Isaias 62:2 - Marahay na Bareta Biblia

² Jerusalem, mahihiling kan mga nasyon an saimong kapangganahan! Mahihiling kan saindang mga hade an saimong kamurawayan. Aapodon ka ninda sa bagong ngaran, sarong ngaran na itinao saimo nin Kagurangnan.

Isaias 62:2 ပူးပေါင်းရင်းမြစ်များ

Genesis 17:15

Nagtaram an Dios ki Abraham, “Dai mo na pag-apodon Sarai an saimong agom; poon ngunyan, Sara an magigin ngaran niya.

Genesis 17:5

Poon ngunyan, bako nang Abram an saimong ngaran kundi Abraham huli ta gigibohon takang ama nin dakul na nasyon.

Genesis 32:28

Nagsabi an lalaki, “Poon ngunyan bako nang Jacob an ngaran mo kundi Israel, huli ta nakigumolan ka sa Dios saka sa mga tawo, asin nanggana ka.”

Salmo 98:2

Ipinahayag nin Kagurangnan an saiyang kapangganahan; ipinahiling niya sa mga nasyon an saiyang kapangyarihan sa pagligtas.

Isaias 1:26

Dangan ibabalik ko an saimong mga hukom siring kaidto, asin man an saimong mga parahatol siring sa kapinonan. Dangan aapodon kang syudad nin katanosan, an maimbod na syudad.”

Isaias 26:2

Bukasi an mga trangkahan kan syudad tanganing makalaog an maimbod na nasyon, an nasyon na an mga namamanwaan naggigibo kan matanos.

Isaias 43:7

Sinda an sadiri kong banwaan asin ako an naglalang sainda tanganing magdara sako nin kamurawayan.”

Isaias 49:23

An mga hade magigin garo mga ama nindo; an mga reyna garo mga ina nindo. Maduruko sinda sa atubang nindo asin oomawon ninda kamo; mapakumbaba na ipapahiling ninda an paggalang saindo. Dangan maaaraman nindo na ako an Kagurangnan; dai mapapasopog an siisay man na naghahalat kan sakuyang tabang.”

Isaias 49:6

Sinabihan ako nin Kagurangnan, “Igwa ako nin mas mahalagang trabaho para saimo, sakong sorogoon. Bako sanang ibabalik mo an kadakulaan kan natadang mga Israelita, kundi gigibohon takang sarong ilaw para sa mga nasyon— tanganing makaligtas an bilog na kinaban.”

Isaias 52:10

Gagamiton nin Kagurangnan an banal niyang kapangyarihan; ililigtas niya an saiyang banwaan, asin mahihiling iyan kan bilog na kinaban.

Isaias 56:5

an saimong ngaran orog na magigiromdoman sa sakong Templo saka sa tahaw nin sakong banwaan, ki sa kun nagkaigwa ka nin dakul na aki. Dai ka nanggad malilingawan.”

Isaias 60:11

Magigin bukas an saimong mga trangkahan aldaw-banggi, tanganing madara saimo kan mga hade nin ibang nasyon an saindang mga kayamanan.

Isaias 60:16

Mga nasyon saka mga hade an mag-aataman saimo siring kan pagpasuso nin sarong ina sa saiyang aki. Maaaraman mo na ako, an Kagurangnan, an nagligtas saimo, na an mapangyaring Dios nin Israel an nagpatalingkas saimo.

Isaias 61:11

Siring na mabuswak saka matalubo an banhi, siring man an pagligtas nin Kagurangnan Dios sa saiyang banwaan, asin oomawon siya kan gabos na nasyon.

Isaias 61:9

Magigin bantog sinda sa tahaw nin mga nasyon; an gabos na makahiling sainda makakaaram na sinda an banwaan na sakong benendisyonan.”

Isaias 62:12

Aapodon kang “An Banal na Banwaan nin Dios,” “An Banwaan na Ilinigtas nin Kagurangnan.” An Jerusalem aapodon “An Syudad na Namomotan nin Dios,” “An Syudad na Dai Pinabayaan nin Dios.”

Isaias 62:4

Dai ka na nanggad aapodon “Pinabayaan,” o aapodon an saimong daga na “Babaeng Sinuhayan.” “An Dios Nawiwili Saiya,” an saimong magigin bagong ngaran. An saimong daga aapodon “Maogmang Pag-inagoman,” huli ta nawilihan ka nin Kagurangnan asin makakaagid siya sa agom na lalaki kan saimong daga.

