 4:4

Alagad sadiri kamo nin Dios, mga aki. Dinaog na nindo an mga bakong tunay na propeta, huli ta an Espiritu na yaon saindo mas mapangyari ki kan espiritu na yaon sa mga tawong sadiri kan kinaban.