Isaias 7:7 - Marahay na Bareta Biblia

⁷ “Alagad ako, an Kagurangnan Dios, nagpapahayag na dai nanggad ini mangyayari!

Isaias 7:7 ပူးပေါင်းရင်းမြစ်များ

Salmo 33:11

Alagad an saiyang mukna magdadanay sagkod lamang; an saiyang mga kaisipan dai nin kataposan.

Salmo 76:10

An kaanggotan nin tawo magtatao nin kaomawan saimo; an makaligtas sa gera iyo an maselebrar kan saimong mga pyesta.

Mga Talinhaga 21:30

An kadonongan, pakasabot asin hatol nin tawo dai makakatabang kun an Kagurangnan laban saimo.

Isaias 28:18

Dangan mawawaraan nin halaga an pakipagtipan nindo sa kagadanan, asin mawawaraan nin halaga an pakipag-oyon nindo sa kinaban kan mga gadan. Pag-agi kan kasakitan, madadaog kamo.

Isaias 37:29

Huli kan kaanggotan mong iyan tumang sako asin kan kapaabaw-abawan mong nakaabot sa sakong pandangog, bubugtakan taka nin salongasing saka renda dangan ibabalik taka sa hinalean mo.”

Isaias 7:1

Kan si Hadeng Ahaz, na aking lalaki ni Jotam asin makoapo ni Uzzias, iyo an naghahade sa Juda, nagtukad pasiring sa Jerusalem si Rezin na hade nin Siria, asin si Peka na aking lalaki ni Remalias na hade nin Israel, tanganing salakayon an syudad alagad dai ninda nakayang salakayon ini.

Isaias 7:6

Boot nindang salakayon an Juda, takoton an mga tawo tanganing mag-apil sainda, dangan ibugtak an aking lalaki ni Tabeel bilang hade.

Isaias 8:10

Maggibo kamo nin mga plano! Alagad dai mangyayari an mga iyan. Mag-orolay kamo sagkod na boot nindo! Alagad an gabos mayo nin halaga, huli ta an Dios nasa sato.

Mga Panambitan 3:37

Mayo nin siisay man na nakapagboot asin nakagibo nin anoman kun bakong huli sa kabotan nin Kagurangnan.

Daniel 4:35

An mga tawo sa daga hinihiling niya na mayo nin halaga; an mga anghel sa langit saka an mga tawo sa daga nasa irarom kan saiyang kabotan. Mayo nin makakasalungat kan saiyang kabotan o makakahapot saiya nin, ‘Ano an ginigibo mo?’