Isaias 7:22 - Marahay na Bareta Biblia

²² dakul na gatas an saindang itatao saiya, kaya magkakaigwa siya kan gabos niyang kaipuhan; huli ta an lambang saro na nawalat sa daga magkakaigwa nin gatas saka dugos na kakakanon.

Isaias 7:22 ပူးပေါင်းရင်းမြစ်များ

Genesis 18:8

Nagkua man si Abraham nin keso asin gatas dangan an mga ini asin an linutong karne ipinuwesto niya sa mga lalaki na nasa sirong kan kahoy. Nagkakan sinda mantang nakatindog sa harani si Abraham.

Isaias 14:30

An Kagurangnan iyo an mapastor sa mga dukha sa saiyang banwaan asin tutugotan niya sindang mamuhay na matoninong. Alagad mapadara siya nin makangirhat na gutom sa saindo, mga Filisteo, asin mayo sa saindo nin matatadang buhay.

Isaias 17:2

Mawawaraan nin namamanwaan an mga syudad nin Siria sagkod pa man. Ini magigin mga pasabsaban para sa karnero saka baka, asin mayo nin maalaw sa sainda.

Isaias 7:15

Pag-abot kan panahon na tatao na siyang magsabot kun ano an maraot asin marahay, mainom an mga tawo nin gatas asin makakan nin dugos.

Isaias 8:15

Dakul an masisingkog; matutumba sinda asin maroronot. Madadakop sinda sa sarong siod.”

Mateo 3:4

An gubing ni Juan gibo sa mga buhok nin kamelyo, may hagkos siyang anit. An kakanon niya doron asin dugos.