Isaias 7:12 - Marahay na Bareta Biblia

¹² Nagsimbag si Ahaz, “Dai ako mahagad nin tanda. Habo kong baloon an Kagurangnan.”

Isaias 7:12 ပူးပေါင်းရင်းမြစ်များ

2 Mga Hade 16:15

Dangan pinagbotan niya si Urias: “Tututongon mo sa dakula kong altar na ini an pang-agang mga atang asin an pangbangging mga dolot na pagkakan, an mga tinutong na atang sagkod an mga dolot na pagkakan kan hade asin kan banwaan, saka an mga dolot na arak kan banwaan. Iula mo sa altar na ini an dugo kan gabos na isinakripisyong hayop. Alagad ingatan mo an bronseng altar huli ta gagamiton ko iyan sa panghuhula.”

2 Mga Cronica 28:22

Kan nagin grabe an kasakitan ni Hadeng Ahaz, orog man logod siyang nagkasala sa Kagurangnan.

Isaias 7:11

“Maghagad ka nin tanda sa Kagurangnan na saimong Dios. Pwedeng an tanda hale sa irarom kan kinaban kan mga gadan o hale sa kaitaasan nin langit.”

Isaias 7:13

Nagsabi si Isaias, “Pagdangog kun siring, kapagarakian ni Hadeng David. Dikit pa daw sa saindo an pagbalo kan pagkamatinios nin mga tawo, ta binabalo pa nindo an pagkamatinios nin sakong Dios?

Ezekiel 33:31

Kaya nagtitiripon sa pagdangog saimo an sakong banwaan, alagad dai ninda gigibohon an ipinapagibo mo. Oomawon ninda an saimong itinataram, alagad magpapadagos sinda sa saindang kapasloan.

Malakias 3:15

Sosog sa samong nahihiling, an mapalangkaw iyo an mga paladan. Bako sanang nag-uuswag an mga maraot na tawo kundi binabalo pa ninda an Dios sa paggibo ninda kan mga maraot asin dai sinda napapadusahan.’”

Mga Gibo 5:9

Dangan sinabihan siya ni Pedro, “Tadaw ta boot nindong baloon an Espiritu nin Kagurangnan? Yaon na ngunyan sa may pintoan an mga lalaking naglubong kan agom mo; sinda man an mabulig saimo!”

1 Corinto 10:9

Dai ta man dapat pagbaloon an Kagurangnan, siring kan ginibo kan iba sainda, kaya ginaradan sinda kan mga halas.

Deuteronomio 6:16

“Dai nindo pagbaloon an Kagurangnan na saindong Dios, arog kan ginibo nindo saiya duman sa Massa.