Isaias 65:15

An saindong ngaran gagamiton kan sakong piniling banwaan bilang maldisyon. Ako, an Kagurangnan Dios, an magadan saindo. Alagad tatawan ko nin bagong ngaran an mga nagkukuyog sako.

Isaias 66:11

Papakinabangan nindo an saiyang kauswagan, siring sa sarong aki sa daghan nin saiyang ina.

Isaias 66:12

Nagsasabi an Kagurangnan, “Dadarahan ko kamo nin nagdadanay na kauswagan; magbubulos pasiring saindo an kayamanan kan mga nasyon siring sa sarong salog na dai nagmamara. Makakaagid kamo sa sarong aki na pinapasuso kan saiyang ina; sa sarong aki na kinikilik kan saiyang ina asin namomotan.

Isaias 66:19

asin maaaraman ninda na ako an nagpapadusa sa sainda. “Alagad dai ko gagadanon an iba sainda. Susugoon ko sinda sa mga nasyon asin sa mga hararayong lugar na dai pa nakakadangog kan sakong kabantogan saka kapangyarihan: sa Espanya, sa Libya, asin sa Lydia, na igwang ekspertong mga parapana, patin sa Tubal saka sa Grecia. Ipapahayag kan mga tawong ini an sakong kadakulaan sa mga nasyon na ini.

Jeremias 33:16

Sa mga aldaw man na iyan, ililigtas an Juda saka mamumuhay na matiwasay an Jerusalem. An syudad aapodon ‘An Kagurangnan Samong Kaligtasan.’

Jeremias 33:9

An Jerusalem iyo an matao sako nin kaogmahan, kaomawan, asin kamurawayan; an lambang nasyon sa kinaban matatakot saka magtatakig kun madangog ninda an manongod sa marahay na mga bagay na gigibohon ko sa mga taga Jerusalem asin an manongod sa kauswagan na dadarahon ko sa syudad.”

Mikas 5:8

An mga matada sa tahaw nin mga nasyon makakaagid sa sarong leon na naghahanap nin pagkakan sa sarong kadlagan o pasabsaban; maduman siya sa tahaw kan mga karnero dangan masalakay. Rinoronot niya an saiyang madakop asin mayo nin paglaom na ikaligtas an saiyang biktima.

Mga Gibo 11:26

Kan manumpongan niya si Saulo, ipinag-iba niya ini sa Antiokia. Sangtaon sindang duwa na nakisumaro sa mga paratubod duman asin sarong dakulang grupo an tinukdoan ninda. Duman sa Antiokia enot na inapod na Cristiano an mga paratubod.

Mga Gibo 26:23

na an Cristo kaipuhan na magtios dangan enot na mabuhay liwat, tanganing ihayag sa mga Judio asin sa mga pagano an ilaw nin kaligtasan.”

Mga Gibo 9:15

Sinabihan siya nin Kagurangnan, “Dumuman ka, huli ta pinili ko siyang maglingkod sako, tanganing ipamidbid niya an sakong ngaran sa mga pagano, sa mga hade saka sa mga Israelita.

Colosas 1:23

Alagad kaipuhan kamong magdanay na maimbod asin masarig sa pagtubod. Dai nindo ipagsuhay saindo an paglaom na nakua nindo kan madangog nindo an Marahay na Bareta. An Marahay na Baretang ini an ipinaghulit sa bilog na kinaban; ako, si Pablo, naging sarong sorogoon na naghuhulit kaiyan.

Kapahayagan 2:17

“An may talinga, magdangog sa sinasabi kan Espiritu sa mga simbahan! “Sa mga manggagana itatao ko an iba kan natatagong manna. An lambang saro sainda tatawan ko man nin puting gapo na nasusuratan nin bagong ngaran na mayong siisay man na makakaaram pwera sa maako kaiyan.

Kapahayagan 3:12

An mga manggagana gigibohon kong garo harigi sa templo kan sakong Dios; dai na nanggad sinda mahale diyan. Isusurat ko sa mga hariging iyan an ngaran kan sakong Dios saka an ngaran kan syudad kan sakong Dios, an bagong Jerusalem na maibaba hale sa langit, hale sa sakong Dios. Isusurat ko man sa mga iyan an sakong bagong ngaran.