Isaias 7:18 - Marahay na Bareta Biblia

¹⁸ “Pag-abot kan panahon na iyan, masiwit an Kagurangnan bilang sarong tanda para sa mga Egipcio tanganing magdirigdi sinda siring sa mga langaw hale sa pinakaharayong mga sanga kan Salog nin Nilo, asin para sa mga Asiro tanganing magdirigdi sinda hale sa saindang daga siring sa mga putakti.

Isaias 7:18 ပူးပေါင်းရင်းမြစ်များ

Salmo 105:31

Nagboot an Dios, asin nag-abot an mga langaw; mga noknok nakapano sa bilog na daga.

Salmo 118:12

Pinalibotan ninda ako siring sa mga putakti, alagad napalsok tolos sinda siring kan kalayo sa katonokan; alagad ginaradan ko sinda sa ngaran nin Kagurangnan!

Exodo 8:21

Pinapatanidan taka na kun magsayuma ka, mapadara ako nin mga langaw bilang padusa sa saimo, sa saimong mga opisyal sagkod sa saimong mga nasasakopan. An mga harong kan mga Egipcio mapapano nin mga langaw asin an daga matatahoban kaini.

Exodo 8:24

Pinatotoohan nin Kagurangnan an saiyang itinaram. Nagpadara siya nin kadakul na langaw sa palasyo kan hade asin sa mga harong kan saiyang mga opisyal. Rinaot kan mga langaw an bilog na daga nin Egipto.

Isaias 13:5

Harale pa sinda sa harayong mga daga, sa poro kan kinaban. Maabot an Kagurangnan sa pagraot kan bilog na daga sa saiyang kaanggotan.

Isaias 31:1

Herak man sa mga nagduduman sa Egipto nganing magpatabang! Nagsasarig sinda sa kosog kan hukbo nin Egipto—mga kabayo, mga karwahe, saka mga soldados. Alagad dai sinda nagsasarig sa Kagurangnan, an banal na Dios nin Israel, ni naghahagad saiya nin tabang.

Isaias 5:26

Aapodon nin Kagurangnan an sarong harayong nasyon. Sisiwitan niya iyan sa mga poro kan kinaban, asin madatong tolos iyan!

Isaias 7:17

“An Kagurangnan mapadara saimo, sa saimong banwaan, asin sa harong nin saimong ama, nin mga aldaw nin kasakitan na mas makuri ki sa nangyari poon kan magsuhay an kahadean nin Israel sa Juda—dadarahon niya an hade nin Asiria.

Zacarias 10:8

“Aapodon ko an sakong banwaan asin titiponon. Ililigtas ko sinda dangan papadakulon siring kaidto.

Deuteronomio 1:44

Sinabat kamo kan mga Amoreo na nag-erok duman, asin siring sa putakti, linamag ninda kamo sagkod sa Horma dangan dinaog sa mabulod na daga nin Edom.

Deuteronomio 28:49

Hale sa poro kan kinaban, ipapadara nin Kagurangnan laban saindo an sarong nasyon, na an lengwahe dai nindo masasabotan. Siring sa sarong agila, sasakloton kamo kan saindong mga kaiwal.

Deuteronomio 7:20

Papadarahan pa niya sinda nin makuring takot, asin gagadanon niya idtong mga makakadulag asin makakatago.

Josue 24:12

Ginibo kong magkatarakot sinda sa pagdangadang nindo tanganing pahaleon an duwang hadeng Amoreo. Bako iyan gibo kan saindong espada saka pana.