Isaias 64:4 - Marahay na Bareta Biblia

⁴ Mayo pa nin siisay man na nakahiling o nakadangog dapit sa sarong Dios na arog saimo, na naggigibo nin siring na mga bagay para sa mga tawong minabugtak kan saindang paglaom saiya.

Isaias 64:4 ပူးပေါင်းရင်းမြစ်များ

Genesis 49:18

“O Kagurangnan, halat ko an saimong kaligtasan.

Esdras 9:7

Poon pa kan aldaw kan samong mga ginikanan sagkod ngunyan, kami, na saimong banwaan, nagkasala na nin makuri. Huli kan samong mga kasalan, kami, an samong mga hade, asin mga padi nahulog sa kamot kan mga dayuhan na hade, ginadan, binihag asin sinamsaman. Napasopog kami sagkod ngunyan.

Salmo 103:18

sa mga minaotob kan saiyang tipan asin maimbod na naggigiromdom kan saiyang mga togon.

Salmo 130:5

An kalag ko naghahalat kan tabang nin Kagurangnan; an saiyang tataramon iyo an sakong linalaoman.

Salmo 31:19

Dakula an pagkamarahayon mo sa mga may pagkatakot saimo, sa mga minasarig saimo. Ini ipinahiling mo sa atubang nin mga tawo.

Salmo 62:1

Sa Dios sana toninong na naghahalat an sakong kalag; sa saiya hale an sakong kaligtasan.

Isaias 25:9

Kun mangyari na ini, masabi an gabos, “Siya an samong Dios! Ibinugtak mi sa saiya an samong pagsarig, asin ilinigtas niya kami. Siya an Kagurangnan! Ibinugtak mi sa saiya an samong pagsarig, asin maogma kami saka magayagaya huli ta ilinigtas niya kami.”

Isaias 30:18

Alagad naghahalat an Kagurangnan tanganing maherakan kamo. Paladan an mga nagsasarig sa Kagurangnan.

Isaias 40:31

Alagad an mga nagsasarig sa tabang nin Kagurangnan makakakua nin bagong kosog. An kosog ninda makakaarog sa mayong kapagalan na mga pakpak nin agila; madalagan sinda alagad dai mapapagal; malakaw sinda alagad dai manluluya.

Isaias 59:12

“Kagurangnan, kadakul na karatan an nagibo mi laban saimo; nagsasaksi an samong kasalan laban samo. Aram mi iyan gabos.

Isaias 66:8

May nakahiling na daw o nakadangog kan siring na bagay? May nasyon daw na namundag sa saro sanang aldaw? Dai na mahahaloy an pagtitios nin Sion, asin mamumundag an nasyon.

Daniel 9:15

“O Kagurangnan na samong Dios, ipinahiling mo an saimong kapangyarihan kan iluwas mo an saimong banwaan sa Egipto asin nagigiromdoman pa sagkod ngunyan an saimong kapangyarihan. Nagkasala kami; ginibo mi an bakong tama.

Daniel 9:5

“Nagkasala kami, nagin maraot, naggibo kan sala. Isinikwal mi an ipinapagibo mo samo asin tinalikodan mi an ipinahiling mong tama.

Daniel 9:8

An kasosopgan napasamo, sa samong mga hade, mga pamayo, asin mga ginikanan huli ta nagkasala kami saimo, Kagurangnan.

Oseas 7:7

“Sa init kan saindang kaanggotan, ginadan ninda an saindang mga pamayo; saro-sarong ginadan ninda an saindang mga hade, alagad mayo nin namimibi sa sako sa paghagad nin tabang.”

Zacarias 10:9

Maski iwinarak ko sinda sa mga nasyon, alagad sa mga harayong lugar magigiromdoman ninda ako. Makakaligtas sinda asin an saindang mga aki dangan sarabay na mapuruli sa saindang harong.

Mateo 25:34

Dangan masabi an Hade sa mga tawo na nasa too niya, ‘Madya kamo, mga paladan kan sakong Ama! Lumaog kamo sa Kahadean na inandam para saindo poon na lalangon an kinaban.

Lukas 2:25

Sa Jerusalem may sarong tawo kaidto na an ngaran Simeon. Siya matanos asin maimbod sa Dios; naghahalat siya kan kaligtasan nin Israel. Nasa saiya an Espiritu Santo,

Juan 14:3

Pakaduman ko saka pakaandam ko nin lugar para saindo, mabalik ako dangan ipag-iiba ko na kamo, nganing kun saen ako, duman man kamo.

Roma 8:19

An gabos na linalang tudok sa puso na naghahalat na ihayag kan Dios an saiyang mga aki.

1 Corinto 1:7

Kaya nag-ako kamo kan gabos na balaog na espiritwal, mantang naghahalat kamo na mahayag si Jesu-Cristong Kagurangnan ta.

1 Tesalonica 1:10

asin kun paano nindo hinahalat an pagbalik kan saiyang Aki hale sa langit—si Jesus na binuhay niya liwat, na iyo an maligtas sato sa maabot na makuring kaanggotan nin Dios.

1 Timoteo 3:16

Mayong makakanegar na totoong dakulang misteryo an satong relihiyon: Nagpahiling siya kan siya nagin tawo, pinatotoohan siya kan Espiritu Santo, asin nahiling kan mga anghel. Ipinaghulit siya sa mga nasyon, tinubod sa bilog na kinaban, dinara sa kamurawayan.

Hebreyo 11:16

Alagad mawot ninda an sarong mas marahay na lugar, an lugar na langitnon. Kaya an Dios dai nasosopog na apodon siyang Dios ninda, huli ta nag-andam siya nin syudad para sainda.

Santiago 5:7

Kaya, mga tugang, maging matinios kamo sagkod na mag-abot an Kagurangnan. Hilinga nindo an paratanom na matinios na naghahalat kan mahalagang bunga kan daga; matinios na naghahalat kan enot asin huring uran!

1 Juan 4:10

An pagkamoot arog kaini: bakong kita an namoot sa Dios, kundi siya an namoot sato dangan sinugo niya an saiyang Aki tanganing sa paagi niya mapatawad an satong mga kasalan.