Isaias 62:12 - Marahay na Bareta Biblia

¹² Aapodon kang “An Banal na Banwaan nin Dios,” “An Banwaan na Ilinigtas nin Kagurangnan.” An Jerusalem aapodon “An Syudad na Namomotan nin Dios,” “An Syudad na Dai Pinabayaan nin Dios.”

Isaias 62:12 ပူးပေါင်းရင်းမြစ်များ

Salmo 107:2

Sabihon nindo an mga tataramon na ini sa pag-omaw sa Kagurangnan, kamo gabos na saiyang tinubos. Ilinigtas niya kamo sa saindong mga kaiwal

Exodo 19:6

Kamo magigin kahadean nin mga padi asin sarong banal na nasyon para sa sako. Ini an itaram mo sa mga Israelita.”

Isaias 1:27

Huli ta matanos an Kagurangnan ililigtas niya an Jerusalem asin an mga nag-eerok diyan na nagbabakle.

Isaias 35:8

Magkakaigwa nin sarong dalan duman na aapodon “An Dalan nin Kabanalan.” Mayo nin parakasala na mag-aagi sa dalan na iyan; mayo nin lolong na malagalag sa mga nagsusunod kan dalan na iyan.

Isaias 35:9

Dai magkakaigwa nin leon diyan; mayo nin mabangis na hayop na maagi sa dalan na iyan. An mga ilinigtas nin Kagurangnan maglalakaw sa dalan na iyan pasiring sa saindang harong.

Isaias 4:3

An gabos na natada sa Jerusalem, na mga pinili nin Dios tanganing matadang buhay, aapodon banal.

Isaias 41:17

“Kun an sakong banwaan maghanap nin tubig dangan mayong makua, kun magmara an saindang halonan sa paha, ako, an Kagurangnan, an masimbag sainda; ako, an Dios nin Israel, dai nanggad mapabaya sainda.

Isaias 42:16

“Papangenotan ko an sakong butang banwaan sa mga dalan na dai pa ninda inagihan. Gigibohon kong liwanag an saindang kadikloman asin sa saindang atubangan, sasaramahon ko an bakong saramang mga lugar. Iyo ini an mga bagay na gigibohon ko, asin dai ko iyan lilingawan.

Isaias 51:10

Ika man an nagpamara kan dagat dangan naggibo nin dalan sa katubigan, nganing makabalyo idtong saimong iliniligtas.

Isaias 52:3

Nagsasabi an Kagurangnan Dios sa saiyang banwaan, “Ipinabakal kamo na mayo nin bayad, kaya tutuboson man kamo na mayo nin bayad.

Isaias 60:21

Magigin matanos an saimong namamanwaan, asin sasadirihon ninda an daga sagkod lamang. Ako an nagtanom sainda, an naggibo sainda, tanganing ipahayag ninda an sakong kamurawayan.

Isaias 62:2

Jerusalem, mahihiling kan mga nasyon an saimong kapangganahan! Mahihiling kan saindang mga hade an saimong kamurawayan. Aapodon ka ninda sa bagong ngaran, sarong ngaran na itinao saimo nin Kagurangnan.

Isaias 62:4

Dai ka na nanggad aapodon “Pinabayaan,” o aapodon an saimong daga na “Babaeng Sinuhayan.” “An Dios Nawiwili Saiya,” an saimong magigin bagong ngaran. An saimong daga aapodon “Maogmang Pag-inagoman,” huli ta nawilihan ka nin Kagurangnan asin makakaagid siya sa agom na lalaki kan saimong daga.

Isaias 63:18

Kami, an saimong banal na banwaan, pinalayas sa kadikit na panahon kan samong mga kaiwal; tinimaktimakan ninda an saimong santwaryo.

Isaias 65:1

Nagsabi an Kagurangnan, “Andam ako kaidto sa pagsimbag kan mga pamibi nin sakong banwaan, alagad dai sinda namibi. Andam ako kaidto na makua ninda ako, alagad dai man lamang sinda naghingowang hanapon ako. Dai namibi sa sako an nasyon, maski andam ako sa pagsimbag nin, ‘Uya ako; tatabangan ko kamo.’

Mateo 16:18

“Kaya sinasabihan taka: Ika si Pedro, saro kang gapo asin sa ibabaw kan gapong ini papatindogon ko an sakong simbahan; dawa an kapangyarihan nin kagadanan dai nanggad makakadaog kaiyan.

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Lukas 19:10

Dahel ta an Aki nin Tawo nagdigdi sa paghanap asin sa pagligtas kan nawawara.”

Juan 10:16

Igwa akong ibang mga karnero na mayo sa toril na ini. Kaipuhan na ilaog ko man sinda; madangog sinda sa tingog ko. Kaya magigin saro an ariponpon asin saro an pastor.

Juan 4:23

Alagad maabot an panahon, asin uminabot na ngani, na an tunay na mga parasamba masamba sa Ama sa espiritu asin sa katotoohan. An pagsambang ini iyo an boot kan Ama.

Deuteronomio 26:19

tanganing gibohon niya kamong pinakadakula sa gabos na nasyon na saiyang linalang, asin magdadara kamo nin kaomawan saka onra sa saiyang ngaran. Kamo an magigin sadiring banwaan nin Kagurangnan na saindong Dios siring sa saiyang ipinanuga.”

Deuteronomio 28:9

“Kun kuyogon nindo an Kagurangnan na saindong Dios asin kun gibohon nindo an mga ipinagboboot niya, gigibohon niya kamong sadiri niyang banwaan siring sa saiyang ipinanuga.

Deuteronomio 7:6

Gibohon nindo iyan huli ta sadiri kamo nin Kagurangnan na saindong Dios. Hale sa gabos na banwaan sa kinaban, pinili niya kamo na magin saiyang sadiring banwaan.

Hebreyo 13:5

Maglikay kamo sa pagkamoot sa kwarta; makontento kamo kan nasa saindo, huli ta an Dios nagtaram, “Dai taka nanggad tatalikodan; dai taka nanggad pababayaan.”

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.

Kapahayagan 5:9

Dangan inawit ninda an bagong awit na ini: “Ika an maninigong magkua kan libro, asin magtangkas kan mga selyo kaiyan. Huli ta ika ginadan dangan tinubos mo para sa Dios an mga tawo sa paagi kan saimong dugo, mga tawong hale sa manlaen-laen na tribu, lengwahe, rasa saka nasyon.