Isaias 65:8 - Marahay na Bareta Biblia

⁸ Nagsasabi an Kagurangnan, “Mayo nin siisay man na minaraot kan marahay na mga ubas; embes kaiyan minagibo sinda nin arak hale sa duga kaiyan. Dai ko man gagadanon an gabos na kabilang sa sakong banwaan—itatada ko idtong mga naglilingkod sako.

Isaias 65:8 ပူးပေါင်းရင်းမြစ်များ

Genesis 18:26

“Kun makakua ako nin singkwentang matanos na tawo sa Sodoma, papatawadon ko an syudad huli sa sainda,” an simbag nin Kagurangnan.

Isaias 1:9

Kun an Kagurangnan nin mga hukbo dai nagwalat sato nin dikit na tawo, nakaarog kutana kita sa Sodoma, asin nagin siring sa Gomorra.

Isaias 10:21

An kadikit na matatada kan mga taga Israel mabalik sa saindang makakamhan na Dios.

Isaias 10:22

Huli ta maski siring sa baybay sa pangpang nin dagat an bilang kan mga tawo sa Israel ngunyan, kadikit sana sainda an makakabalik. Kagadanan an itinagama sa mga tawo, asin maninigo nanggad iyan.

Isaias 48:9

“Huli sa sakong ngaran pinugol ko an sakong kaanggotan, huli sa sakong kaomawan pinugol ko iyan para saindo; pinugol ko iyan tanganing dai ko kamo mapuho.

Isaias 6:13

Maski mawalat an saro sa sampolo katawo, magagadan man siya; makakaarog siya sa pungo kan pinulak na hamurawon.” (An pungo iyo an tanda kan bagong kapinonan para sa banwaan nin Dios.)

Jeremias 30:11

Masasakaibahan nindo ako tanganing iligtas kamo. Roronoton ko an gabos na nasyon na pinagwarakan ko saindo, alagad dai ko kamo pupuhoon. Dai ako matugot na dai kamo mapadusahan; alagad kun padusahan ko na kamo, gigibohon ko an matanos para saindo! Ako, an Kagurangnan, an nagtaram.”

Joel 2:14

Tibaad magliwat nin isip an Kagurangnan na saindong Dios asin bendisyonan kamo nin dakulang ani. Dangan madodolotan nindo siya nin trigo saka arak.

Mateo 24:22

Kun dai ininaan nin Dios an mga aldaw na iyan, mayo nin makakaligtas; alagad iinaan iyan dahel sa mga tawong pinili niya.

Markos 13:20

Alagad ininaan nin Kagurangnan an bilang kan mga aldaw na iyan, alang-alang sa mga tawong pinili niya, ta kun dai, mayo kutanang makakaligtas.