Isaias 64:10 - Marahay na Bareta Biblia

¹⁰ An saimong banal na mga syudad nakakaagid sa sarong desyerto; an Jerusalem sarong raot na lugar na mayo nin nag-eerok,

Isaias 64:10 ပူးပေါင်းရင်းမြစ်များ

2 Mga Hade 25:9

Sinulo niya an Templo, an palasyo, asin an mga harong kan gabos na mahalagang tawo sa Jerusalem.

1 Mga Cronica 23:5

an kwatro mil ginibo niyang mga bantay kan mga trangkahan; saka an kwatro mil ginibo niyang mga parakanta nin kaomawan sa Kagurangnan, na gamit an mga instrumento na ginibo niya para sa katuyohan na iyan.

Isaias 1:7

Rinaot an saimong daga, sinurulo an saimong mga syudad; sa atubang mo sinamsam nin mga dayuhan an saimong daga; rinaot ninda an gabos.

Isaias 48:2

Alagad nag-oorgulyo kamo sa pagsabi na mga namamanwaan kamo kan banal na syudad, asin nananarig kamo sa Dios nin Israel, na Kagurangnan nin mga hukbo an ngaran.

Isaias 52:1

Pagmata, O Jerusalem! Pagmakosog asin pagin dakula giraray! Banal na syudad nin Dios, sulotan an magagayon mong gubing! Dai na nanggad makakalaog sa saimong mga trangkahan an mga pagano.

Isaias 6:11

Naghapot ako, “Sagkod nuarin ini magigin siring, Kagurangnan?” Nagsimbag siya, “Sagkod na magkararaot an mga syudad asin mayo nang mag-erok diyan, sagkod na an mga harong diyan mayo na nin nag-eerok—sagkod na an daga dai na mapakinabangan.

Isaias 63:18

Kami, an saimong banal na banwaan, pinalayas sa kadikit na panahon kan samong mga kaiwal; tinimaktimakan ninda an saimong santwaryo.

Jeremias 52:13

Sinulo niya an Templo, an palasyo, asin an mga harong kan gabos na mahalagang tawo sa Jerusalem.

Mga Panambitan 1:10

Sinamsam kan kaiwal an gabos niyang kayamanan. Nahiling niya an paglaog kan mga kaiwal sa saiyang Templo, an lugar na ipinangalad nin Kagurangnan na laogon nin mga pagano.

Mga Panambitan 1:7

Sa aldaw nin saiyang kasakitan saka kapaitan, nagigiromdoman nin Jerusalem an mahalagang mga bagay na sadiri niya kaidto. Kan mahulog siya sa kamot kan kaiwal, asin mayo sa saiya nin nagtabang; pinagtuyatuya siya kan kaiwal, nginisihan an saiyang pagkarumpag.

Mga Panambitan 5:18

huli ta an Bukid nin Sion rumpag na asin mayong nag-eerok, saka pinaglakaw-lakawan nin mga lalaw na ayam.

Daniel 12:7

Initaas kan anghel an duwa niyang kamot dangan nagsumpa sa ngaran kan Daing Kataposan na Dios. Nadangog ko an saiyang sinabi, “Tolong taon may kabanga pa. Pakatapos kan pagpasakit sa banwaan nin Dios, dangan mangyayari an gabos na ini.”

Mikas 3:12

Kaya, huli sa saindo, aaradohon an Sion arog sa sarong oma, magigin sarong tambak nin raot an Jerusalem, asin magigin sarong kadlagan an bulod na natitindogan kan Templo.

Hageo 2:3

“Siisay sa saindo an nakahiling kan dating kagayonan kan Templong ini? Ano an paghiling nindo kaini ngunyan? Bako daw na mas marahay kun mayo na sana?

Lukas 21:21

An mga nasa Judea kaipuhan magdulag pasiring sa kabubuldan; an mga nasa syudad kaipuhan maghale, asin an mga nasa banwa dai na magduman sa syudad.

Lukas 21:24

An iba magagadan sa gera, asin an iba dadarahon bilang mga bihag sa gabos na nasyon; rurumpagon kan mga pagano an Jerusalem sagkod na maotob an panahon ninda.