Isaias 66:5 - Marahay na Bareta Biblia

⁵ Dangoga nindo kun ano an sinasabi nin Kagurangnan, kamo na may pagkatakot asin nagkukuyog saiya: “Huli ta maimbod kamo sako, naoongisan kamo kan saindong mga kahimanwa asin isinisikwal. Pinag-oolog-olog kamo asin nagsasabi sinda, ‘Ipahiling logod nin Kagurangnan an saiyang kadakulaan asin iligtas kamo, tanganing mahiling mi kamo na nag-oogma.’ Alagad sinda man sana an mapapasopog!

Isaias 66:5 ပူးပေါင်းရင်းမြစ်များ

1 Mga Hade 21:29

“Nahiling mo kun paano nagpakumbaba sa atubang ko si Ahab? Huli ta nagpakumbaba siya sa atubang ko, dai ko siya papadarahan nin karatan mantang nabubuhay siya; ipapadara ko an karatan sa panahon kan saiyang aking lalaki.

2 Mga Hade 22:10

Dangan nagsabi siya, “Tinawan ako ni Hilkias nin sarong libro.” Makosog niya ining binasa sa hade.

2 Mga Cronica 34:27

asin nagsolsol ka saka nagpakumbaba sa atubangan ko. Pakadangog kan plano kong pagpadusa sa Jerusalem asin sa mga nag-eerok digdi. Ginisi mo an saimong gubing saka naghibi sa atubangan ko. Nadangog ko an saimong pamibi,

Esdras 9:4

Dangan pinalibotan ako kan mga tawo, na nagkatarakot sa sinabi kan Dios nin Israel manongod sa mga kasalan kan mga nagbalik hale sa pagkatapokan; nagmomondo na nagtukaw ako duman sagkod na uminabot an oras para sa pagdolot kan pangbangging sakripisyo.

Salmo 119:120

Nagtatakig an sakong laman sa takot saimo; natatakot ako sa saimong paghukom.

Salmo 38:20

An mga minabalos nin karatan para sa karahayan sakong kaiwal, huli ta mawot ko an karahayan.

Mga Talinhaga 13:13

An nagsisikwal kan marahay na hatol naghahanap nin karibokan, alagad an nagkukuyog kaiyan nakakalikay sa pag-alaman.

Awit nin mga Awit 1:6

Dai nindo ako pagmenoson huli ta ako maitom, huli ta pinaitom ako kan saldang nin aldaw. Naanggot sako an sakong mga tugang na lalaki asin pinatrabaho ako sa ubasan. Mayo na ako nin panahon para sa sadiri ko.

Isaias 26:11

Dai naaaraman kan saimong mga kaiwal na papadusahan mo sinda. Sopogon mo sinda, Kagurangnan, asin patiosa sinda; patiosa sinda kan padusa na saimong inandam. Pahilingan sainda kun gurano an pagkamoot mo sa saimong banwaan.

Isaias 5:19

na nagsasabing: “Pahidalia an Kagurangnan, asin otobon niya an sinabi niyang gigibohon niya, tanganing satong mahiling. Gibohon na logod kan banal na Dios nin Israel an saiyang mga plano; hilingon ta kun ano an nasa isip niya.”

Isaias 60:15

“Kun kaidto pinabayaan ka asin kinaongisan patin dai inaagihan nin tawo, alagad ngunyan gigibohon takang dakula asin magayon, sarong lugar nin kaogmahan sagkod pa man.

Isaias 65:13

Kaya sinasabihan ko kamo na idtong nagsasamba saka nagkukuyog sa sako iyo sana an magkakaigwa nin dakul na pagkakan asin inomon, alagad magugutom saka mapapaha kamo. Magigin maogma sinda, alagad mapapasopog kamo.

Isaias 66:2

Ako mismo an naglalang kan bilog na kinaban! Alagad nawiwilihan ko an mga mapakumbaba asin nagsosolsol, an mga may pagkatakot saka nagkukuyog sa sako.

Jeremias 36:16

Pakabasa niya, takot na naghirilingan sinda asin nagsabi ki Baruc, “Kaipuhan ibareta nyamo ini sa hade.”

Oseas 11:10

“Masunod sako an sakong banwaan kun ngaroban ko arog sa sarong leon an saindang mga kaiwal. Maghihidali sinda sa pagdolok sako hale sa solnopan.

Mateo 10:22

Ikakaongis kamo kan gabos dahel sako. Alagad an magdanay sagkod sa kataposan makakaligtas.

Lukas 13:17

Nasopog an mga kaiwal ni Jesus huli kan simbag niya, mantang an kadaklan kan mga tawo naogma sa gabos na ngangalasan na saiyang ginibo.

Juan 16:2

Papahaleon kamo sa mga sinagoga; maabot nanggad an panahon na an siisay man na maggadan saindo maghohona na an gibong iyan sarong paglingkod sa Dios.

Juan 9:34

Sinimbag ninda siya, “Namundag kang makasalan, asin ngunyan boot mo kaming tukdoan?” Kaya pinahale siya ninda sa sinagoga.

2 Tesalonica 1:12

Sa siring na paagi, an ngaran kan satong Kagurangnan na Jesus papamurawayon sa saindo, asin kamo sa saiya, huli sa biyaya nin satuyang Dios asin ni Jesu-Cristo na satong Kagurangnan.

Tito 2:13

mantang naghahalat kita kan paladan na Aldaw na satong linalaom, an pag-abot kan kamurawayan kan satong dakulang Dios asin Paraligtas na si Jesu-Cristo.

Hebreyo 9:28

Siring man si Cristo inatang saro sanang beses para sa paghale kan mga kasalan kan dakul na tawo. Maabot siya giraray, bako nang sa paghale kan kasalan, kundi sa pagligtas kan mga naghahalat saiya.

1 Juan 3:13

Kaya, mga tugang, dai nindo ipagngalas kun ikaongis kamo kan kinaban.