Isaias 61:7 - Marahay na Bareta Biblia

⁷ Tapos na an saindong kasosopgan asin an pagkawara nin onra. Mag-eerok kamo sa sadiri nindong daga, asin madodoble an saindong kayamanan; an saindong kaogmahan magdadanay sagkod lamang.

Isaias 61:7 ပူးပေါင်းရင်းမြစ်များ

2 Mga Hade 2:9

Pakabalyo ninda, nagsabi si Elias ki Eliseo, “Sabihan sako kun ano an boot mong gibohon ko para saimo, bago ako kuahon.” “Nakikimaherak ako saimo na ipamana mo sako an kahirasan kan saimong kapangyarihan na iyo an magibo sako na kasalihid mo,” an simbag ni Eliseo.

An Libro ni Job 42:10

Pakatapos na ipamibi ni Job an tolo niyang katood, itinao giraray nin Kagurangnan ki Job an rogaring kaini; dinoble niya an kayamanan ni Job.

Salmo 126:5

An mga minasabwag na nagluluha, mag-ani logod na maogma.

Salmo 16:11

Ipinapahiling mo sako an dalan nin buhay; sa saimong atubang yaon an kapanoan nin kaogmahan, sa too mong kamot yaon an kaogmahan sagkod lamang.

Isaias 35:10

Magayagaya sindang makakaabot sa Jerusalem, na nag-aawit asin nagkukurahaw sa kaogmahan. Sagkod pa man magigin maogma sinda, sagkod pa man magigin talingkas sinda sa kamondoan asin sa kasakitan.

Isaias 40:2

Pakosoga nindo an boot kan mga tawo sa Jerusalem. Sabihi nindo sinda na natapos na an saindang pagtios asin pinatawad na an saindang mga kasalan. Pinadusahan ko na sinda nin doble para sa gabos nindang kasalan.”

Isaias 51:11

May kaogmahan na makakaabot sa Jerusalem an mga ilinigtas mo, na nag-aawit saka nagkukurahaw sa kaogmahan. Magigin maogma sinda sagkod lamang, sagkod pa man ligtas sa dusa asin sa kamondoan.

Isaias 54:4

Dai ka matakot—dai ka na masosopgan giraray; dai ka na mawawaraan nin onra. Malilingawan mo nang dai ka nagin maimbod sa agom kan ika hoben pa. Malilingawan mo an makuring kapongawan bilang sarong balo.

Isaias 60:15

“Kun kaidto pinabayaan ka asin kinaongisan patin dai inaagihan nin tawo, alagad ngunyan gigibohon takang dakula asin magayon, sarong lugar nin kaogmahan sagkod pa man.

Isaias 60:21

Magigin matanos an saimong namamanwaan, asin sasadirihon ninda an daga sagkod lamang. Ako an nagtanom sainda, an naggibo sainda, tanganing ipahayag ninda an sakong kamurawayan.

Isaias 65:13

Kaya sinasabihan ko kamo na idtong nagsasamba saka nagkukuyog sa sako iyo sana an magkakaigwa nin dakul na pagkakan asin inomon, alagad magugutom saka mapapaha kamo. Magigin maogma sinda, alagad mapapasopog kamo.

Sofonias 3:19

Maabot an panahon na papadusahan ko an nag-api saimo; ililigtas ko an mga lopog asin ibabalik ko sa saindang mga harong an mga itinapok. An saindang kasosopgan riribayan ko nin kaomawan asin kabantogan sa bilog na daga.

Zacarias 8:12

Matoninong sindang magtatanom. Mamumunga nin ubas an saindang mga balagon, mataralubo sa daga an saindang tinanom, asin magkakaigwa nin tamang uran. Itatao ko an gabos na biyayang ini sa mga natadang namamanwaan sa sakong nasyon.

Zacarias 9:12

Magpuli na kamo, mga itinapok na ngunyan igwa nang paglaom; magpuli kamo sa ligtas nindong mga harong. Ngunyan tinataraman ko kamo na babayadan ko nin dobleng bendisyon an gabos na tinios nindo.

Mateo 25:46

Kaya an mga ini isusubol sa daing kataposan na padusa, alagad an mga matanos maduman sa buhay na daing kataposan.”

2 Corinto 4:17

Ining dikit asin dai nagdadanay na kasakitan na tinitios mi matao samo nin dakula saka mayong kataposan na kaogmahan na dai mapapantayan.

Deuteronomio 21:17

Doble an dapat na itao niyang kahirasan sa saiyang matua, minsan aki siya kan bako niyang padangat na agom. Kaipuhan midbidon niya an saiyang matua asin itao saiya an kahirasan na para saiya.

2 Tesalonica 2:16

Rangahon man logod kamo saka pakosogon an boot nindo ni Jesu-Cristo na satong Kagurangnan asin nin Dios na satong Ama, na namoot sato, na sa saiyang biyaya nagtao sato nin daing kataposan na kosog nin boot asin pusog na paglaom, tanganing danay kamong makagibo asin makasabi kan gabos na marahay.