Isaias 65:4 - Marahay na Bareta Biblia

⁴ Pagkabanggi, minaduman sinda sa mga lungib saka lulubngan tanganing makihumapot sa mga espiritu kan gadan. Nagkakakan sinda kan karne nin orig asin nag-iinom kan sabaw kan karne na idinolot sa mga paganong sakripisyo.

Isaias 65:4 ပူးပေါင်းရင်းမြစ်များ

Exodo 23:19

“Taon-taon dadarahon nindo sa harong nin Kagurangnan na saindong Dios an pinakamarahay sa mga enot na bunga kan saindong daga. “An ogbon na karnero o kanding dai nindo paglutoon sa gatas nin saiyang ina.

Exodo 34:26

“Taon-taon dadarahon nindo sa harong nin Kagurangnan na saindong Dios an pinakamarahay sa mga enot na bunga kan saindong daga. “An ogbon na karnero o kanding, dai nindo paglutoon sa gatas nin saiyang ina.”

Isaias 66:17

Nagsasabi an Kagurangnan, “Harani na an kataposan para sa mga nagrilinig kan saindang sadiri para sa paganong pagsasamba, sa mga tawong nagduduman sa banal na mga tatamnan, asin sa mga nagkakakan nin karne nin orig saka kino patin mga maating kakanon.

Isaias 66:3

“An mga tawo naggigibo kan saindang nawiwilihan. Sa sainda, pareho an pagbono nin baka bilang sarong sakripisyo asin an pagsakripisyo kan buhay nin sarong tawo. Pareho sainda an pagsakripisyo nin sarong kordero asin an pagbari kan liog nin sarong ayam; an pagtao nin dolot na pagkakan asin an pagdolot kan dugo nin orig; dangan an pagdolot nin insenso asin an pagpamibi sa sarong dios-dios.

Ezekiel 4:14

Alagad nagsimbag ako, “Kagurangnan Dios, dai ko pa lamang dinigtaan an sakong sadiri. Magpoon kan ako aki pa, dai pa lamang ako nagkakan nin karne nin hayop na nagadan sa natural na paagi o nin hayop na ginadan nin lalaw na hayop. Dai pa ako nagkakan nin anoman na ibinibilang na maati.”

Levitico 11:7

Dai kamo magkakan nin orig. Ibilang nindo iyan sa mga maating hayop; baak an mga kuku kaiyan alagad dai minasapa kan saiyang pagkakan.

Zacarias 9:7

An mga Filisteo dai na nanggad magkakakan nin karneng igwa pa nin dugo, o nin ibang ipinapangalad na kakanon. Magigin kaayon sa sakong banwaan an gabos na matada sa sainda, asin ibibilang sinda na saro sa mga kamaganakan sa tribu nin Juda. An Ekron magigin kaayon kan sakong banwaan arog kan mga Jebuseo.

Mga Bilang 19:11

An magduta sa tawong gadan magigin maati sa laog nin pitong aldaw.

Mateo 8:28

Pag-abot ni Jesus sa Gadara na nasa ibong kan danaw, sinabat siya nin duwang lalaki na hale sa mga lungib na pinaglulubongan. An mga lalaking ini may demonyo asin mariringis, kaya mayo nin siisay man na nangangahas na mag-agi sa dalan na idto.

Lukas 8:27

Pagtungtong ni Jesus sa baybayon, sinabat siya nin sarong lalaking taga duman na may mga demonyo. An tawong ini haloy nang dai naggugubing asin dai nag-eerok sa harong kundi sa mga lungib na pinaglulubongan.

Deuteronomio 14:21

“Dai kamo magkakan kan arin man na hayop na nagadan sa natural na paagi, huli ta kamo sarong banwaan na banal para sa Kagurangnan na saindong Dios. An hayop pwede nindong ipakakan sa mga dayuhan na nakikihimanwa sa saindo, o ipabakal sa ibang mga dayuhan. “Dai nindo paglutoon an ogbon na karnero o kanding sa gatas nin saiyang ina.

Deuteronomio 14:3

“Dai kamo magkakan nin ano man na ipinahayag nin Kagurangnan na bakong malinig.

Deuteronomio 14:8

Dai kamo magkakan nin orig; ibilang nindo iyan sa mga maating hayop; baak an mga kuku kaiyan alagad dai minasapa kan saiyang pagkakan. Dai kamo magkakan kan karne o magduta sa gadan na orig.

Deuteronomio 18:11

maggamit nin anting-anting, mag-espiritista o magsalamangka.