Isaias 61:10 - Marahay na Bareta Biblia

¹⁰ Nag-oogma an Jerusalem huli kan ginibo nin Kagurangnan. Nakakaagid siya sa sarong nobya na nakagubing nin pangkasal. Ginubingan siya nin Dios nin gubing nin kaligtasan saka kapangganahan.

Isaias 61:10 ပူးပေါင်းရင်းမြစ်များ

Genesis 24:53

Ilinuwas niya an darang alahas na plata asin bulawan saka mga gubing, dangan itinao an mga ini ki Rebecca; tinawan man niya nin mga mamahalon na regalo si Laban asin an saiyang ina.

2 Mga Cronica 6:41

“Tumindog ka, O Kagurangnan Dios, asin kaiba an Kaban nin Tipan, an tanda kan saimong kapangyarihan, lumaog ka sa Templo dangan mag-erok ka digdi sagkod lamang. Magubingan logod nin kaligtasan, Kagurangnan, an saimong kapadian, asin mag-ogma logod an mga banal sa saimong karahayan.

Nehemias 8:10

Magpuli na kamo asin magbangkete. Hirasan nindo nin kakanon saka inomon an mga mayo kaiyan. An aldaw na ini banal para sa satong Kagurangnan, kaya dai kamo magmondo. An kaogmahan na itinao saindo nin Kagurangnan magigin kakosogan nindo.”

An Libro ni Job 29:14

Isinulot ko an katanosan, asin nagubingan ako kaiyan; an sakong hustisya nakakaagid sa sarong abito saka sarong turban.

Salmo 132:16

An saiyang mga padi gugubingan ko nin kaligtasan, asin an saiyang mga banal makurahaw sa kaogmahan.

Salmo 132:9

An saimong mga padi magubingan logod nin katanosan; an saimong mga banal magkurahaw logod sa kaogmahan!

Salmo 28:7

Sakong kosog asin kalasag an Kagurangnan; puso ko siya an sinasarigan. Puso ko nag-oogma ta ako tinabangan; bilang pasalamat siya sakong inaawitan.

Salmo 35:9

Dangan mag-oogma ako sa Kagurangnan, mag-oogma sa saiyang kaligtasan.

Awit nin mga Awit 1:10

Magayon an saimong buhok sa ibabaw kan saimong pisngi, asin minalaylay sa saimong liog arog sa mga samno.

Isaias 12:1

Maabot an aldaw na maawit an mga tawo, “Magpapasalamat ako saimo, Kagurangnan! Anggot ka sako kaidto, alagad rinanga mo ako ngunyan asin bako ka nang anggot sako.

Isaias 12:2

An Dios an sakong kaligtasan; magsasarig ako saiya asin dai matatakot, huli ta an Kagurangnan Dios iyo an sakong kosog asin awit; siya an sakong nagin kaligtasan.”

Isaias 17:10

Israel, nalingawan mo na an Dios nin saimong kaligtasan asin an Gapo na saimong pailihan. Embes kaiyan, nagtanom ka nin sagradong mga tatamnan tanganing magsamba sa sarong dayuhan na dios.

Isaias 25:1

Kagurangnan, ika an sakuyang Dios; gagalangan taka asin oomawon ko an saimong ngaran. Huli ta naggibo ka nin makangangalas na mga bagay; maimbod mong pinapangyari an mga plano na minukna mo kaidto pang panahon.

Isaias 25:9

Kun mangyari na ini, masabi an gabos, “Siya an samong Dios! Ibinugtak mi sa saiya an samong pagsarig, asin ilinigtas niya kami. Siya an Kagurangnan! Ibinugtak mi sa saiya an samong pagsarig, asin maogma kami saka magayagaya huli ta ilinigtas niya kami.”

