Isaias 66:17 - Marahay na Bareta Biblia

¹⁷ Nagsasabi an Kagurangnan, “Harani na an kataposan para sa mga nagrilinig kan saindang sadiri para sa paganong pagsasamba, sa mga tawong nagduduman sa banal na mga tatamnan, asin sa mga nagkakakan nin karne nin orig saka kino patin mga maating kakanon.

Isaias 66:17 ပူးပေါင်းရင်းမြစ်များ

Isaias 1:31

Siring na an dagami nasusulo kan manok-manok nin kalayo, mapapahamak man an mga mapangyaring mga tawo huli kan saindang maraot na gibo asin mayo nin makakaontok kan saindong pagkaraot.

Isaias 13:9

An aldaw kan Kagurangnan maabot—an makuring aldaw na idto kan saiyang naglalaad na kabangisan asin kaanggotan. An daga magigin sarong kalangtadan asin magagadan an gabos na makasalan.

Ezekiel 4:14

Alagad nagsimbag ako, “Kagurangnan Dios, dai ko pa lamang dinigtaan an sakong sadiri. Magpoon kan ako aki pa, dai pa lamang ako nagkakan nin karne nin hayop na nagadan sa natural na paagi o nin hayop na ginadan nin lalaw na hayop. Dai pa ako nagkakan nin anoman na ibinibilang na maati.”

Levitico 11:29

Ibilang man nindo na maati an mga ini: an kino, an tabili, an tuko, an ogot, asin an tagaw.