Isaias 8:1 - Marahay na Bareta Biblia

¹ Dangan sinabihan ako nin Kagurangnan, “Magkua ka nin masusuratan asin isurat mo sa darakulang letra an, ‘Ki Maher-salal-has-baz.’

Isaias 8:1 ပူးပေါင်းရင်းမြစ်များ

Isaias 30:8

Tinaraman ako nin Dios na isurat sa sarong libro kun ano an kabaing kan banwaan, tanganing magkaigwa nin danay na talaan kun gurano sinda karaot.

Isaias 8:16

Kamo, sakong mga disipulo, dapat na ingatan nindo asin papagdanayon an mga mensahe na itinao sako nin Dios.

Isaias 8:3

Dai nahaloy, nagbados an sakong agom. Kan mamundag an samong aking lalaki, tinaraman ako nin Kagurangnan, “Ngarani siyang ‘Maher-salal-has-baz’;

Jeremias 30:2

nagtaram sako, “Isurat mo sa sarong libro an gabos na sinabi ko saimo,

Jeremias 36:2

“Kumua ka nin suratan asin isurat mo an gabos na sinabi ko saimo manongod sa Israel, sa Juda saka sa gabos na nasyon. Isurat mo an gabos na itinaram ko saimo magpoon kan enot takang kaolayon, kan si Josias iyo an hade, sagkod ngunyan na aldaw,

Jeremias 36:28

na magkua giraray nin suratan saka isurat an gabos na nasa enot na kasuratan.

Jeremias 36:32

Dangan nagkua ako nin ibang suratan saka itinao ko sa sakong sekretaryo na si Baruc, dangan isinurat niya an gabos na sinabi ko saiya. Isinurat niya an gabos na nasa enot na kasuratan asin an parehong mga mensahe na idinikta ko saiya.

Kapahayagan 13:18

Nangangaipo ini nin kadonongan. An siisay man na madonong, masasabotan an kahulogan kan numero kan hayop, huli ta numero iyan nin sarong tawo. An numero kaiyan seis syentos sesenta y seis.

Kapahayagan 21:17

Sinukol man kan anghel an kudal na an langkaw sesenta metros, sosog sa pansukol na ginamit niya.