Isaias 66:14 - Marahay na Bareta Biblia

¹⁴ Kun mahiling na nindo na nangyayari ini, maoogma kamo; ini an magpapakosog asin magpapataba saindo. Dangan maaaraman nindo na ako, an Kagurangnan, an nagtatabang sa mga nagkukuyog sako, asin ipinapahiling ko an sakong kaanggotan tumang sa sakong mga kaiwal.”

Isaias 66:14 ပူးပေါင်းရင်းမြစ်များ

Esdras 8:18

Sa tabang nin Dios, ipinadara ninda samo si Serebias, sarong lalaki na may pakasabot, na sarong Levita na gikan sa kamaganakan ni Mali, asin an dyes y otso niyang aking lalaki saka mga tugang na lalaki.

Esdras 8:22

Nasopog ako na maghagad sa emperador nin sarong tropa nin nakakabayong mga soldados tanganing bantayan kami sa mga kaiwal mantang kami nagbabaklay, huli ta sinabihan ko an emperador na binabantayan nin samuyang Dios an gabos na nagsasarig saiya, asin an bagsik kan saiyang kaanggotan pinapahugpa niya sa gabos na minatalikod saiya.

Esdras 8:31

Kan ikadoseng aldaw kan enot na bulan, naghale kami sa Salog nin Ahava dangan nagpasiring sa Jerusalem. Tinabangan kami kan samuyang Dios asin ilinigtas kami sa mga pagsalakay saka

Salmo 107:42

Nahihiling ini kan matanos asin naoogma sinda, alagad dai pinapagirong an mga maraot.

Mga Talinhaga 17:22

An magayagayang puso sarong marahay na bolong, alagad an mamondong espiritu minaubos kan kosog nin tawo.

Mga Talinhaga 3:8

Huli ta iyan magigin bolong kan saimong laman asin kaginhawahan kan saimong mga tolang.

Isaias 10:5

Nagtaram an Kagurangnan, “An Asiria ginagamit kong pamakol tanganing padusahan an sakong mga naaanggotan.

Isaias 13:5

Harale pa sinda sa harayong mga daga, sa poro kan kinaban. Maabot an Kagurangnan sa pagraot kan bilog na daga sa saiyang kaanggotan.

Isaias 26:19

Mabubuhay giraray an samong mga gadan! Mabangon an saindang mga hawak. Mamata asin maawit sa kaogmahan an mga nagkakatorog sa saindang lulubngan. Siring na pinapaogma kan ambon an mamarang daga, bubuhayon man nin Kagurangnan an haloy nang nagkagaradan.

Isaias 26:20

Lumaog kamo sa saindong mga harong, sakong banwaan, asin serahan nindo an mga pintoan. Magtrabaho kamo sa kadikit na panahon sagkod na matapos an kaanggotan nin Dios.

Isaias 30:27

Uya, an Kagurangnan nagdadangadang hale sa harayo. An kalayo saka an aso nagpapahiling kan saiyang kaanggotan. Nagtataram siya, asin nakakasulo an saiyang mga tataramon siring sa kalayo.

Isaias 33:20

Hilinga nindo an Sion, an syudad na pinagseselebraran kan satong mga itinalaan na pyesta. Hilinga an Jerusalem! Iyan magigin sarong ligtas na lugar na erokan! Makakaagid iyan sa sarong tolda na dai nanggad liniwat, na an mga taldok dai nanggad mabubulnot asin an mga pisi dai nanggad mapuputol.

Isaias 34:2

Anggot an Kagurangnan sa gabos na nasyon asin sa gabos nindang hukbo. Sinentensyahan na niya sinda nin kagadanan.

Isaias 35:2

Maawit saka makurahaw sa kaogmahan an desyerto; magigin magayon iyan siring sa mga Bukid nin Lebanon asin magigin matubang siring sa kaomahan nin Carmelo saka Sharon. Mahihiling kan gabos an kamurawayan nin Kagurangnan, mahihiling ninda an saiyang kadakulaan asin kapangyarihan.

Isaias 41:20

Mahihiling ini kan mga tawo asin maaaraman ninda na ako, an Kagurangnan, an naggibo kaiyan. Dangan masasabotan ninda na an banal na Dios nin Israel an nagboot na mangyari iyan.”

Isaias 42:13

An Kagurangnan minaluwas siring sa sarong paralaban; andam asin boot makigera. Minakurahaw siya bilang tanda nin pagsalakay; ipinapahiling niya an saiyang kapangyarihan laban sa saiyang mga kaiwal.

Isaias 58:11

Danay ko kamong papangenotan asin tatawan kan marahay na mga bagay. Papakosogon ko kamo asin dai papahelangon. Makakaagid kamo sa sarong tatamnan na danay na binabaribi, siring sa burabod na dai nanggad nagmamara.

Isaias 59:18

Papadusahan niya an saiyang mga kaiwal sosog sa saindang ginibo, maski idtong mga nag-eerok sa harayong mga daga.

Isaias 66:5

Dangoga nindo kun ano an sinasabi nin Kagurangnan, kamo na may pagkatakot asin nagkukuyog saiya: “Huli ta maimbod kamo sako, naoongisan kamo kan saindong mga kahimanwa asin isinisikwal. Pinag-oolog-olog kamo asin nagsasabi sinda, ‘Ipahiling logod nin Kagurangnan an saiyang kadakulaan asin iligtas kamo, tanganing mahiling mi kamo na nag-oogma.’ Alagad sinda man sana an mapapasopog!

Zacarias 10:7

Magigin makosog arog sa mga soldados an banwaan nin Israel, maogma, siring sa mga lalaking nakainom pa sana nin arak. An kapangganahan na ini magigiromdoman kan saindang mga kapagarakian asin maoogma sinda huli kan ginibo nin Kagurangnan.

Malakias 3:18

Mahihiling giraray kan sakong banwaan an kalaenan kan nangyayari sa mga matanos asin sa mga tampalasan, sa tawong naglilingkod sa sako saka sa dai.”

Juan 16:22

Arog kamo kaiyan: mamondo kamo ngunyan, alagad mahihiling ko kamo liwat, asin an saindong puso mapapano nin kaogmahan na dai maaagaw saindo nin siisay man.

Hebreyo 10:27

Kaya an dapat na sana nyatong gibohon iyo an maghalat sa takot kan paghukom saka kan naglalaad na kalayo na matunaw kan mga nagtutumang sa Dios!