Isaias 7:19 - Marahay na Bareta Biblia

¹⁹ Maabot sinda gabos asin maontok sa mga ampas, sa mga lungib sa kagapoan, sa gabos na binit, patin sa gabos na pasabsaban.

Isaias 7:19 ပူးပေါင်းရင်းမြစ်များ

2 Mga Cronica 33:11

Kaya dinara nin Kagurangnan sa Juda an mga pamayo kan hukbo nin Asiria. Dinakop ninda si Manases sa paagi nin mga kawit saka kinadenahan dangan dinara sa Babilon.

Isaias 2:19

An mga tawo matarago sa mga lungib sa kagapoan asin sa mga kalot sa daga, sa pagdulag sa kaanggotan nin Kagurangnan, asin sa saiyang kamurawayan sa saiyang pagtindog sa pagyugyog kan kinaban.

Isaias 2:21

Matarago sinda sa mga lungib sa kagapoan asin sa mga barana kan mga ampas sa pagdulag sa kaanggotan nin Kagurangnan, asin sa saiyang kamurawayan, sa saiyang pagtindog sa pagyugyog kan kinaban.

Isaias 5:6

Papabayaan kong magtalubo an mga doot; dai ko iyan tatakrasan ni babayoboon, kundi papataluboon ko an mga tonok. Pagbobotan ko an mga dampog na dai maghulog nin uran duman.”

Isaias 55:13

Embes kan mga tonok matalubo an mga kahoy na sipres; embes kan mga binit matalubo an mga marambong na kahoy. Ini an magigin sarong tanda na magdadanay sagkod lamang, sarong giromdom kan ginibo ko, an Kagurangnan.”

Isaias 7:24

An mga tawo maduman na may darang pana tanganing mang-ayam, huli ta an bilog na daga mapapano nin mga binit saka tonok.

Isaias 7:25

An gabos na bulod na dating natatanoman, mapapano nin katonokan, kaya mayo nin tawong makakaduman. Iyan magigin sarong lugar na pagsasabsaban kan mga baka saka karnero.”

Jeremias 16:16

Nagtataram an Kagurangnan, “Mapadara ako nin dakul na parasira tanganing dakopon an mga tawong ini. Dangan mapadara ako nin dakul na paraayam tanganing hanapon sinda sa lambang bukid asin bulod, saka sa mga lungib sa kagapoan.

Mikas 7:17

Makamang sinda sa alpog arog sa mga halas; maabot sinda hale sa saindang mga bantayan na nagtatakig saka natatakot. Sa katakotan, madolok sinda sa Kagurangnan na samong Dios.

Zacarias 10:8

“Aapodon ko an sakong banwaan asin titiponon. Ililigtas ko sinda dangan papadakulon siring kaidto.

Mateo 7:16

Mamimidbid nindo sinda sa mga gibo ninda. An limonsito dai namumunga nin ubas asin an labnig dai namumunga nin bayawas.