Isaias 65:12 - Marahay na Bareta Biblia

¹² Magigin palad nindo an magadan sa madahas na paagi, huli ta dai kamo nagsimbag kan apodon ko kamo, ni nagdangog kan ako magtaram. Pinili nindong isikwal ako asin naggibo kamo nin maraot.

Isaias 65:12 ပူးပေါင်းရင်းမြစ်များ

Isaias 1:16

Maghanaw ka; maglinig ka kan saimong sadiri; halea an maraot mong mga gibo sa atubang ko; mag-ontok ka sa paggibo nin karatan,

Isaias 1:20

Alagad kun maghabo ka asin magrebelde, an espada an magadan saimo, huli ta ako, an Kagurangnan, an nagtaram.”

Isaias 10:4

Magagadan kamo sa gera o guguyodon pasiring sa harayong lugar bilang mga bilanggo. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 27:1

Sa aldaw na iyan, gagamiton nin Kagurangnan an saiyang mapangyari saka nakakagadan na espada tanganing padusahan an Leviatan, an nagdudulag saka nagbubulonbukon na halas, asin tanganing gadanon an dragon na yaon sa dagat.

Isaias 3:25

An saimong mga lalaki magkakagaradan sa espada, asin an saimong makokosog na mga lalaki magkakagaradan sa gera.

Isaias 34:2

Anggot an Kagurangnan sa gabos na nasyon asin sa gabos nindang hukbo. Sinentensyahan na niya sinda nin kagadanan.

Isaias 34:5

Inandam na nin Kagurangnan an saiyang espada sa langit, asin ngunyan nag-iibaba iyan sa Edom, sa mga tawong saiyang sinentensyahan nin kagadanan.

Isaias 34:6

An saiyang espada mapapano kan saindang dugo saka taba, arog kan dugo saka taba nin mga kordero asin mga kanding na idinodolot. Idodolot nin Kagurangnan an sakripisyong ini sa syudad nin Bozra; gigibohon niya ining sarong dakulang panggagadan sa daga nin Edom.

Isaias 41:28

Kan maghiling ako sa mga dios-dios mayo sinda nin ikinataram; mayo sainda nin nakasimbag kan sakong mga hapot.

Isaias 50:2

“Tadaw ta dai nakakasimbag an sakong banwaan kan dumanon ko sinda tanganing iligtas? Tadaw ta dai sinda nagsimbag kan ako nag-apod? Maluya daw ako kaya dai ko sinda kayang iligtas? Sa sarong pagboot mapapaalang ko an dagat. Magigibo kong desyerto an mga salog, tanganing an mga sira na yaon duman magadan sa paha.

Isaias 59:15

Kadikit na sana an katotoohan kaya an siisay man na minaontok sa paggibo nin karatan iyo an nagigin biktima nin krimen.” Nahiling ini nin Kagurangnan, asin namondo siya huli ta mayo na nin hustisya.

Isaias 63:6

Sa labi-labi kong kaanggotan, tinimaktimakan ko an mga nasyon asin rinonot sinda. Inula ko an saindang dugo sa daga.”

Isaias 65:3

Daing sopog na pinapaanggot ninda ako. Nagdodolot sinda nin paganong mga sakripisyo sa banal na mga tatamnan asin nagtututong sinda nin mga insenso sa mga paganong altar.

Isaias 66:16

Sa paagi kan espada asin kalayo papadusahan niya an gabos na tawo sa daga, mga tawong nagkasala—asin dakul sainda an magagadan.

Jeremias 16:17

Nahihiling ko an gabos nindang ginigibo. Mayo nin natatago sako; an mga kasalan ninda dai makakalampas sa sakong panhiling.

Jeremias 18:21

Alagad ngunyan, Kagurangnan, pabayaan mong magadan sa gutom an saindang mga aki; magadan logod sinda sa gera. Pabayaan mong mawaraan nin agom saka mga aki an mga babae; magadan logod sa helang an mga lalaki saka magadan sa gera an mga hoben nindang lalaki.

Jeremias 34:17

Kaya ako, an Kagurangnan, nagsasabi na nagsuway kamo sako; dai nindo itinao sa kapwa nindo Israelita an saindang katalingkasan. Huli kaini, itatao ko saindo an katalingkasan: an katalingkasan na magadan sa gera, peste, asin gutom. Gigibohon ko kamong sarong katakotan sa gabos na nasyon sa kinaban.

Jeremias 35:17

Kaya ako, an Kagurangnan nin mga hukbo, an Dios nin Israel, mapadara saindo, mga taga Juda saka mga taga Jerusalem, kan gabos na karatan na ipinanuga ko. Gigibohon ko ini huli ta habo kamong maghinanyog kan magtaram ako saindo, asin huli ta habo kamong magsimbag kan apodon ko kamo.”

Jeremias 7:13

Ginibo nindo an mga kasalan na ini, asin maski maigot ko kamong kinaolay, dai kamo naghinanyog. Habo kamong magsimbag kan apodon ko kamo.

Jeremias 7:27

“Kaya, Jeremias, sasabihon mo an gabos na tataramon na ini sa sakong banwaan, alagad dai sinda mahinanyog saimo. Aapodon mo sinda alagad dai sinda masimbag.

Levitico 26:25

Dadarahan ko kamo nin gera huli sa pagtalikod nindo sa satong tipan, asin kun magdurulag kamo pasiring sa saindong mga syudad, papadarahan ko kamo nin mga helang na mayong karahayan, dangan mapipiritan kamong magsuko sa saindong mga kaiwal.

Mikas 5:15

Dangan sa labi-labi kong kaanggotan mabalos ako sa mga nasyon na dai nagkuyog sa sako.”

Zacarias 7:7

Iyo ini an itinaram nin Kagurangnan sa paagi kan mga naenot na mga propeta kan panahon na mauswag pa an Jerusalem asin pano ini nin mga tawo, dangan kan panahon na an mga banwa sa palibot kan syudad kadakul an nag-eerok siring man an rehiyon sa habagat saka an mga kababan sa solnopan.

Mateo 22:3

Sinugo niya an saiyang mga sorogoon na apodon an mga inimbitaran sa bangkete, alagad nagsayuma an mga imbitado.

Mateo 22:7

Huli kaini naanggot an hade, kaya sinugo niya an mga soldados na gadanon idtong mga kriminal, saka suloon an saindang syudad.

Juan 1:11

Nag-abot siya sa sadiri niyang banwa, alagad dai siya inako kan mga tawong sadiri niya.

Deuteronomio 32:25

An gera manggagadan sa mga tinampo. An takot mahampak sa mga harong. Mga hoben na lalaki saka babae magagadan, sagkod an omboy na pasusuhon asin an ubanon na gurang.