Isaias 65:16 - Marahay na Bareta Biblia

¹⁶ An siisay man sa daga na maghagad nin bendisyon, maghahagad kan bendisyon kan maimbod na Dios. An siisay man na magsumpa, magsusumpa huli sa ngaran kan maimbod na Dios. An kasakitan kan nakalihis na panahon mawawara asin malilingawan.”

Isaias 65:16 ပူးပေါင်းရင်းမြစ်များ

An Libro ni Job 11:16

Dangan malilingawan mo an gabos mong kasakitan, siring sa mga baha na nakaagi asin dai na nagigiromdoman.

Salmo 31:5

Sa saimong kamot dusay ko an sakong espiritu; Kagurangnan, maimbod na Dios, ako tinubos mo.

Salmo 63:11

Alagad an hade mag-oogma sa Dios; magmumuraway an gabos na minasumpa sa saiyang ngaran; huli ta seserahan an ngoso nin mga putikon.

Salmo 72:17

An saiyang ngaran magdanay logod sagkod lamang, an saiyang kabantogan magpadagos siring sa aldaw! An mga tawo bendisyonan logod huli sa saiya; apodon logod siyang paladan kan mga nasyon.

Salmo 86:15

Alagad ika, Kagurangnan, sarong Dios na maheherakon asin mamomoton, maluway sa pag-anggot saka mayaman sa danay na pagkamoot asin pagkamaimbod.

Exodo 34:6

Nag-agi an Kagurangnan sa atubangan niya asin nagtaram, “Ako, an Kagurangnan, iyo an Dios na maugayon asin maheherakon, an dai tolos naaanggot asin ipinapahiling ko an danay kong pagkamoot saka pagkamaimbod.

Isaias 11:16

Dangan magkakaigwa nin tinampo hale sa Asiria, na aagihan kan natadang mga tawo nin Israel, siring na nagkaigwa man nin tinampo an saindang mga ginikanan kan magluwas sinda sa Egipto.

Isaias 19:18

Pag-abot kan panahon na iyan, an lengwaheng Hebreyo an magigin tataramon sa limang syudad sa Egipto. An mga tawo duman masumpa sa ngaran nin Kagurangnan nin mga hukbo. An saro sa mga syudad aapodon, “Syudad kan Aldaw.”

Isaias 35:10

Magayagaya sindang makakaabot sa Jerusalem, na nag-aawit asin nagkukurahaw sa kaogmahan. Sagkod pa man magigin maogma sinda, sagkod pa man magigin talingkas sinda sa kamondoan asin sa kasakitan.

Isaias 48:1

Dangoga nindo ini, banwaan nin Israel, kamo na naggikan ki Juda: Minasumpa kamo sa ngaran kan Kagurangnan asin minasabing sinasamba nindo an Dios nin Israel— alagad bakong tudok sa puso nindo an saindong sinasabi.

Isaias 54:4

Dai ka matakot—dai ka na masosopgan giraray; dai ka na mawawaraan nin onra. Malilingawan mo nang dai ka nagin maimbod sa agom kan ika hoben pa. Malilingawan mo an makuring kapongawan bilang sarong balo.

Isaias 54:5

An saimong Kaglalang magigin siring sa agom mo— Kagurangnan nin mga hukbo an saiyang ngaran. Ililigtas ka kan banal na Dios nin Israel— siya an kagsakop kan bilog na kinaban.

Isaias 65:19

Ako mismo mapapano nin kaogmahan huli kan Jerusalem asin kan saiyang namamanwaan. Dai na magkakaigwa nin pagtangis diyan, ni paghagad nin tabang.

