Isaias 65:7 - Marahay na Bareta Biblia

⁷ huli kan mga kasalan ninda, asin kan kasalan kan saindang mga ginikanan. Nagtutong sinda nin mga insenso sa paganong mga lugar na pagsasambahan asin pinakaraot ako. Kaya papadusahan ko sinda sosog sa saindang mga ginibo.”

Isaias 65:7 ပူးပေါင်းရင်းမြစ်များ

1 Mga Hade 22:43

Arog kan saiyang ama na si Asa, ginibo ni Jehosafat an matanos sa atubang nin Kagurangnan; alagad dai niya ginaba an paganong mga lugar na pagsasambahan asin ipinadagos duman kan mga tawo an pagdolot nin mga sakripisyo saka an pagtutong nin insenso.

1 Mga Hade 22:44

Nakipagtoninong si Jehosafat sa hade nin Israel.

2 Mga Hade 12:3

Alagad dai niya rinaot an paganong mga lugar na pagsasambahan, kaya an mga tawo nagpadagos sa pag-atang asin sa pagtutong nin insenso duman.

2 Mga Hade 14:4

Dai niya ginaba an paganong mga lugar na pagsasambahan, kaya nagpadagos an mga tawo sa pagdolot nin mga sakripisyo asin sa pagtutong nin insenso duman.

2 Mga Hade 15:35

Alagad dai niya ginaba an paganong mga lugar na pagsasambahan, kaya nagpadagos an mga tawo sa pagdolot nin mga sakripisyo asin sa pagtutong nin insenso duman. Ipinatugdok niya an Trangkahan sa Amihan kan Templo.

2 Mga Hade 16:4

Nagdolot siya nin atang saka nagtutong nin insenso sa paganong mga lugar na pagsasambahan, sa kabubuldan, asin sa lindong kan lambang marambong na kahoy.

2 Mga Cronica 21:11

Laen pa kaiyan nagbugtak siya nin paganong mga lugar na pagsasambahan sa kabubuldan nin Juda dangan pinangenotan an mga banwaan nin Juda asin nin Jerusalem sa pagsombikal sa Kagurangnan.

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Isaias 10:12

Alagad nagtataram an Kagurangnan, “Kun matapos ko na an sakong ginigibo sa Bukid nin Sion asin sa Jerusalem, papadusahan ko an emperador nin Asiria huli kan saiyang kapaabaw-abawan saka kapalangkawan.”

Isaias 13:11

Nagsasabi an Kagurangnan, “Papadusahan ko an kinaban asin an gabos na maraot huli kan saindang mga kasalan. Ibababa ko an gabos na mapaabaw-abaw asin papadusahan ko an gabos na mapalangkaw saka makuri.

Isaias 22:14

An Kagurangnan Dios nin mga hukbo mismo an nagtaram sako asin nagsabi, “Dai ko nanggad papatawadon an karatan nindang ini sagkod na sinda nabubuhay. Ako, an Kagurangnan Dios nin mga hukbo, an nagtaram.”

Isaias 26:21

Huli ta madatong an Kagurangnan hale sa langitnon niyang erokan tanganing padusahan an mga tawo kan saindang mga kasalan. An mga panggagadan na ginibo sa hilom mahahayag, asin dai na tatagoon kan daga an mga bangkay kan mga nagkagaradan.

Isaias 28:21

Makikilaban an Kagurangnan siring kan ginibo niya sa Bukid nin Perazim asin sa kapantayan nin Gibeon, tanganing mangyari an saiyang plano—maski dipisil masabotan an saiyang mga gibo. Tataposon niya an saiyang trabaho, an misteryo niyang trabaho.

Isaias 29:14

Kaya uya, magibo giraray ako nin makangangalas na mga bagay sa banwaan na ini. An saindang mga madonong mahahayag na mga lolong, asin an bilog nindang katusohan mawawaraan nin halaga.”

Isaias 3:11

Herak man sa mga maraot! Madatong sainda an kapahamakan, huli ta kun ano an saindang ginibo iyo man an gigibohon sainda.

Isaias 30:13

Nagkasala kamo. Nakakaagid kamo sa sarong halangkaw na kudal na igwa nin gatak magpoon sa itaas sagkod sa ibaba; madali na kamong magaba.

Isaias 30:14

Mapapasa kamo arog sa sarong koron saka magkakaroronot, kaya mayo nin makukuang dakulang pedaso na magagamit sa pagkua nin baga, o sa pagsadok nin tubig hale sa tapayan.”

