Isaias 7:2 - Marahay na Bareta Biblia

² Kan maaraman kan hade nin Juda na nasa teritoryo na nin Israel an hukbo nin Siria, natakot siya nin makuri, siring man an saiyang mga nasasakopan. Nagtarakig sinda siring sa mga kahoy na hinuhuyop nin doros.

Isaias 7:2 ပူးပေါင်းရင်းမြစ်များ

2 Samuel 7:16

Danay kang magkakaigwa nin mga kapagarakian, asin an saimong trono magdadanay sagkod lamang. Mayo nin kataposan an saimong kahadean.’”

1 Mga Hade 11:32

Matatada ki Solomon an sarong tribu huli sa sakong sorogoon na si David asin huli sa Jerusalem, an syudad na pinili ko sa gabos na tribu nin Israel.

1 Mga Hade 12:16

Kan mahiling kan mga tawo na habong maghinanyog sainda an hade, nagkurahaw sinda, “Ano an samong kahirasan ki David? Dai kami nin pamana sa aking lalaki ni Jesse. Bumalik kamo sa saindong mga tolda, O Israel! Atamana ngunyan an sadiri mong harong, O David.” Kaya nagbaralik sa saindang mga tolda an mga Israelita.

1 Mga Hade 13:2

Dangan sa pagkuyog kan kabotan nin Kagurangnan, nagkurahaw an propeta laban sa altar: “O altar, iyo ini an itinataram nin Kagurangnan: ‘Sarong aking lalaki, na Josias an magigin ngaran, an mamumundag sa pamilya ni David. Isasakripisyo niya sa ibabaw mo an mga padi na naglilingkod sa paganong mga altar na nagdodolot nin mga sakripisyo sa ibabaw mo; tututongon niya sa ibabaw mo an mga tolang nin tawo.’”

2 Mga Cronica 25:10

Kaya pinahale ni Amazias an tinandanan na hukbo asin pinapuli sa saindang harong. Nagpuruli sindang makuri an kaanggotan sa mga taga Juda.

2 Mga Cronica 28:12

Apat sa mga lider kan Kahadean sa Amihan an nagsalungat sa ginibo kan hukbo. An mga lider na ini iyo si Azarias na aking lalaki ni Jehohanan, si Berekias na aking lalaki ni Mesillemot, si Jehizkias na aking lalaki ni Sallum asin si Amasa na aking lalaki ni Hadlai.

Salmo 11:1

Minasarig ako sa Kagurangnan. Tadaw ta minasabi ka sako, “Lumayog ka siring sa sarong gamgam pasiring sa kabubuldan,

Mga Talinhaga 28:1

Nagdudulag an tampalasan maski mayong naglalamag, alagad an matanos maisog arog sa leon.

Isaias 11:13

Dai na pag-iimonan kan kahadean nin Israel an Juda, asin dai na magigin kaiwal nin Israel an Juda.

Isaias 22:22

Itatao ko saiya an bilog na awtoridad sunod sa hade, an kapagarakian ni David. Mapapasaiya an lyabe kan palasyo ni David; an anoman na buksan niya, mayo nin makakasera, asin an anoman na serahan niya, mayo nin makakabukas.

Isaias 37:27

Mayong naginibo an mga nag-erok duman; natakot sinda asin namongnan. Nakaagid sinda sa mga tinanom sa oma o mga doot na nagtatalubo sa atop na naaalang kun minahuyop an mainit na doros hale sa sirangan.

Isaias 37:35

Susurogon ko an syudad na ini, huli na sana kan sakong onra asin huli kan mga ginibo ko ki David na sakong sorogoon.’”

Isaias 6:13

Maski mawalat an saro sa sampolo katawo, magagadan man siya; makakaarog siya sa pungo kan pinulak na hamurawon.” (An pungo iyo an tanda kan bagong kapinonan para sa banwaan nin Dios.)

Isaias 7:13

Nagsabi si Isaias, “Pagdangog kun siring, kapagarakian ni Hadeng David. Dikit pa daw sa saindo an pagbalo kan pagkamatinios nin mga tawo, ta binabalo pa nindo an pagkamatinios nin sakong Dios?

Isaias 7:17

“An Kagurangnan mapadara saimo, sa saimong banwaan, asin sa harong nin saimong ama, nin mga aldaw nin kasakitan na mas makuri ki sa nangyari poon kan magsuhay an kahadean nin Israel sa Juda—dadarahon niya an hade nin Asiria.

Isaias 7:5

An Siria, kaiba an Israel saka an hade kaini, nagplano nin karatan laban saimo.

Isaias 8:12

“Dai ka mag-apil sa mga plano kan mga tawo asin dai ka matakot sa mga bagay na saindang natatakotan.

Isaias 9:9

An gabos na tawo sa Israel, an gabos na nag-eerok sa syudad nin Samaria, makakaaram na siya an naggibo kaini. Ngunyan mapaabaw-abaw asin mapalangkaw na nagsasabi sinda,

Oseas 12:1

An gabos na ginigibo kan banwaan nin Israel poon sa pagkaaga sagkod sa pagkabanggi, mayong halaga asin nakakaraot. An lambang saro sainda orog na nagigin mapasaluib asin madahas; nakikipagtipan sinda sa Asiria asin nakikipagnegosyo sa Egipto.”

Mateo 2:3

Napurisaw na gayo si Hadeng Herodes kan maaraman niya ini, siring man an mga taga Jerusalem.