Isaias 65:23 - Marahay na Bareta Biblia

²³ Magigin mauswag an saindang pinagpagalan, asin dai mamumugtak sa kapahamakan an saindang kaakian. Sinda saka an saindang kapagarakian bebendisyonan ko sagkod sa mga maabot na panahon.

Isaias 65:23 ပူးပေါင်းရင်းမြစ်များ

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 17:7

“Ootobon ko an panuga ko saimo asin sa saimong mga kapagarakian sa mga maabot na henerasyon bilang sarong daing kataposan na tipan. Ako an magigin Dios mo asin kan saimong mga kapagarakian.

An Libro ni Job 21:8

Nagkakaigwa sinda nin mga aki saka makoapo, na saindang namamasdan na nagdadarakula.

Isaias 44:3

“Tatawan ko nin tubig an napapahang daga asin papabuloson ko an mga salog sa mamarang daga. Iwawaras ko an sakong espiritu sa saimong kaakian asin an sakong biyaya sa saimong kapagarakian.

Isaias 49:4

Alagad nagsabi ako, “Mayong pakinabang an sakong kapagalan! Mayo na akong kosog, alagad mayo man akong naginibohan.” Alagad totoong nasa Kagurangnan an sakong katanosan, asin nasa Dios an sakong balos.

Isaias 55:2

Tadaw ta inuubos nindo an saindong kwarta para sa dai nakakabasog? Tadaw ta inuubos nindo an saindong tandan asin padagos pa kamong nagugutom? Dangoga nindo ako asin giboha an sasabihon ko, dangan mananamitan nindo an pinakamarahay sa gabos na kakanon.

Isaias 61:9

Magigin bantog sinda sa tahaw nin mga nasyon; an gabos na makahiling sainda makakaaram na sinda an banwaan na sakong benendisyonan.”

Isaias 66:22

“Siring na an bagong kalangitan saka an bagong kinaban magdadanay huli sa sakong kapangyarihan, magdadanay man an saindong mga kapagarakian saka ngaran.

Ezekiel 36:29

Ililigtas ko kamo sa gabos na nakakadigta saindo. Pagbobotan ko an trigo na magdakul, tanganing dai na nanggad kamo magkaigwa nin gutom.

Levitico 26:20

Masasayang an gabos nindong paghihingowa huli ta dai magkakaigwa nin ani an saindong daga; dai man mamumunga an mga kahoy.

Levitico 26:22

Papadarahan ko kamo nin mga maringis na hayop na magadan kan saindong kaakian, asin makakan kan saindong mga ataman na hayop tanganing kadikit na sana an matada saindo kaya mayo na nin maglalakaw sa saindong mga dalan.

Levitico 26:29

Magigin makuri an saindong gutom, kaya kakakanon nindo an sadiri nindong mga aki.

Hageo 1:6

Dakul na trigo an saindong itinanom, alagad dikit sana an saindong inani. May pagkakan kamo, alagad kulang pa tanganing mabasog kamo. May arak kamong inomon, alagad kulang man tanganing maburat kamo! Igwa kamo nin gubing, alagad kulang man giraray tanganing mahimbongan kamo. An trabahador kulang man an inaakong tandan tanganing mabuhay.

Hageo 2:19

Maski mayo nang natadang trigo, asin dai nagbunga an mga ubas, an mga kahoy na higera, granada asin oliba, alagad poon ngunyan bebendisyonan ko kamo.”

Malakias 3:10

Daraha nindo an bilog na halaga kan saindong mga himoloan sa Templo, tanganing magkaigwa nin dakul na pagkakan duman. Baloa nindo ako asin mahihiling nindo na bubukasan ko an mga bintana nin kalangitan dangan iuula ko sa saindo an nagsusupay na mga marahay na bagay.

Mga Gibo 2:39

Huli ta para saindo an panugang ini nin Dios, saka sa mga aki nindo asin para sa mga nasa harayo—sa gabos na inaapod kan Kagurangnan tang Dios.”

Roma 4:16

Kaya an pagtubod iyo an binasaran kan panuga, tanganing an panugang iyan garantisadong magin regalo nin Dios para sa gabos na kapagarakian ni Abraham—bako sanang para sa mga nag-ootob kan Katogonan, kundi para man sa mga nagtutubod arog ki Abraham. Siya an ama nyato gabos,

1 Corinto 15:58

Kaya ngani, namomotan kong mga tugang, magin pusog kamo saka masarig. Magdanay kamong mahigos sa trabaho nindo para sa Kagurangnan, huli ta aram nindo na bakong sayang an anoman na paglingkod nindo sa Kagurangnan.

Galacia 3:29

Kun kamo ki Cristo, mga aki kamo ni Abraham, mga paramana sosog sa panuga.