Isaias 57:12

Naghohona kamong tama an saindong ginigibo, alagad ihahayag ko an saindong mga gawe, asin dai kamo matatabangan kan saindong mga dios-dios.

Isaias 57:7

Minasakat kamo sa haralangkaw na bukid tanganing magdolot nin mga sakripisyo asin magdororogan.

Isaias 59:18

Papadusahan niya an saiyang mga kaiwal sosog sa saindang ginibo, maski idtong mga nag-eerok sa harayong mga daga.

Isaias 65:6

“Aram ko an gigibohon kong padusa sainda, asin nakasurat na an saindang sentensya. Dai ko papawaraan nin halaga an saindang ginibo; papadusahan ko sinda

Isaias 66:4

Kaya papadarahan ko sinda nin kapahamakan—an mga bagay mismo na saindang kinakatakotan—huli ta mayo nin nagsimbag kan ako mag-apod, o naghinanyog kan ako magtaram. Pinili ninda an pagsombikal sako asin an paggibo nin maraot.”

Jeremias 13:25

Sinabi niya na iyan an saimong aabotan. Gigibohon niya iyan saimo huli ta liningawan mo siya asin nagsarig ka sa bakong totoong mga dios.

Jeremias 13:27

Nahiling niya na ginigibo mo an mga bagay na kinakaongisan niya. Nahiling niya na nagduduman ka sa kabubuldan asin sa kaomahan sa pagsunod sa mga paganong dios-dios, arog sa sarong lalaki na nagmamawot sa agom kan saiyang kapwa, patin arog sa sarong lalaking kabayo na naghihirihiri kun nahihiling an babaeng kabayo. Herak man saimo, Jerusalem! Nuarin ka magigin malinig nanggad?

Jeremias 16:18

Magbabayad sinda nin doble para sa saindang mga kasalan asin katampalasanan, huli ta dinigtaan ninda an sakong daga kan saindang mga dios-dios na arog sa mga bangkay na mayo nin buhay; pinano ninda an daga kan saindang mga bakong totoong dios.”

Jeremias 5:29

“Alagad ako, an Kagurangnan, an mapadusa sainda huli kan mga bagay na ini; babaloson ko an siring na nasyon.

Jeremias 5:9

Bakong dapat na padusahan ko sinda huli kan mga bagay na ini? Bakong dapat na baloson ko an nasyon na siring kaini?

Ezekiel 18:6

Dai siya nagsasamba sa mga dios-dios kan mga Israelita asin dai nagkakakan kan mga sakripisyong idinolot sa mga ipinapangalad na lugar na pagsasambahan. Dai niya dinadagkang magkasala an agom nin iba asin dai siya nakikidorog sa babaeng nasa panahon nin pagregla.

Daniel 9:8

An kasosopgan napasamo, sa samong mga hade, mga pamayo, asin mga ginikanan huli ta nagkasala kami saimo, Kagurangnan.

Oseas 11:2

Alagad kan ako orog na mag-apod saiya, orog man siyang nagharayo sako. Nagsakripisyo ki Baal an sakong banwaan; nagtutong sinda nin insenso sa mga ladawan.

Oseas 2:13

Papadusahan ko siya huli kan mga panahon na liningawan niya ako, kan magsulo siya nin insenso ki Baal asin kan isulot niya an saiyang mga alahas tanganing lamagon an mga namomoot saiya. An Kagurangnan an nagtaram.

Levitico 26:39

An nagkapira saindo na matatadang buhay sa daga kan saindong mga kaiwal, orog na maghahalipot an buhay huli kan saindong mga kasalan saka kan kasalan nin saindong mga ginikanan.

Mga Bilang 32:14

Ngunyan kamo an nakasalihid sa saindong mga ama, sarong bagong henerasyon nin parakasalang mga lalaki na mapaanggot giraray sa Kagurangnan laban sa Israel.

Lukas 6:38

Magtao kamo asin tatawan man kamo nin Dios; tamang takad, dasok, yinogyog asin nagsusupay an itatao saindo. Kun ano an sukol na ginamit nindo, iyo man an gagamiton saindo nin Dios.”

1 Tesalonica 2:16

Hiningowa pa nindang paontokon kami sa paghulit sa mga pagano kan mensahe na magliligtas sa mga ini. Huli kaini uminabot na sa kasagkoran an gabos na kasalan na danay nindang ginigibo. Kaya ngunyan uminabot na an kaanggotan nin Dios sainda.