Isaias 7:13 - Marahay na Bareta Biblia

¹³ Nagsabi si Isaias, “Pagdangog kun siring, kapagarakian ni Hadeng David. Dikit pa daw sa saindo an pagbalo kan pagkamatinios nin mga tawo, ta binabalo pa nindo an pagkamatinios nin sakong Dios?

Isaias 7:13 ပူးပေါင်းရင်းမြစ်များ

Genesis 30:15

Nagsimbag si Lea, “Dai ka pa nakontento sa pag-agaw kan sakong agom? Ngunyan gusto mo pang kuahon an mga mandragora kan sakong aki?” Nagsimbag si Rachel, “Kun itao mo sako an mga mandragora kan saimong aki, pwede mong dorogan si Jacob ngunyan na banggi.”

2 Mga Cronica 21:7

alagad habong tunawon nin Kagurangnan an kapagarakian ni David, huli kan tipan na ginibo niya ki David asin huli kan panuga niya na magdadanay sa paghahade an saiyang kapagarakian.

Salmo 45:5

Mapapanas an saimong mga bosog sa puso kan saimong mga kaiwal minatama; an mga nasyon nagkakaturumba sa saimong pamitisan.

Isaias 1:14

Ikinakaongis ko an saimong mga pyesta kan Bagong Bulan saka itinalaan na mga pyesta; iyan sarong pagabat para sako; napapagal na ako sa pagpasan kaiyan.

Isaias 1:24

Kaya nagsasabi an Kagurangnan, an Makakamhan nin Israel: “Pahuhugpaon ko an sakong kaanggotan sa sakong mga kaiwal, asin mabalos ako.

Isaias 22:22

Itatao ko saiya an bilog na awtoridad sunod sa hade, an kapagarakian ni David. Mapapasaiya an lyabe kan palasyo ni David; an anoman na buksan niya, mayo nin makakasera, asin an anoman na serahan niya, mayo nin makakabukas.

Isaias 25:1

Kagurangnan, ika an sakuyang Dios; gagalangan taka asin oomawon ko an saimong ngaran. Huli ta naggibo ka nin makangangalas na mga bagay; maimbod mong pinapangyari an mga plano na minukna mo kaidto pang panahon.

Isaias 43:24

Dai mo ako ibinakal nin insenso o binasog kan mga taba kan saimong mga hayop. Alagad pinagabatan mo ako kan saimong mga kasalan; pinagal mo ako huli kan saimong kasombikalan.

Isaias 63:10

alagad nagrebelde sinda tumang saiya asin pinamondo ninda an saiyang espiritu. Kaya nagin kaiwal ninda an Kagurangnan asin linabanan niya sinda.

Isaias 7:12

Nagsimbag si Ahaz, “Dai ako mahagad nin tanda. Habo kong baloon an Kagurangnan.”

Isaias 7:2

Kan maaraman kan hade nin Juda na nasa teritoryo na nin Israel an hukbo nin Siria, natakot siya nin makuri, siring man an saiyang mga nasasakopan. Nagtarakig sinda siring sa mga kahoy na hinuhuyop nin doros.

Jeremias 44:22

Sa mismong aldaw na ini, raot an saindong daga saka mayo nin nag-eerok. Nagin iyan sarong tanawon na nakakatakot, asin an ngaran kaiyan ginagamit kan mga tawo bilang sarong maldisyon, huli ta dai na natagalan nin Kagurangnan an saindong karatan saka makauuyam na mga gibo.

Jeremias 6:11

An saimong kaanggotan sa sainda, Kagurangnan, naglalaad man sa sako, asin dai ko na iyan kayang pugolan pa.” Dangan tinaraman ako nin Kagurangnan, “Iula mo an sakong kaanggotan sa mga aking nasa tinampo saka sa katiriponan nin mga hoben na lalaki. Bibihagon an mga mag-agom asin dai makakaligtas maski an mga gurang.

Ezekiel 16:20

“Dangan kinua mo an mga aking lalaki asin babae na nagin aki ko saimo asin isinakripisyo mo sa mga dios-dios. Kulang pa daw an saimong pagkabakong maimbod sako

Ezekiel 16:47

Alagad dai ka nakontento sa paglakaw sa saindang mga dalan asin sa pag-arog kan makauuyam nindang gibo. Sa halipot sanang panahon nagin mas marompot ka pa ki sa sainda.

Ezekiel 34:18

An iba saindo bako sanang nagkakakan kan marahay na sabsabon kundi tinitimaktimakan pa nindo an ibang mga sabsabon. Iniinom nindo an malinig na tubig, asin pinapalabog nindo an tubig na dai nindo iniinom!

Ezekiel 6:9

saen mamumuhay sinda sa pagkatapokan. Duman ninda ako magigiromdoman asin maaaraman ninda na pinadusahan saka hinahalean ko sinda nin onra, huli ta tinalikodan ako kan saindang bakong maimbod na mga puso asin pinaorog ninda an mga dios-dios ki sa sako. Ikakaongis ninda an saindang sadiri huli sa mga karatan saka makauuyam na mga bagay na saindang ginibo.

Amos 3:13

Paghinanyog asin pagsaksi laban sa mga kapagarakian ni Jacob,” an sabi kan Kagurangnan Dios, an Dios nin mga hukbo.

Malakias 2:17

Pinagal nindo an Kagurangnan huli kan saindong mga pagparataram. Alagad minahapot kamo, “Paano mi siya pinagal?” Huli sa pagsasabi nin, “Ibinibilang kan Kagurangnan nin mga hukbo na marahay an siisay man na naggigibo nin maraot, asin nawiwilihan niya sinda.” O huli sa paghapot nin, “Haen na an Dios nin hustisya?”

Mga Bilang 16:13

Kulang pa nanggad saimo an paghale mo samo sa matubang na daga nin Egipto tanganing gadanon digdi sa kalangtadan? Tano ta boot mo pang magin samong kagurangnan?

Mga Bilang 16:9

Sadit pa daw na bagay para saindo na linaen kamo sa komunidad nin Israel kan Dios nin Israel tanganing makadolok kamo saiya, makagibo kan saindong katongdan sa Tabernakulo nin Kagurangnan asin makapaglingkod sa komunidad?

Lukas 1:69

Nagpadara siya sato nin sarong mapangyaring Paraligtas, sarong gikan ki David na saiyang sorogoon.

Mga Gibo 7:51

“Matagas nanggad an saindong mga payo! Harayo sa Dios an saindong puso! Talagang bongog kamo sa mga tataramon nin Dios! Parareho sana kamo kan saindong mga ginikanan; kamo man danay na minatumang sa Espiritu Santo!

Hebreyo 3:10

Kaya naanggot ako nin marahay sa mga tawong idto. Nagsabi ako, ‘Danay na lagalag sinda sako; habo sindang magkuyog sa mga kabotan ko.’