Isaias 65:9 - Marahay na Bareta Biblia

⁹ Bebendisyonan ko an mga Israelita na kabilang sa tribu ni Juda, asin sasadirihon kan saindang mga kapagarakian an sakong daga na dakul an bukid. An sakong piniling banwaan na naglilingkod sako iyo an mag-eerok duman.

Isaias 65:9 ပူးပေါင်းရင်းမြစ်များ

Isaias 27:6

Sa mga maabot na aldaw, an banwaan nin Israel, an mga kapagarakian ni Jacob, magkakaigwa nin gamot arog sa sarong kahoy, asin magsusupang dangan mamumurak sinda. Mapapano kan saindang bunga an bilog na kinaban.

Isaias 30:19

Kamo na mga nag-eerok sa Jerusalem dai na magtatangis. Maheherakon an Kagurangnan, asin kun mag-agrangay kamo saiya nganing tabangan, sisimbagon niya kamo.

Isaias 32:18

An banwaan nin Dios mag-eerok sa katoninongan asin katiwasayan sa saindang mga harong saka sa toninong na mga erokan. (

Isaias 45:19

Bakong sa hilom kan ako magtaram asin dai ko tinago an sakong katuyohan. Dai ko hinagad sa banwaan nin Israel na hanapon ako sa mamondong lugar. Ako an Kagurangnan, asin nagsasabi ako kan katotoohan; ipinapahayag ko kun ano an tama.”

Isaias 45:25

Ako, an Kagurangnan, an maligtas sa gabos na kapagarakian ni Jacob, asin oomawon ninda ako.

Isaias 49:8

An Kagurangnan nagsasabi sa saiyang banwaan, “Pag-abot kan panahon sa pagligtas saimo, mawiwilihan taka asin sisimbagon ko an saimong agrangay. Babantayan saka iingatan taka, asin sa paagi mo makikipagtipan ako sa gabos na banwaan. Papaerokon taka giraray sa saimong daga na ngunyan raot.

Isaias 57:13

Pag-agrangay nindo, patabanga an saindong mga dios-dios! Ipapalid sinda sa sarong paghuyop nin doros! Alagad an mga nagsasarig sako iyo an mag-eerok sa daga asin sasambahon ninda ako sa sakong Templo.”

Isaias 60:21

Magigin matanos an saimong namamanwaan, asin sasadirihon ninda an daga sagkod lamang. Ako an nagtanom sainda, an naggibo sainda, tanganing ipahayag ninda an sakong kamurawayan.

Isaias 65:15

An saindong ngaran gagamiton kan sakong piniling banwaan bilang maldisyon. Ako, an Kagurangnan Dios, an magadan saindo. Alagad tatawan ko nin bagong ngaran an mga nagkukuyog sako.

Ezekiel 36:24

Hahaleon ko kamo sa lambang nasyon asin daga dangan ibabalik ko kamo sa sadiri nindong daga.

Sofonias 3:20

Maabot an panahon na ibabalik ko sa saindang mga harong an nagkawararak mong mga namamanwaan; gigibohon takang bantog sa bilog na kinaban asin papauswagon taka giraray.” An Kagurangnan an nagtaram.

Mateo 24:22

Kun dai ininaan nin Dios an mga aldaw na iyan, mayo nin makakaligtas; alagad iinaan iyan dahel sa mga tawong pinili niya.

Roma 11:28

Isinikwal kan mga Judio an Marahay na Bareta, kaya sinda nagin kaiwal nin Dios dahel sa saindo. Alagad namomotan sinda nin Dios huli sa mga ginikanan ninda na pinili niya.