Isaias 63:7 - Marahay na Bareta Biblia

⁷ Ipapahayag ko an danay na pagkamoot nin Kagurangnan; inoomaw ko siya huli kan gabos na ginibo niya para samo. Dakulang marahay an itinao niyang biyaya sa banwaan nin Israel huli kan saiyang pagkaherak asin danay na pagkamoot.

Isaias 63:7 ပူးပေါင်းရင်းမြစ်များ

1 Mga Hade 8:66

Kan ikawalong aldaw pinapuli ni Solomon an mga tawo. Benendisyonan kan mga tawo si Solomon asin maogma sindang nagpuli huli kan gabos na bendisyon na itinao nin Kagurangnan sa saiyang sorogoon na si David sagkod sa banwaan nin Israel.

2 Mga Cronica 7:10

dangan kan sunod na aldaw, an ikabeynte y tres na aldaw kan ikapitong bulan, pinapuli ni Solomon an mga tawo sa saindang harong. Nag-orogma sinda gabos huli sa karahayan na ipinahiling nin Kagurangnan ki David, ki Solomon, asin sa bilog na Israel.

Nehemias 9:25

Sinakop kan saimong banwaan an mga pinapusog na syudad, sarong mayaman na daga saka mga harong na pano nin kayamanan, mga bubon na dati nang kinalot, mga olibahan, mga kahoy na namumunga, asin mga ubasan. Nagkarakan sinda kan boot ninda asin sinda, nagtaraba; nag-orogma sinda sa dakulang karahayan na itinao mo sainda.

Nehemias 9:27

kaya tinugotan mong madaog saka masakop sinda kan saindang mga kaiwal. Dangan sa saindang kasakitan naghagad sinda saimo nin tabang, asin hale sa langit sinimbag mo sinda. Sa dakula mong pagkaherak nagpadara ka nin mga lider, na nagligtas sainda sa kamot kan saindang mga kaiwal.

Nehemias 9:31

Alagad sa dakula mong pagkaherak, dai mo sinda tinunaw o pinabayaan; huli ta ika sarong maugayon asin maheherakon na Dios!

Nehemias 9:35

Huli kan saimong bendisyon, pinamayohan kan mga hade an saimong banwaan kan nag-erok sinda sa mahiwas, matubang na daga na itinao mo sainda; alagad dai sinda nagtalikod sa maraot nindang gibo asin dai naglingkod saimo.

Salmo 103:2

Kalag ko, mag-omaw ka sa Kagurangnan; an gabos niyang balaog dai mo paglingawan.

Salmo 107:15

Kaipuhan magpasalamat sinda sa Kagurangnan, huli kan danay niyang pagkamoot, huli kan makangangalas na gibo niya sa sainda.

Salmo 107:21

Kaipuhan magpasalamat sinda sa Kagurangnan, huli kan danay niyang pagkamoot, huli kan makangangalas na gibo niya sa sainda.

Salmo 107:31

Kaipuhan magpasalamat sinda sa Kagurangnan, huli kan danay niyang pagkamoot, huli kan makangangalas na gibo niya sa sainda.

Salmo 107:8

Kaipuhan magpasalamat sinda sa Kagurangnan, huli kan danay niyang pagkamoot, huli kan makangangalas na gibo niya sa sainda.

Salmo 145:7

Ioosip ninda an gabos mong karahayan, aawiton ninda an saimong katanosan.

Salmo 25:6

Giromdoma, Kagurangnan, an saimong pagkaherak asin danay na pagkamoot, na ipinahiling mo poon pa kaidto.

Salmo 51:1

Kaheraki ako, O Dios, sosog sa danay mong pagkamoot. Sosog sa dakula mong pagkaherak, paraa an sakong mga kasalan!

Salmo 63:3

Huli ta mas marahay pa ki sa buhay an danay mong pagkamoot, kaya oomawon ka kan sakong ngoso.

