Isaias 65:25 - Marahay na Bareta Biblia

²⁵ Sabay na magkakakan an lalaw na ayam saka an kordero; magkakakan nin dagami an leon siring kan baka, asin dai na mangangagat an halas. Sa Sion, an sakong banal na bulod, mayo nin anoman na makakakulog o makakaraot.”

Isaias 65:25 ပူးပေါင်းရင်းမြစ်များ

An Libro ni Job 5:23

Huli ta makikipagkatood ka sa mga gapo sa kaomahan; dai ka sasalakayon kan lalaw na mga hayop.

Isaias 2:4

Huhukoman niya an darakulang nasyon. Pupulpogon ninda an saindang mga espada na magin mga arado, asin an saindang mga garod na magin mga pantakras na kutsilyo; mayo nang nasyon na magamit nin espada laban sa kapwa ninda nasyon. Dai na sinda mag-aandam sa pakilaban sagkod pa man.

Isaias 35:9

Dai magkakaigwa nin leon diyan; mayo nin mabangis na hayop na maagi sa dalan na iyan. An mga ilinigtas nin Kagurangnan maglalakaw sa dalan na iyan pasiring sa saindang harong.

Isaias 56:7

“Dadarahon ko kamo sa Sion, an sakong banal na bukid, tatawan ko nin kaogmahan sa sakong harong nin pamibian, asin aakoon ko an mga sakripisyo na idinodolot nindo sa sakong altar. An sakong Templo aapodon na harong nin pamibian para sa gabos na banwaan.”

Isaias 65:11

“Alagad laen man an para saindo na nagbabaya sako, na dai nagmimidbid sa Sion, an sakong banal na bulod, asin nagsasamba ki Gad saka ki Meni, an mga dios-dios kan swerte asin palad nin tawo.

Isaias 66:20

Ibabalik ninda an saindong mga kahimanwa hale sa mga nasyon bilang regalo sako. Dadarahon ninda an mga tawong ini sa sakong banal na bulod sa Jerusalem. Malunad sinda sa mga kabayo, mga mula, asin mga kamelyo, patin sa mga karwahe saka mga kariton. Dadarahon ninda an mga kahimanwa ninda siring sa pagdara kan mga Israelita kan mga dolot na pagkakan sa Templo na nakabugtak sa mga malinig na laogan.

Ezekiel 43:11

Dangan kun nasosopog na sinda kan saindang mga ginibo, ipaliwanag mo sainda an plano kan Templo, an pakagibo kaiyan, an mga laogan saka mga luwasan, an bilog na porma kaiyan asin an gabos na pagboot saka mga togon manongod diyan. Isurat mo ini gabos para sainda, tanganing maotob ninda an sakong mga pagboot asin makuyog ninda an mga togon.

Daniel 11:45

Papatindogon niya an saiyang garo mga palasyong tolda sa pagultanan kan dagat asin bukid na natutugdokan kan Templo. Alagad magagadan siyang mayo nin saro duman na matabang saiya.”

Mikas 4:3

Siya an mahukom sa mga tawo, sa mapangyaring mga nasyon harani man o harayo. Pupulpogon ninda an saindang mga espada tanganing magin mga arado asin an saindang mga garod tanganing magin mga pantakras na kutsilyo. Dai na nanggad sinda mag-aandam para sa pakikilaban.

Mikas 7:17

Makamang sinda sa alpog arog sa mga halas; maabot sinda hale sa saindang mga bantayan na nagtatakig saka natatakot. Sa katakotan, madolok sinda sa Kagurangnan na samong Dios.

Zacarias 8:3

Mabalik ako sa Jerusalem, sa banal kong syudad dangan duman ako maerok. An Jerusalem mamimidbidan na maimbod na syudad, asin an bulod kan Kagurangnan nin mga hukbo aapodon an banal na bulod.

Mga Gibo 9:1

Kan panahon na iyan, padagos an paghoma ni Saulo na gadanon an mga disipulo kan Kagurangnan. Nagduman siya sa Halangkaw na Padi,

Roma 16:20

Dai na mahahaloy, roronoton kan Dios nin katoninongan si Satanas sa irarom kan saindong bitis. Mapasaindo logod an biyaya kan satong Kagurangnan na Jesus.

2 Pedro 3:13

Alagad naghahalat kita kan ipinanuga nin Dios na bagong kalangitan asin bagong daga saen mag-eerok an katanosan.

Kapahayagan 14:1

Dangan nahiling ko an Kordero na nagtitindog sa ibabaw kan Bukid nin Sion, kaiba an syento kwarenta y kwatro mil katawo; sa mga angog ninda nasusurat an ngaran kan Kordero saka an ngaran kan saiyang Ama.