Isaias 64:3 - Marahay na Bareta Biblia

³ Kaidto, nagdatong ka asin naggibo nin makatakot na mga bagay na dai mi pinaglalaoman; nahiling ka kan kabukidan asin pinagtarakigan sinda.

Isaias 64:3 ပူးပေါင်းရင်းမြစ်များ

2 Samuel 7:23

Mayo nin ibang nasyon sa kinaban arog kan Israel, na saimong ilinigtas sa kaoripnan tanganing gibohon na sadiri mong banwaan. An darakula asin makangangalas na mga bagay na ginibo mo para sainda nakapabantog saimo sa bilog na kinaban. Pinalayas mo an ibang nasyon asin an saindang mga dios-dios mantang nagdadangadang an saimong banwaan, an banwaan na saimong pinatalingkas sa Egipto tanganing saimong masadirihan.

Salmo 106:22

mga ngangalasan na ginibo niya duman, mga mangirhat na bagay sa Dagat na Pula.

Salmo 66:3

Sabihan nindo an Dios, “Makangangalas an saimong ginibohan! Dakula nin marahay an saimong kapangyarihan, kaya an saimong mga kaiwal minaduko sa takot sa saimong atubang.

Salmo 66:5

Madya asin hilinga an ginibo nin Dios, an makangangalas niyang mga gibo sa tahaw nin katawohan.

Salmo 68:8

naglinog an daga, nag-uran an kalangitan sa presensya nin Dios; naglinog an Sinai sa presensya nin Dios, an Dios nin Israel.

Salmo 76:12

na minaputol kan hinangos nin mga prinsipe, na minatakot sa mga hade nin daga.

Exodo 34:10

Nagtaram an Kagurangnan ki Moises, “Makikipagtipan ako ngunyan sa banwaan nin Israel. Sa atubangan ninda, magibo ako nin ngangalasan na dai pa lamang nagigibo sa bilog na daga, o sa arin man na nasyon. Mahihiling kan gabos na tawo an darakulang bagay na gigibohon ko, huli ta magibo ako nin makangingirhat na bagay para saimo.

Isaias 5:25

Anggot an Kagurangnan sa saiyang banwaan, asin inunat niya an saiyang kamot sa pagpadusa sainda. Matatanyog an kabukidan asin an mga bangkay kan nagkagaradan magkakawaralat sa mga tinampo siring sa ati. Alagad dai man giraray maoontok an kaanggotan nin Kagurangnan, kundi padagos na magigin unat an saiyang kamot sa pagpadusa.

Isaias 64:1

Tadaw ta dai mo gision an langit dangan maghilig digdi? Mahihiling ka kan kabukidan asin magtatakig sinda sa takot.

Habakkuk 3:3

Hale sa Edom madigdi giraray an Dios; hale sa kabubuldan nin Paran maabot an banal na Dios. Tinatahoban kan saiyang kamurawayan an kalangitan, asin an daga pano kan saiyang kaomawan.

Habakkuk 3:6

Kun siya minaontok, an daga minakunogkunog; sa saiyang paghiling an mga nasyon minakubogkubog. Nagkawarasak an mayong kataposan na kabukidan; nag-urulnod an mayong kataposan na kabubuldan, an kabubuldan na saiyang linakawan kan suanoy na panahon.

Deuteronomio 10:21

Pag-omawon nindo siya huli ta siya an saindong Dios; nahiling nindo an dakula asin makangangalas na mga bagay na ginibo niya para saindo.

Deuteronomio 4:34

Igwa daw nin dios na nangahas na magduman asin magkua nin sarong banwaan hale sa ibang nasyon dangan gibohon na saiyang sadiri, arog kan ginibo saindo nin Kagurangnan na saindong Dios duman sa Egipto? Sa atubang nindo, ginamit niya an saiyang kosog asin kapangyarihan huli sa mga helang saka gera, sa mga tanda sagkod ngangalasan patin sa mga mangirhat na bagay.