Isaias 66:2 - Marahay na Bareta Biblia

² Ako mismo an naglalang kan bilog na kinaban! Alagad nawiwilihan ko an mga mapakumbaba asin nagsosolsol, an mga may pagkatakot saka nagkukuyog sa sako.

Isaias 66:2 ပူးပေါင်းရင်းမြစ်များ

1 Mga Hade 21:29

“Nahiling mo kun paano nagpakumbaba sa atubang ko si Ahab? Huli ta nagpakumbaba siya sa atubang ko, dai ko siya papadarahan nin karatan mantang nabubuhay siya; ipapadara ko an karatan sa panahon kan saiyang aking lalaki.

2 Mga Hade 22:10

Dangan nagsabi siya, “Tinawan ako ni Hilkias nin sarong libro.” Makosog niya ining binasa sa hade.

2 Mga Hade 22:11

Kan madangog kan hade an nasusurat sa libro, ginisi niya an saiyang gubing.

Esdras 10:3

Ngunyan kaipuhan na manuga kita sa satuyang Dios na papalayason nyato an mga babaeng ini asin an saindang mga aki. Gigibohon mi an pagboot mo asin kan gabos na nag-oomaw sa Dios. Gigibohon mi an hinahagad kan Katogonan nin Dios.

Esdras 9:4

Dangan pinalibotan ako kan mga tawo, na nagkatarakot sa sinabi kan Dios nin Israel manongod sa mga kasalan kan mga nagbalik hale sa pagkatapokan; nagmomondo na nagtukaw ako duman sagkod na uminabot an oras para sa pagdolot kan pangbangging sakripisyo.

Salmo 119:120

Nagtatakig an sakong laman sa takot saimo; natatakot ako sa saimong paghukom.

Salmo 119:161

Mayong dahelan na linalamag ako nin mga prinsipe, alagad ginagalangan ko an saimong mga tataramon.

Salmo 138:6

Huli ta maski ika yaon sa kaitaasan, an mapakumbaba saimong inaataman, alagad an mapaabaw-abaw, maski sa harayo saimong namimidbidan.

Salmo 34:18

Harani an Kagurangnan sa mga nagmomondo; iliniligtas niya an mga nawaraan nin paglaom.

Salmo 51:17

O Dios, espiritung nagsosolsol an sakong atang; mapakumbaba asin nagsosolsol na puso dai mo isisikwal.

Salmo 51:19

Dangan ikakaogma mo an mga maninigong sakripisyo, asin an samong mga tinutong na atang; mga torong baka na idodolot sa saimong altar.

Mga Talinhaga 28:14

Paladan an tawong danay na may pagkatakot sa Kagurangnan, alagad mapapahamak an matagas an payo.

Mga Talinhaga 29:23

An mabagsak sa tawo iyo an saiyang kapaabaw-abawan, alagad an mapakumbaba mag-aako nin kaomawan.

Isaias 40:26

Hilinga nindo an langit! Siisay an naglalang kan mga bitoon na saindong nahihiling? Siya na nangengenot sainda paluwas arog sa sarong hukbo, siya an nakakaaram kan saindang bilang, asin saro-saro niyang inaapod an saindang ngaran! Dakulang marahay an saiyang kapangyarihan— kaya mayong nawawara sainda maski saro man!

Isaias 41:20

Mahihiling ini kan mga tawo asin maaaraman ninda na ako, an Kagurangnan, an naggibo kaiyan. Dangan masasabotan ninda na an banal na Dios nin Israel an nagboot na mangyari iyan.”

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Isaias 61:1

Nasa sako an espiritu kan Kagurangnan Dios, huli ta linahidan niya ako sa pagdara kan marahay na bareta sa mga dukha. Sinugo niya ako sa pagbolong kan mga nakukulogan an puso, sa pagpahayag nin katalingkasan sa mga bihag asin sa mga nasa bilanggoan.

Isaias 66:5

Dangoga nindo kun ano an sinasabi nin Kagurangnan, kamo na may pagkatakot asin nagkukuyog saiya: “Huli ta maimbod kamo sako, naoongisan kamo kan saindong mga kahimanwa asin isinisikwal. Pinag-oolog-olog kamo asin nagsasabi sinda, ‘Ipahiling logod nin Kagurangnan an saiyang kadakulaan asin iligtas kamo, tanganing mahiling mi kamo na nag-oogma.’ Alagad sinda man sana an mapapasopog!

Oseas 11:10

“Masunod sako an sakong banwaan kun ngaroban ko arog sa sarong leon an saindang mga kaiwal. Maghihidali sinda sa pagdolok sako hale sa solnopan.

Mikas 6:8

Dai, sinabihan na kita nin Kagurangnan kun ano an marahay. An hinahagad niya sato iyo ini: an paggibo kan matanos, an danay na mamoot, asin an mamuhay na mapakumbaba sa kaibahan nin satong Dios.

Habakkuk 3:16

Nadadangog ko an gabos na ini, asin tinatakigan ako; an sakong ngabil nagkikimigkimig sa takot. Nanluluya an sakong hawak, asin nagkakasiringkog an sakong mga bitis. Daing girong na hahalaton ko an pag-abot kan panahon na papadusahan nin Dios an nagsasalakay sato.

Mateo 12:6

Sinasabihan ko kamo, uya digdi an sarong mas dakula pa ki sa Templo.

Mga Gibo 7:50

Bakong ako an naglalang kan gabos na ini?’

Mga Gibo 9:6

Tumindog ka, magduman ka sa syudad, asin sasabihan ka duman kan dapat mong gibohon.”

Filipos 2:12

Kaya, namomotan kong mga tugang, kun kaidtong kaiba nindo ako, danay nindo akong kinukuyog, orog nang magkuyog kamo sako ngunyan na harayo ako saindo. Magtrabaho kamo na may pagkatakot saka pagtakig sagkod na makamtan nindo an saindong kaligtasan,

Colosas 1:17

Dati nang yaon si Cristo bago pa an gabos na bagay; huli saiya an gabos na bagay igwa nin maninigong lugar.