Isaias 63:1 - Marahay na Bareta Biblia

¹ “Siisay ining nagdadangadang hale sa syudad nin Bozra sa Edom? Siisay ining nakasulot nin magayon na gubing na pula na nagmamartsa na may kapangyarihan saka kakosogan?” Siya an Kagurangnan, an mapangyari sa pagligtas, na nagdadangadang sa pagpahayag kan saiyang kapangganahan.

Isaias 63:1 ပူးပေါင်းရင်းမြစ်များ

Genesis 49:11

An ogbon nin saiyang asno iginagakod niya sa poon nin ubas, Sa pinakamarahay na poon nin ubas. Linalabahan niya an saiyang gubing sa arak, an saiyang bado sa dugo nin ubas.

Salmo 108:13

Kun kaiba nyato an Dios, kita manggagana; siya an maronot kan mga kaiwal ta.

Salmo 137:7

Giromdoma, Kagurangnan, an ginibo kan mga Edomita kan aldaw na mabihag an Jerusalem, kan sinda magtaram, “Rumpagon, rumpagon, sagkod sa mga pundasyon!”

Salmo 65:6

Huli kan saimong kosog, pinapasarig mo an kabukidan; ipinapahiling mo an saimong kapangyarihan.

Awit nin mga Awit 3:6

Ano ining nagdadangadang hale sa kalangtadan na arog sa sarong hariging aso, na namamarong nin insenso asin mira, an insensong ipinapabakal kan mga negosyante?

Awit nin mga Awit 6:10

Siisay ini na kun minahiling arog sa kaagahon? Magayon siya siring sa bulan, maliwanag siring sa aldaw.

Awit nin mga Awit 8:5

Siisay ining nagdadangadang hale sa kalangtadan, na nakasandig sa saiyang namomotan? Sa irarom nin kahoy na mansanas pinukaw taka, sa lugar na namundagan mo.

Isaias 11:14

Kundi magkaiba sindang masalakay sa mga Filisteo sa solnopan asin sasamsaman an mga banwaan sa sirangan. Sasakopon ninda an banwaan nin Edom saka Moab, asin kukuyogon sinda kan banwaan nin Ammon.

Isaias 34:1

Madya, mga namamanwaan sa gabos na nasyon! Magtiripon kamo asin magdangog. Magdangog an bilog na kinaban asin an gabos na nag-eerok diyan.

Isaias 42:1

Nagsasabi an Kagurangnan, “Uya an sakong sorogoon, na sakong pinapakosog— an sakong pinili, an sakong nawiwilihan. Ibinugtak ko an sakong espiritu sa saiya, asin siya an matao nin hustisya sa gabos na nasyon.

Isaias 42:3

Dai niya babarion an tiko nang bariw o papalsokon an nagkikimatkimat nang ilaw. Maimbod niyang papadanayon an hustisya.

Isaias 45:19

Bakong sa hilom kan ako magtaram asin dai ko tinago an sakong katuyohan. Dai ko hinagad sa banwaan nin Israel na hanapon ako sa mamondong lugar. Ako an Kagurangnan, asin nagsasabi ako kan katotoohan; ipinapahayag ko kun ano an tama.”

Isaias 45:23

Totoo an sakong panuga, asin dai iyan maliliwat. Tudok sa puso na nanunuga ako sa gabos: Madolok an lambang saro asin maluhod sa sakong atubang patin masumpa sa sako nin kaimbodan.

Isaias 9:5

An mga sapatos kan minasalakay na hukbo asin an gabos nindang nadugoan na gubing susuloon siring sa igatong.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Jeremias 48:24

sa Keriot, asin sa Bozra. An padusa nag-abot na sa gabos na syudad nin Moab, harayo man o harani.

Jeremias 49:13

Isinumpa ko na sa sakong sadiri na an syudad nin Bozra magigin sarong tanawon na nakakatakot asin sarong desyerto; pagsusubahan ini kan mga tawo saka gagamiton an ngaran kaini bilang sarong maldisyon. An gabos na baryo na nasa harani kaini magigin raot sagkod lamang. Ako, an Kagurangnan, an nagtaram.”

Ezekiel 25:12

Nagtaram an Kagurangnan Dios, “Huli ta nagbalos an Edom sa banwaan nin Juda, asin an pagbalos na iyan sarong makuring kasalan kan Edom,

Ezekiel 35:1

Nagtaram sako an Kagurangnan,

Ezekiel 38:17

Ika an sinasabi ko kaidto, kan ipahayag ko sa paagi kan mga propeta nin Israel na sakuyang mga sorogoon, na sa maabot na aldaw dadarahon ko an sarong masalakay sa Israel.” An Kagurangnan Dios an nagtaram.

Obadias 1:1

Iyo ini an propesiya ni Obadias—an itinaram nin Kagurangnan Dios manongod sa nasyon nin Edom. Ipinadara nin Kagurangnan an saiyang sugo sa mga nasyon, asin nadangog mi an saiyang mensahe: “Pag-andam! Makigera kita sa Edom!”

Obadias 1:9

An makokosog na lalaki nin Teman magkakatarakot, asin an lambang soldados nin Edom magagadan.

Sofonias 3:17

Kaibahan mo an Kagurangnan na saimong Dios; siya an paralaban na nagtatao saimo nin kapangganahan. Mawiwilihan ka nin Kagurangnan, asin tatawan ka niya nin bagong buhay sa saiyang pagkamoot. Mag-aawit siya asin mag-oogma huli saimo,

Malakias 1:2

An Kagurangnan nagtataram sa saiyang banwaan, “Danay takang namotan.” Alagad minasimbag sinda, “Paano mo ipinahiling an saimong pagkamoot samo?” Minasimbag an Kagurangnan, “Magtugang si Esau asin si Jacob, alagad orog kong namotan si Jacob dangan an saiyang kapagarakian.

Mga Bilang 23:19

An Dios bakong siring sa mga tawo na nagpuputik; Bako siyang tawo na nagbabago nin isip. An ano man na ipinanuga niya, ginigibo niya; Minataram siya, asin nangyayari iyan.

Mateo 21:10

Paglaog ni Jesus sa Jerusalem, naribok an bilog na syudad. Dakul na tawo an naghapot, “Siisay siya?”

Hebreyo 7:25

Ngunyan asin sa gabos na oras, ikakaligtas niya an mga minadolok sa Dios sa paagi niya, huli ta nabubuhay siya sagkod lamang tanganing makimaherak sa Dios para sainda.

1 Pedro 1:5

Huli sa pagtubod, iniingatan kamo kan kapangyarihan nin Dios, sagkod na makamtan nindo an kaligtasan na andam nang ihayag sa kataposan nin panahon.

Kapahayagan 19:13

An sulot niyang gubing sarumsom nin dugo. An ngaran niya, “An Tataramon nin Dios.”