Jeremias 10:10

Alagad ika, Kagurangnan, an totoong Dios, ika an Dios na buhay, an hade na mayo nin kataposan. Nagtatakig an kinaban kun ika naaanggot, dai natatagalan kan mga nasyon an saimong kaanggotan. (

Jeremias 12:16

Kun bilog na puso nindang aakoon an pagtubod kan sakong banwaan saka manumpa nin ‘Siring na nabubuhay an Kagurangnan,’—arog kan itinukdo ninda sa sakong banwaan na pagsumpa ki Baal—magigin kaayon sinda kan sakong banwaan saka magigin mauswag sinda.

Jeremias 31:12

Maabot sinda dangan maawit nin makosog sa ibabaw kan Bukid nin Sion; mag-oogma sinda huli kan sakong mga regalo— mga regalong trigo, arak, saka lana nin oliba, mga regalong karnero saka baka. Makakaarog sinda sa tatamnan na may patubig; dai na nanggad sinda magtitios.

Jeremias 4:2

magigin matanos an pagsumpa nindo huli sa sakong ngaran. Dangan makikiolay sako an gabos na mga nasyon na bendisyonan ko sinda, asin oomawon ninda ako.”

Daniel 12:1

Nagtaram an anghel na nakagubing nin lino, “Sa panahon na iyan matunga an dakulang anghel, si Miguel, an anghel na nagsusurog kan saimong banwaan. Dangan magkakaigwa nin kasakitan, na dai pa lamang nangyari magpoon kan magkaigwa nin mga nasyon. Pag-abot kan panahon na iyan, an gabos na tawong an ngaran nasusurat sa libro nin Dios maliligtas.

Daniel 12:11

“Magpoon sa pagpaontok kan aroaldaw na sakripisyo, na an boot sabihon pagpoon kan Mangirhat na Katakotan, maagi an mil dos syentos nubentang aldaw!

Sofonias 1:5

Gagadanon ko an siisay man na nagsasakat sa atop dangan nagsasamba sa aldaw, sa bulan, saka sa mga bitoon. Pupuhoon ko man an mga nagsasamba sako asin nanunuga na magigin maimbod sako, alagad nanunumpa sa ngaran kan dios-dios na si Molec.

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Juan 1:17

An Katogonan itinao nin Dios sa paagi ni Moises, alagad an biyaya asin katotoohan nag-abot sa paagi ni Jesu-Cristo.

Juan 14:6

Sinimbag siya ni Jesus, “Ako an dalan, an katotoohan asin an buhay; dai nin makakaduman sa Ama, kun bakong huli sako.

Roma 14:11

Huli ta nasusurat, “Siring na ako an buhay na Dios, an sabi kan Kagurangnan, an lambang saro maluhod sa atubangan ko, an gabos magpapahayag na ako Dios.”

Deuteronomio 10:20

Matakot kamo sa Kagurangnan na saindong Dios asin siya sana an saindong pagsambahon. Magmaimbod kamo saiya asin magsumpa kamo sa saiya sanang ngaran.

Deuteronomio 32:4

“An Kagurangnan an saindong paraligtas, sa gabos niyang gibo, matanos asin mayong kakulangan. Dios na maimbod asin mayong karatan; matanos siya asin banal.

Deuteronomio 6:13

Matakot kamo sa Kagurangnan na saindong Dios; maglingkod kamo saiya asin magsumpa kamo sa saiya sanang ngaran.

Filipos 2:11

tanganing an gabos magpahayag na si Jesu-Cristo iyo an Kagurangnan, sa kamurawayan nin Dios Ama.

Kapahayagan 20:4

Dangan nakahiling ako nin mga trono. An mga nakatukaw duman iyo an tinawan nin kapangyarihan na maghukom. Nahiling ko man an mga kalag kan mga ginaradan huli kan saindang pagpatotoo dapit ki Jesus saka dapit sa tataramon nin Dios. Dai sinda nagsamba sa hayop o sa ladawan kaini; dai man sinda nagpabugtak kan marka kan hayop sa saindang mga angog o mga kamot. Nabuhay sinda dangan naghade kaiba ni Cristo sa laog nin sangribong taon.