Isaias 7:14 - Marahay na Bareta Biblia

¹⁴ Kaya an Kagurangnan mismo an matao saindo nin tanda: may sarong daraga na mangingidam asin mangangaki nin lalaki asin aapodon niyang Immanuel.

Isaias 7:14 ပူးပေါင်းရင်းမြစ်များ

Genesis 16:11

Bados ka, asin mangangaki nin lalaki; aapodon mo siyang Ismael, huli ta dinangog nin Kagurangnan an saimong agrangay.

Genesis 29:32

Kaya nagbados si Lea asin nag-aki nin sarong lalaki na nginaranan niyang Ruben, huli ta nagsabi siya, “Nahiling nin Kagurangnan an sakong kasakitan asin ngunyan mamomotan na ako kan sakong agom.”

Genesis 3:15

Papag-iwalon ko kamo asin an babae; an saimong banhi asin an saiyang banhi: roronoton kaini an saimong payo, asin hahampakon mo an saiyang bool.”

Genesis 30:6

Olay ni Rachel, “Hinukoman ako nin Dios. Dinangog niya an sakong mga pamibi asin tinawan niya ako nin aki;” kaya an aki nginaranan niyang Dan.

Genesis 30:8

Nagsabi si Rachel, “Nakilaban ako nin marahay sa sakong tugang asin ako an nanggana;” kaya an aki nginaranan niyang Neftali.

Genesis 4:25

Nagkaigwa pa nin aki si Adan asin an saiyang agom. Nagsabi si Eva, “Tinawan ako nin Dios nin aki na kasalihid ni Abel na ginadan ni Cain.” Kaya an aki nginaranan niyang Set.

1 Mga Hade 13:3

Dangan sarong tanda an itinao kan propeta kan aldaw man sanang iyan, “Ini an tanda na itinaram nin Kagurangnan: ‘Magagaba an altar na ini, asin mauula an mga abo na nasa ibabaw kaini.’”

Salmo 46:8

Madya asin hilinga an ginibo nin Kagurangnan. Hilinga an makangangalas na mga bagay na ginibo niya sa kinaban.

Isaias 38:7

Nagsimbag si Isaias, “Iyo ini an tanda nin Kagurangnan na mapatotoo saimo na ootobon niya an saiyang panuga:

Isaias 8:10

Maggibo kamo nin mga plano! Alagad dai mangyayari an mga iyan. Mag-orolay kamo sagkod na boot nindo! Alagad an gabos mayo nin halaga, huli ta an Dios nasa sato.

Isaias 8:8

Mabulos iyan sa bilog na Juda siring sa sarong baha na minalangkaw paliog asin minatahob kan gabos.” An Dios nasa sato! An saiyang unat na mga pakpak an nag-iingat kan daga.

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Jeremias 23:6

Magigin ligtas an Juda sa panahon nin saiyang paghahade, asin an Israel mamumuhay na matiwasay. Aapodon siya sa ngaran na ‘An Kagurangnan Samong Kaligtasan.’

Jeremias 31:22

Sagkod nuarin ka magduduwa-duwa, banwaan na bakong maimbod? Naglalang ako nin bagong bagay sa ibabaw nin kinaban, siring kabago sa babae na iyo na an nag-iingat sa lalaki.”

Jeremias 44:29

Ako, an Kagurangnan, matao saindo nin tanda na papadusahan ko kamo sa lugar na ini, asin magkakatotoo an panuga ko na darahan kamo nin kapahamakan.

Mikas 5:2

Nagsasabi an Kagurangnan, “Betlehem Efrata, ika an pinakasadit na banwa sa Juda, alagad hale sa saimo maluwas para sa sako an saro na iyo an magigin lider nin Israel, na an ginikanan masososog pa sa mga suanoy na panahon.”

Mateo 1:23

“Mangingidam an sarong birhen asin mangangaki nin lalaki na aapodon Emmanuel” (na an boot sabihon, “an Dios nasa sato”).

Lukas 1:31

Mangingidam ka asin mangangaki nin lalaki; Jesus an ingangaran mo saiya.

Lukas 1:35

Nagsimbag an anghel, “Mahilig saimo an Espiritu Santo asin lilindongan ka kan kapangyarihan kan Kahorohalangkaweng Dios. Kaya banal an ipapangaki mo na aapodon Aki nin Dios.

Lukas 2:12

Ini an tanda para saindo: makukua nindo an sarong omboy na napapatos nin lampin asin nahuhulid sa sarong bahugan.”

Lukas 20:44

Kun ‘Kagurangnan’ an apod saiya ni David, paano siyang magin aki ni David?”

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Roma 9:5

Gikan sinda sa bantog na mga Patriarka; sa rasa ninda gikan si Cristo kan siya magin tawo. Pag-omawon sagkod pa man an Dios na nagsasakop kan gabos! Amen.

1 Timoteo 3:16

Mayong makakanegar na totoong dakulang misteryo an satong relihiyon: Nagpahiling siya kan siya nagin tawo, pinatotoohan siya kan Espiritu Santo, asin nahiling kan mga anghel. Ipinaghulit siya sa mga nasyon, tinubod sa bilog na kinaban, dinara sa kamurawayan.

Hukom 6:36

Dangan nagsabi si Gideon sa Dios, “Kun totoong ililigtas mo an Israel sa paagi ko,

1 Samuel 1:20

Nagbados si Hanna asin nangaki nin lalaki. Nginaranan niya ining Samuel, huli ta olay niya, “Hinagad ko siya sa Kagurangnan.”

1 Samuel 4:21

An aki nginaranan niyang Ikabod na an olay, “Naghale na an kamurawayan nin Dios sa Israel!” huli ta nabihag an Kaban nin Dios asin nagadan an saiyang panugangan saka an saiyang agom.