Salmo 86:15

Alagad ika, Kagurangnan, sarong Dios na maheherakon asin mamomoton, maluway sa pag-anggot saka mayaman sa danay na pagkamoot asin pagkamaimbod.

Salmo 86:5

Kagurangnan, ika marahay saka mapagpatawad, mayaman sa danay na pagkamoot sa gabos na nag-aapod saimo.

Salmo 92:2

an pagbalangibog kan danay mong pagkamoot sa pagkaaga asin kan saimong pagkamaimbod pagkabanggi,

Exodo 18:9

Naogma si Jetro kan madangog an gabos na karahayan na ginibo nin Kagurangnan sa Israel,

Isaias 26:13

O Kagurangnan na samong Dios, pinaghadean kami nin iba pwera saimo, alagad ika sana an samong Kagurangnan.

Isaias 51:2

Isipa nindo an saindong ginikanan na si Abraham, saka si Sara, na saindong hinalean. Kan apodon ko si Abraham, mayo siya nin aki, alagad kan bendisyonan ko siya, nagdakul an saiyang aki saka mga kapagarakian.

Isaias 54:10

Pwedeng magkaroronot an kabukidan saka kabubuldan, alagad an sakong pagkamoot saimo dai magkakaigwa nin kataposan; an sakong panuga na katoninongan ootobon ko sagkod lamang.” Iyan an sinasabi nin Kagurangnan na namomoot saimo.

Isaias 54:7

“Sa kadikit na panahon binayaan taka; sa dakulang pagkamoot kukuahon taka.

Isaias 54:8

Sa kaanggotan tinalikodan taka sa kadikit na panahon, alagad ipapahiling ko saimo an sakong pagkamoot sagkod pa man.” Iyan an sinasabi nin Kagurangnan na nagliligtas saimo.

Isaias 55:7

Pabayaan na kan tampalasan an maraot nindang pamumuhay asin an biko nindang mga kaisipan. Magbalik na sinda sa Kagurangnan, an satong Dios; maheherakon siya asin madaling magpatawad.

Isaias 64:5

Inaako mo an mga tawong nakakakua nin kaogmahan sa paggibo kan tama, sa mga naggigiromdom kun paano mo boot sindang mamuhay. Naanggot ka samo, alagad nagpadagos kami sa pagkakasala; poon pa kaidtong panahon nagpadagos kami sa paggibo kan maraot maski anggot ka nin marahay.

Mga Panambitan 3:32

Pwedeng darahan niya kita nin kamondoan, alagad an pagkamoot niya sato makusog asin masasarigan.

Oseas 2:19

Israel, ika an sakong magigin agom; magigin tunay saka maimbod ako saimo; ipapahiling ko saimo an danay na pagkamoot saka pagkaherak asin magigin sadiri taka sagkod pa man.

Zacarias 9:17

Orog na magigin marahay saka magayon an daga! Huli sa trigo saka arak, orog na magigin makosog an mga hoben na lalaki asin babae.

Mateo 7:11

Kun kamo nganing mga maraot, tataong magtao nin marahay na bagay sa saindong mga aki, an Ama pa daw nindo na nasa langit an dai magtao nin mga marahay na bagay sa mga naghahagad saiya!

Roma 2:4

O tibaad hinahaboan mo an saiyang dakulang pagkamaboot, pagkamatinios asin pagkapasensyoso? Dai mo aram na maboot siya saimo huli ta boot ka niyang magbakle?

Roma 5:20

An Katogonan itinao tanganing dugangan an kasalan; alagad mantang nagdadagdag an kasalan, nag-oorog man an biyaya nin Dios.

Efeso 2:4

Alagad nagsusupay an pagkaherak nin Dios, asin dakula an saiyang pagkamoot sato,

1 Timoteo 1:14

Itinao sako kan satong Kagurangnan an saiyang nagsusupay na biyaya, kaiba an pagtubod asin pagkamoot na nasa sato huli sa pakisumaro ki Cristo Jesus.