Isaias 63:2 - Marahay na Bareta Biblia

² “Tadaw ta mapula nin marahay an saiyang gubing, arog kan gubing nin sarong lalaki na nagtimaktimak nin mga ubas tanganing gibohon na arak?”

Isaias 63:2 ပူးပေါင်းရင်းမြစ်များ

Genesis 49:11

An ogbon nin saiyang asno iginagakod niya sa poon nin ubas, Sa pinakamarahay na poon nin ubas. Linalabahan niya an saiyang gubing sa arak, an saiyang bado sa dugo nin ubas.

Isaias 59:17

Isusulot niya an hustisya siring sa sarong gubing na panggera asin an kapangganahan siring sa sarong helmet. Isusulot niya an gubing nin pagbalos tanganing tanoson an gabos na bagay asin tanganing baloson an mga karatan na tinitios kan mga tawo.

Isaias 63:1

“Siisay ining nagdadangadang hale sa syudad nin Bozra sa Edom? Siisay ining nakasulot nin magayon na gubing na pula na nagmamartsa na may kapangyarihan saka kakosogan?” Siya an Kagurangnan, an mapangyari sa pagligtas, na nagdadangadang sa pagpahayag kan saiyang kapangganahan.

Ezekiel 35:6

Kaya mantang ako, an Kagurangnan Dios na buhay, nagtataram ako saimo na kagadanan an saimong kataposan asin dai mo iyan madudulagan. Maninigo kang padusahan huli sa paggadan, kaya kagadanan man an malamag saimo.

Kapahayagan 14:19

Kaya inasyab idto kan anghel, pinudo an mga ubas saka itinapok sa dakulang gilingan nin ubas—an gilingan kan kaanggotan nin Dios.

Kapahayagan 19:13

An sulot niyang gubing sarumsom nin dugo. An ngaran niya, “An Tataramon nin Dios.”

Kapahayagan 19:15

Nagluwas sa saiyang ngoso an sarong matarom na espada na iyo an gagamiton niya sa pagdaog kan mga nasyon. Magsasakop siya sainda na may kapot na pamakol na lansang, dangan papaluwason niya sa gilingan nin ubas an arak kan makangingirhat na kaanggotan nin Dios na Makakamhan.