Isaias 65:6 - Marahay na Bareta Biblia

⁶ “Aram ko an gigibohon kong padusa sainda, asin nakasurat na an saindang sentensya. Dai ko papawaraan nin halaga an saindang ginibo; papadusahan ko sinda

Isaias 65:6 ပူးပေါင်းရင်းမြစ်များ

Salmo 107:17

An nagkapira sainda mga lolong, nagtitios huli kan saindang mga kasalan asin huli kan saindang karatan;

Salmo 109:14

Giromdomon logod nin Kagurangnan an karatan kan saiyang mga ginikanan; an kasalan kan saiyang ina dai logod mapatawad.

Salmo 50:21

An gabos na ini ginibo mo, asin ako nag-alo, kaya naghona kang arog ako saimo. Alagad sinagwe taka ngunyan asin ipinaliwanag an bagay na ini saimo.

Salmo 50:3

Nagdadangadang an samong Dios, dai nag-aalo; sa atubangan niya, nanghahalon na kalayo; sa palibot niya, sarong makosog na bagyo.

Salmo 56:8

Bilang mo an sakong mga horasa; bilang mo an sakuyang mga luha. Bako daw na sa saimong libro iyan nakatala?

Salmo 79:12

An ibang nasyon makapitong beses mong padusahan, huli kan pagtuyatuya ninda saimo, Kagurangnan.

Exodo 17:14

Dangan nagtaram an Kagurangnan ki Moises, “Isurat mo an kapangganahan na ini tanganing dai malingawan. Sabihan mo si Josue na paparaon ko sa daga an mga Amalekita.”

Isaias 26:21

Huli ta madatong an Kagurangnan hale sa langitnon niyang erokan tanganing padusahan an mga tawo kan saindang mga kasalan. An mga panggagadan na ginibo sa hilom mahahayag, asin dai na tatagoon kan daga an mga bangkay kan mga nagkagaradan.

Isaias 3:11

Herak man sa mga maraot! Madatong sainda an kapahamakan, huli ta kun ano an saindang ginibo iyo man an gigibohon sainda.

Isaias 42:14

Nagsasabi an Dios, “Haloy nang panahon na dai ako naggirong; dai ko sinimbag an sakong banwaan. Alagad nag-abot na an oras tanganing ako maghiro. Makurahaw ako siring sa babaeng nangangaki.

Isaias 59:18

Papadusahan niya an saiyang mga kaiwal sosog sa saindang ginibo, maski idtong mga nag-eerok sa harayong mga daga.

Isaias 64:12

Kagurangnan, dai pa daw nahihiro an saimong boot sa gabos na nangyaring ini? Mag-aalo ka daw sana asin papasakitan mo pa kami nin labi pa ki sa samong makakaya?

Isaias 66:6

Dangoga nindo! An makosog na ribok na idto sa laog kan syudad, an tanog na naghahale sa Templo, iyo an tanog kan pagpapadusa nin Kagurangnan sa saiyang mga kaiwal!

Jeremias 16:18

Magbabayad sinda nin doble para sa saindang mga kasalan asin katampalasanan, huli ta dinigtaan ninda an sakong daga kan saindang mga dios-dios na arog sa mga bangkay na mayo nin buhay; pinano ninda an daga kan saindang mga bakong totoong dios.”

Ezekiel 11:21

Alagad papadusahan ko an mga namomoot na magsamba sa mga maati saka makauuyam na mga dios-dios. Papadusahan ko sinda huli kan saindang ginibo.” An Kagurangnan Dios an nagtaram.

Ezekiel 22:31

Kaya iuula ko sainda an sakong kaanggotan, asin siring sa kalayo, susuloon ko sinda huli kan saindang mga ginibo.” An Kagurangnan Dios an nagtaram.

Ezekiel 9:10

Alagad dai ko sinda paliligtason o maheherakan; gigibohon ko sainda an ginibo ninda sa iba.”

Joel 3:4

“Ano an ginigibo mo sako, Tiro, Sidon, asin gabos na rehiyon nin Filistia? Boot nindo akong baloson? Kun nagbabalos kamo, babaloson ko tolos kamo!

Malakias 3:16

Dangan nag-orolay an mga tawong natatakot sa Kagurangnan, asin hininanyog sinda nin marahay kan Kagurangnan. An saindang mga sinabi dinangog niya man. Sa atubangan niya, isinurat sa sarong libro an ngaran kan mga natatakot sa Kagurangnan asin minagalang saiya.

Lukas 6:38

Magtao kamo asin tatawan man kamo nin Dios; tamang takad, dasok, yinogyog asin nagsusupay an itatao saindo. Kun ano an sukol na ginamit nindo, iyo man an gagamiton saindo nin Dios.”

Deuteronomio 32:34

“Dai linilingawan nin Kagurangnan an ginibo kan saindang mga kaiwal; naghahalat siya kan tamang oras tanganing sinda padusahan.

Kapahayagan 20:12

Pakatapos, nahiling ko an mga gadan, dakula asin sadit, na nakatindog sa atubangan kan trono. Binuklat an mga libro, dangan binuklat man an saro pang libro na iyo an libro nin buhay. An mga nagadan hinukoman sosog sa ginibo ninda na nakasurat sa mga libro.