Isaias 62:4 - Marahay na Bareta Biblia

⁴ Dai ka na nanggad aapodon “Pinabayaan,” o aapodon an saimong daga na “Babaeng Sinuhayan.” “An Dios Nawiwili Saiya,” an saimong magigin bagong ngaran. An saimong daga aapodon “Maogmang Pag-inagoman,” huli ta nawilihan ka nin Kagurangnan asin makakaagid siya sa agom na lalaki kan saimong daga.

Isaias 62:4 ပူးပေါင်းရင်းမြစ်များ

Salmo 149:4

Ikinakaogma nin Kagurangnan an saiyang banwaan; an mapakumbaba tinatawan niya nin kapangganahan.

Salmo 16:3

Gurano karahay an mga maimbod sa Kagurangnan! Dakula kong kaogmahan na sinda makaibahan.

Isaias 49:14

Alagad nagsabi an mga taga Jerusalem, “Pinabayaan na kita nin Kagurangnan! Nalingawan na niya kita!”

Isaias 54:1

Jerusalem, kaidto siring ka sa babaeng mayo nin aki, alagad pwede ka nang mag-awit ngunyan asin magkurahaw sa kaogmahan. Huli ta magkakaigwa ka na nin dakul na kaakian ki sa babaeng igwa nin agom!

Isaias 60:15

“Kun kaidto pinabayaan ka asin kinaongisan patin dai inaagihan nin tawo, alagad ngunyan gigibohon takang dakula asin magayon, sarong lugar nin kaogmahan sagkod pa man.

Isaias 60:18

Dai na nanggad madadangog an kadahasan; an saimong daga dai na nanggad makakanamit nin pagkagaba. Ako an magigin kaligtasan asin depensa mo siring sa sarong kudal; oomawon mo ako huli ta ako an nagligtas saimo.

Isaias 61:10

Nag-oogma an Jerusalem huli kan ginibo nin Kagurangnan. Nakakaagid siya sa sarong nobya na nakagubing nin pangkasal. Ginubingan siya nin Dios nin gubing nin kaligtasan saka kapangganahan.

Isaias 62:12

Aapodon kang “An Banal na Banwaan nin Dios,” “An Banwaan na Ilinigtas nin Kagurangnan.” An Jerusalem aapodon “An Syudad na Namomotan nin Dios,” “An Syudad na Dai Pinabayaan nin Dios.”

Isaias 62:2

Jerusalem, mahihiling kan mga nasyon an saimong kapangganahan! Mahihiling kan saindang mga hade an saimong kamurawayan. Aapodon ka ninda sa bagong ngaran, sarong ngaran na itinao saimo nin Kagurangnan.

Isaias 62:5

Siring sa sarong hoben na lalaking minaagom nin sarong birhen, aagomon ka kan naglalang saimo. Siring na naoogma an lalaki sa saiyang agom, maoogma man an Dios sa saimo.

Isaias 65:19

Ako mismo mapapano nin kaogmahan huli kan Jerusalem asin kan saiyang namamanwaan. Dai na magkakaigwa nin pagtangis diyan, ni paghagad nin tabang.

Jeremias 3:14

“Bakong maimbod na banwaan, magbalik kamo huli ta ako an saindong Kagurangnan. Makua ako saindo nin saro sa lambang banwa asin duwa sa lambang kamaganakan, dangan ibabalik ko kamo sa Bukid nin Sion.

Jeremias 32:41

Ikakaogma ko an paggibo nin marahay na mga bagay para sainda, saka papagdanayon ko sindang pusog sa dagang ini.

Jeremias 33:9

An Jerusalem iyo an matao sako nin kaogmahan, kaomawan, asin kamurawayan; an lambang nasyon sa kinaban matatakot saka magtatakig kun madangog ninda an manongod sa marahay na mga bagay na gigibohon ko sa mga taga Jerusalem asin an manongod sa kauswagan na dadarahon ko sa syudad.”

Ezekiel 36:35

Dangan mataram sinda, ‘An dagang ini na alang kaidto arog na ngunyan sa tatamnan nin Eden; an mga syudad na ginaraba, sinamsaman, mamondo, pinag-eerokan na ngunyan asin pinapapusog.’

Oseas 2:21

Sa panahon na iyan sisimbagon ko an mga pamibi kan sakong banwaan na Israel. Pahuhugpaon ko an uran sa daga dangan mamumunga iyan nin trigo, ubas asin oliba.

Sofonias 3:17

Kaibahan mo an Kagurangnan na saimong Dios; siya an paralaban na nagtatao saimo nin kapangganahan. Mawiwilihan ka nin Kagurangnan, asin tatawan ka niya nin bagong buhay sa saiyang pagkamoot. Mag-aawit siya asin mag-oogma huli saimo,

Malakias 3:12

Dangan aapodon kamong paladan kan mga tawo sa gabos na nasyon, huli ta magigin sarong marahay na lugar na erokan an saindong daga.

Juan 3:29

An nobya para sa nobyo; an katood kan nobyo na nagtitindog asin nagdadangog saiya naoogma nin marahay sa tingog kan nobyo. Kaya nagsusupay an kaogmahan ko ngunyan.

2 Corinto 11:2

Arog sa Dios, maimon ako para saindo. Kamo garo daragang birhen na ipinanuga kong ipakasal sa saro sanang lalaki, na iyo si Cristo.

Deuteronomio 30:9

Papauswagon kamo nin Kagurangnan sa gabos nindong gibo; papadakulon niya an saindong mga aki, mga hayop, sagkod mga bunga kan saindong daga. Maoogma siya sa pagpauswag saindo, siring na naogma siya sa pagpauswag kan saidong mga ginikanan,

Hebreyo 13:5

Maglikay kamo sa pagkamoot sa kwarta; makontento kamo kan nasa saindo, huli ta an Dios nagtaram, “Dai taka nanggad tatalikodan; dai taka nanggad pababayaan.”

1 Pedro 2:10

Kaidto bako kamong banwaan nin Dios, alagad ngunyan banwaan na niya kamo. Kaidto dai nindo nakamtan an pagkaherak nin Dios, alagad ngunyan nakamtan na nindo an saiyang pagkaherak.

Kapahayagan 21:2

Nahiling ko man an Banal na Syudad, an bagong Jerusalem, na nag-iibaba hale sa langit gikan sa Dios, garo nobya na nakagubing nin pangkasal asin masabat sa nobyo niya.