Isaias 64:9 - Marahay na Bareta Biblia

⁹ kaya dai ka maanggot samo nin marahay asin dai mo paggiromdomon sagkod pa man an samong mga kasalan. Kami an saimong banwaan; maherak ka sa samo.

Isaias 64:9 ပူးပေါင်းရင်းမြစ်များ

2 Mga Hade 25:9

Sinulo niya an Templo, an palasyo, asin an mga harong kan gabos na mahalagang tawo sa Jerusalem.

Salmo 119:94

Sadiri mo ako, ligtasan ako! Huli ta hinanap ko an saimong mga kabotan.

Salmo 38:1

Kagurangnan, dai mo ako pagtuyawon sa saimong kaanggotan ni pagsilotan sa saimong labi-labing kaanggotan!

Salmo 6:1

Kagurangnan, hare ako pagsagwea sa saimong kaanggotan; sa labi-labi mong kaanggotan, dai mo ako pagpadusahan.

Salmo 79:13

Dangan kami na saimong banwaan, mga karnero na saimong ataman, magpapasalamat saimo sagkod pa man; ika samong oomawon sa gabos na kapagarakian.

Isaias 43:25

Alagad, ako an Dios na nagpapatawad kan saimong mga kasalan, asin ginigibo ko ini huli ta ako an Dios. Dai ko na gigiromdomon an saimong mga kasalan.

Isaias 57:17

Naanggot ako sainda huli kan saindang kasalan saka kapasloan, kaya pinadusahan ko sinda asin pinabayaan. Alagad matagas an saindang payo asin nagpadagos sinda sa saindang gawe.

Isaias 60:10

An Kagurangnan nagsasabi sa Jerusalem, “Hihirahayon kan mga dayuhan an saimong mga kudal, asin maglilingkod saimo an saindang mga hade. Sa sakong kaanggotan pinadusahan taka, alagad ipapahiling ko ngunyan an sakong pagkawili saka pagkaherak sa saimo.

Isaias 63:18

Kami, an saimong banal na banwaan, pinalayas sa kadikit na panahon kan samong mga kaiwal; tinimaktimakan ninda an saimong santwaryo.

Isaias 63:19

Ibinilang mo kami siring sa mga tawong dai mo pinaghadean, siring sa bako mong banwaan.

Isaias 63:8

Nagsabi an Kagurangnan, “Banwaan ko sinda; dai ninda ako dadayaon.” Kaya ilinigtas niya sinda

Jeremias 10:24

Padusahan mo an saimong banwaan, O Kagurangnan, alagad kan maninigo sana samo. Giboha iyan bakong sa kaanggotan, huli ta tibaad iyan an magin samuyang kataposan.

Jeremias 3:12

Tinaraman niya ako na magduman sa Israel saka magsabi, “Bakong maimbod na Israel, magbalik ka sako. Dai taka aanggotan huli ta maheherakon ako. Dai ako maaanggot saimo sagkod pa man.

Jeremias 44:21

“Manongod sa insenso na tinutong nindo asin kan saindong mga ginikanan, kan saindong mga hade saka mga lider, asin kan mga tawo na nag-eerok sa daga, sa mga banwa nin Juda saka sa mga tinampo nin Jerusalem—naghohona daw kamo na dai iyan aram nin Kagurangnan o nalingawan na niya iyan?

Mga Panambitan 2:7

Isinikwal nin Kagurangnan an saiyang altar asin binayaan an saiyang banal na Templo. An mga kudal kaini itinugot niyang rumpagon kan mga kaiwal, na nagkurahaw sa kapangganahan sa lugar na pinagsambahan mi kaidto.

Mga Panambitan 5:18

huli ta an Bukid nin Sion rumpag na asin mayong nag-eerok, saka pinaglakaw-lakawan nin mga lalaw na ayam.

Mga Panambitan 5:20

Tadaw ta pinabayaan mo kami sa haloy na panahon? Magigiromdoman mo pa daw kami giraray?

Mga Panambitan 5:22

O totoo mananggad na isinikwal mo na kami sagkod lamang? Mayo na daw nin kasagkoran an saimong kaanggotan?

Ezekiel 29:16

An mga Israelita dai na nanggad masarig sa Egipto. An nangyari sa Egipto magpapagiromdom sa sainda na nasala sinda sa pagsarig sa nasyon na idto. Dangan maaaraman nin Israel na ako an Kagurangnan Dios.”

Levitico 26:31

raraoton ko an saindong mga syudad, kaiba kan mga lugar na saindong pinagsasambahan, asin dai ko aakoon an saindong mga atang.

Habakkuk 3:2

Kagurangnan, nadangog ko an manongod sa saimong ginibo, asin natakot ako. Giboha giraray sa samong panahon an mga ngangalasan na ginibo mo kaidto. Magin maheherakon ka maski sa panahon na naaanggot ka.

Malakias 1:4

Kun magsabi an mga Edomita, an kapagarakian ni Esau, “Rinaot an samong mga banwa, alagad papatindogon mi giraray an mga iyan,” masimbag an Kagurangnan, “Pwede nindang patindogon an mga iyan alagad gagarabaon ko giraray iyan sagkod na apodon sinda kan mga tawo nin ‘An maraot na daga’ asin ‘An Nasyon na naanggotan nin Kagurangnan sagkod lamang.’”

2 Pedro 2:17

An mga tawong ini garo nagmarang burabod, saka mga panganoron na ipinapadpad nin makosog na doros; an Dios may inandam nang madiklom na kairaroman para sainda.

Kapahayagan 20:10

Dangan an Diablo na nagdaya sainda itinapok sa danaw nin kalayo saka asupre, na tinapokan man kan hayop saka kan bakong tunay na propeta. Duman papasakitan sinda aldaw-banggi, sagkod pa man.