Isaias 35:10

Magayagaya sindang makakaabot sa Jerusalem, na nag-aawit asin nagkukurahaw sa kaogmahan. Sagkod pa man magigin maogma sinda, sagkod pa man magigin talingkas sinda sa kamondoan asin sa kasakitan.

Isaias 41:16

Papatoronon mo sinda; dadarahon sinda kan doros sa harayo, asin iwawarak sinda kan bagyo. Dangan magigin maogma ka huli ta ako an saimong Dios; oomawon mo ako, an banal na Dios nin Israel.

Isaias 48:18

“Kun saimo sanang dinangog an sakong katogonan siring kutana sa sarong salog an saindong katoninongan, asin siring sa mga alon nin dagat an saindong katanosan!

Isaias 49:18

Mangalagkalag ka asin hilinga an nangyayari! Nagtitiripon na an saimong banwaan—mapuruli na sinda! Siring na ako an Dios na buhay ipag-oorgulyo mo an saimong banwaan, siring na ipinag-orgulyo nin sarong nobya an saiyang mga alahas.

Isaias 49:4

Alagad nagsabi ako, “Mayong pakinabang an sakong kapagalan! Mayo na akong kosog, alagad mayo man akong naginibohan.” Alagad totoong nasa Kagurangnan an sakong katanosan, asin nasa Dios an sakong balos.

Isaias 51:11

May kaogmahan na makakaabot sa Jerusalem an mga ilinigtas mo, na nag-aawit saka nagkukurahaw sa kaogmahan. Magigin maogma sinda sagkod lamang, sagkod pa man ligtas sa dusa asin sa kamondoan.

Isaias 51:3

“Maheherakan ko an Jerusalem, an gabos na nag-eerok sa mga raot na lugar kaiyan. Maski saro nang desyerto an saiyang daga, gigibohon ko iyan na sarong tatamnan, siring sa tatamnan na ibinugtak ko sa Eden. Makukua diyan an kaogmahan saka an kagayagayahan, an mga pasasalamat sako saka an mga awit nin pag-omaw.

Isaias 52:1

Pagmata, O Jerusalem! Pagmakosog asin pagin dakula giraray! Banal na syudad nin Dios, sulotan an magagayon mong gubing! Dai na nanggad makakalaog sa saimong mga trangkahan an mga pagano.

Isaias 56:7

“Dadarahon ko kamo sa Sion, an sakong banal na bukid, tatawan ko nin kaogmahan sa sakong harong nin pamibian, asin aakoon ko an mga sakripisyo na idinodolot nindo sa sakong altar. An sakong Templo aapodon na harong nin pamibian para sa gabos na banwaan.”

Isaias 58:14

dangan makukua nindo an kaogmahan na minadatong huli sa paglingkod sako. Itatao ko saindo an kaomawan sa bilog na daga, asin papakinabangan nindo an daga na itinao ko sa saindong ginikanan na si Jacob. Ako, an Kagurangnan, an nagtaram.”

Isaias 61:3

tanganing tawan an mga nagmomondo sa Sion nin kaogmahan saka kagayagayahan embes na kamondoan, nin sarong awit nin pag-omaw embes na sarong panambitan. Makakaagid sinda sa mga kahoy na itinanom mismo nin Kagurangnan. Gigibohon ninda an tama, asin oomawon an Dios huli kan saiyang ginibohan.

Isaias 65:18

Mag-ogma asin maggayagaya kamo sagkod pa man sa sakong linalalang. An bagong Jerusalem na linalalang ko magigin pano nin kaogmahan, asin an saiyang mga namamanwaan magigin maogma.

Jeremias 2:32

Malilingawan daw nin sarong daraga an saiyang mga alahas, o nin sarong nobya an saiyang gubing na pangkasal? Alagad nalingawan ako kan sakong banwaan sa halawig na panahon.

