Isaias 65:17 - Marahay na Bareta Biblia

¹⁷ Nagsasabi an Kagurangnan, “Naglalalang ako nin bagong kinaban asin bagong kalangitan. An mga pangyayari kan nakaaging panahon dai na gigiromdomon.

Isaias 65:17 ပူးပေါင်းရင်းမြစ်များ

Isaias 43:18

Alagad nagsabi an Kagurangnan, “Hare na nindo pagromdoma an mga pangyayari kan mga aldaw na nakaagi, ni horophoropon an mga bagay na nangyari haloy nang panahon.

Isaias 46:9

Giromdoma kun ano an nangyari kaidtong panahon; akoa nindo na ako sana an Dios asin pwera sako mayo na nin ibang dios; mayo na nin ibang arog sako.

Isaias 51:16

Ako an nag-unat kan kalangitan asin an nagbugtak kan pundasyon kan kinaban; sinasabihan ko an Jerusalem, ‘Ika an sakong banwaan! Tinawan taka kan sakong katukdoan, asin kamot ko an nag-iingat sa saimo.’”

Isaias 66:22

“Siring na an bagong kalangitan saka an bagong kinaban magdadanay huli sa sakong kapangyarihan, magdadanay man an saindong mga kapagarakian saka ngaran.

Jeremias 3:16

Dangan kun kamo dakul na nin marahay sa dagang iyan, dai na pag-oolayan kan mga tawo an manongod sa sakong Kaban nin Tipan. Dai na ninda ini iisipon, ni gigiromdomon; dai na ninda ini hihidawon. Dai na sinda magibo nin ibang kaban.

1 Corinto 2:9

Alagad siring sa nasusurat, “An dai pa lamang nahiling o nadangog nin tawo, an dai pa lamang naisip kan tawo na pwedeng mangyari, iyo an inandam nin Dios para sa mga namomoot saiya.”

2 Corinto 5:17

An siisay man na yaon ki Cristo, saro nang bagong linalang; an daan nakalihis na, an bago nagdatong na.

Hebreyo 12:27

An tataramon na “sarong beses pa” maliwanag na nagpapahayag na an gabos na linalang yuyugyogon, dangan hahaleon an mga nayogyog, tanganing an mga bagay na dai pwedeng mayugyog iyo an mawalat.

2 Pedro 3:13

Alagad naghahalat kita kan ipinanuga nin Dios na bagong kalangitan asin bagong daga saen mag-eerok an katanosan.