Ezekiel 42:14

Kun nakalaog na an mga padi sa Templo dangan boot nindang magluwas pasiring sa patyong nasa luwas, kaipuhan iwalat ninda sa mga kwartong ini an banal na mga gubing na isinulot ninda mantang naglilingkod sa Kagurangnan. Kaipuhan magsulot sinda nin ibang gubing bago sinda magduman sa lugar na pinagtitiriponan kan mga tawo.”

Habakkuk 3:18

magigin maogma pa giraray ako asin magayagaya, huli ta an Kagurangnan Dios iyo an sakong paraligtas.

Zacarias 10:7

Magigin makosog arog sa mga soldados an banwaan nin Israel, maogma, siring sa mga lalaking nakainom pa sana nin arak. An kapangganahan na ini magigiromdoman kan saindang mga kapagarakian asin maoogma sinda huli kan ginibo nin Kagurangnan.

Zacarias 3:5

Pinagbotan niya an mga sorogoon na bugtakan nin malinig na turban an payo ni Josue. Kaya binugtakan ninda nin malinig na turban an saiyang payo dangan sinulotan nin bagong gubing mantang nakatindog duman an anghel.

Lukas 15:22

Alagad inapod kan ama an saiyang mga sorogoon, ‘Dali kamo; daraha nindo digdi an pinakamarahay na gubing asin sulotan nindo saiya; singsingan nindo siya saka sapatosan.

Roma 13:14

Isulot nindo an armas na iyo si Jesu-Cristo asin dai nindo pagsunodon an mga kamawotan kan saindong laman.

Roma 14:17

Huli ta an Kahadean nin Dios dai nangangahulogan nin kakanon saka inomon, kundi katanosan, katoninongan asin kaogmahan sa Espiritu Santo.

Roma 3:22

Pinangagin matanos nin Dios an tawo sa paagi kan pagtubod ninda ki Jesu-Cristo. Ginibo iyan nin Dios sa gabos na nagtutubod ki Cristo. Mayo nin kalaenan an gabos na tawo,

Roma 5:11

Bako sana iyan, nag-oogma kita sa Dios huli sa Kagurangnan tang si Jesu-Cristo, na dahel saiya kita naging katood nin Dios.

Galacia 3:27

Kaya kamong mga binunyagan sa pakisumaro ki Cristo, nagubingan na kan buhay ni Cristo.

Filipos 3:9

asin makisumaro saiya. Mayo na ako nin sadiring katanosan, an katanosan na nakukua sa pagkuyog kan Katogonan. Igwa na ako ngunyan nin katanosan na itinatao huli sa pagtubod ki Cristo, katanosan na hale sa Dios asin napapatugmad sa pagtubod.

Filipos 4:4

Mag-ogma kamong danay sa Kagurangnan. Inuulit ko, mag-ogma kamo!

1 Pedro 1:8

Namomotan nindo siya, maski dai nindo siya nahiling; nagtutubod kamo saiya, maski dai pa nindo siya nahihiling ngunyan; kaya dakula asin dai masabi an saindong kaogmahan,

Kapahayagan 21:2

Nahiling ko man an Banal na Syudad, an bagong Jerusalem, na nag-iibaba hale sa langit gikan sa Dios, garo nobya na nakagubing nin pangkasal asin masabat sa nobyo niya.

Kapahayagan 21:9

Nagdolok sako an saro kan pitong anghel, na tinarawan kan pitong mangko na pano kan pitong huring peste, saka nagsabi, “Madya, asin ipapahiling ko saimo an Nobya, an agom kan Kordero.”

Kapahayagan 4:4

Napapalibotan an tronong iyan nin beynte y kwatrong trono na may nakatukaw na beynte y kwatrong kamagurangan, na mga nakagubing nin puti saka may mga koronang bulawan.

1 Samuel 2:1

Namibi si Hanna: “An sakong puso nag-oogma sa Kagurangnan; maogma ako huli kan saiyang ginibohan! Mga kaiwal sakong ngingisihan; maogma akong marahay huli kan saiyang tabang!