Isaias 60:9 - Marahay na Bareta Biblia

⁹ An mga sakayan na ini harale sa harayong mga daga; nakalunad diyan an banwaan nin Dios. May dara sindang plata saka bulawan tanganing omawon an ngaran nin Kagurangnan, an banal na Dios nin Israel, na nagpamuraway kan saiyang banwaan sa mata kan gabos na nasyon.

Isaias 60:9 ပူးပေါင်းရင်းမြစ်များ

Genesis 9:27

Padakulaon logod nin Dios si Jafet! An saiyang kapagarakian mag-erok logod sa kaibahan kan banwaan ni Sem! Si Canaan magigin oripon ni Jafet!”

1 Mga Hade 10:1

Nadangog kan reyna nin Sheba an kabantogan ni Solomon, kaya nagduman siya tanganing baloon si Solomon sa paagi nin mga dipisil na hapot.

1 Mga Hade 10:22

An hade igwa nin mga barko na naglalayag sa dagat kaiba an mga barko ni Hiram. Makasaro sa lambang tolong taon minaabot an saiyang mga barko na may mga darang bulawan, plata, marpil, mga kabalang asin mga pabo.

1 Mga Hade 22:48

Nagpagibo si Hadeng Jehosafat nin mga barko sa Tarsis tanganing maglayag pasiring sa daga nin Ofir sa pagkua nin mga bulawan. Alagad dai nakahale an mga barko huli ta nagkararaot an mga ini duman sa Ezion-geber.

1 Mga Hade 8:41

“Kun an sarong dayuhan na nag-eerok sa harayong lugar makadangog kan saimong dakulang ngaran asin kan saimong makangangalas na mga gibo para sa saimong banwaan, dangan magdigdi tanganing magsamba saka mamibi sa Templong ini,

Salmo 48:7

siring sa mga sakayan nin Tarsis na rinoronot nin makosog na bagyo.

Salmo 72:10

Mga hade nin Espanya asin nin mga isla, magbayad logod nin mga buhis saiya. Mga hade nin Sheba asin nin Etiopia magdara logod nin mga dolot saiya.

Salmo 97:1

Hade an Kagurangnan; mag-ogma logod an daga! Mag-ogma logod an mga baybayon kan dagat!

Exodo 33:19

Nagsimbag an Kagurangnan, “Papaagihon ko sa atubang mo an gabos kong kamurawayan asin ipapahayag ko an banal kong ngaran. Ako iyo an Kagurangnan; kakaherakan ko an gusto ko, asin tatawan ko nin biyaya an mawilihan ko.

Mga Talinhaga 18:20

Ika an maani kan bunga kan saimong itinataram.

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 2:16

laban sa gabos na barko nin Tarsis, asin laban sa gabos na magayon na sakayan.

Isaias 24:15

mantang an mga nasa sirangan mag-oomaw saiya. Mag-oomaw sa Kagurangnan, an Dios nin Israel, an mga nag-eerok sa baybayon.

Isaias 42:10

Awitan nindo nin bagong awit an Kagurangnan; awita nindo an saiyang pag-omaw, bilog na kinaban! Omawon nindo siya, gabos na linalang sa dagat. Mag-awit kamo, mga harayong daga asin kamo gabos na nag-eerok diyan!

Isaias 42:4

Dai siya mawawaraan nin paglaom o kosog nin boot; papupusogon niya an hustisya sa kinaban. Hinahalat kan mga harayong daga an saiyang katukdoan.”

Isaias 43:4

Papabayaan ko an mga nasyon tanganing iligtas an saimong buhay, huli ta mahalaga ka sa sako, asin huli ta namomotan taka sako ginagalangan.

Isaias 43:6

Tataraman ko an amihan na butasan sinda asin an habagat na dai sinda pagpugolon. Tugote nindong magbalik an sakong banwaan hale sa harayong mga daga, hale sa gabos na poro ka kinaban.

Isaias 46:13

Irinarani ko an aldaw nin kapangganahan— bako na harayo iyan. Dai na mahahaloy an sakong kapangganahan. Ililigtas ko an Jerusalem asin an Israel dadarahan ko duman nin kamurawayan.”

Isaias 49:1

Pagdangog kamo sako, harayong mga nasyon, kamong mga tawong nag-eerok sa harayong lugar! Bago ako namundag, pinili na ako nin Kagurangnan asin itinalaan nang magin saiyang sorogoon.

Isaias 49:22

Nagsasabi an Kagurangnan Dios sa saiyang banwaan, “Uya, iiitaas ko an sakong kamot sa mga nasyon, asin iiitaas ko an sakong tanda sa mga banwaan; dangan dadarahon nindang papuli an saindang mga aking lalaki sa saindang daghan, saka an saindang mga aking babae sa saindang mga abaga.

Isaias 51:5

Madatong tolos ako sa pagligtas sainda; harani na an panahon nin sakong kapangganahan. Ako mismo an masakop sa mga nasyon. Hinahalat kan hararayong daga an sakong pagdatong; may paglaom na naghahalat sinda sako nganing iligtas ko sinda.

Isaias 55:5

Ngunyan aapodon nindo an dayuhan na mga nasyon; dai ninda kamo midbid kaidtong panahon alagad ngunyan magdadalagan na mapasiring sinda saindo nganing makiapil! Ako, an Kagurangnan na saindong Dios, an banal na Dios nin Israel, iyo an magibo nin paagi tanganing mangyari ini; itatao ko saindo an kaomawan asin kamurawayan.”

Isaias 57:17

Naanggot ako sainda huli kan saindang kasalan saka kapasloan, kaya pinadusahan ko sinda asin pinabayaan. Alagad matagas an saindang payo asin nagpadagos sinda sa saindang gawe.

Isaias 60:4

Pangalagkalag sa palibot mo asin hilinga kun ano an nangyayari: nagtitiripon an saimong banwaan tanganing magpuli! Hale sa harayong lugar madatong an saimong mga aking lalaki; kikilikon an saimong mga aking babae arog sa pagkilik sa mga aki.

Isaias 60:6

Kadakul na kamelyo an madatong hale sa Midian saka sa Efa. Madatong sinda hale sa Sheba, na nagdadara nin bulawan saka insenso. Magpapahayag an mga tawo kan marahay na bareta, kun ano an ginibo nin Kagurangnan!

Isaias 66:12

Nagsasabi an Kagurangnan, “Dadarahan ko kamo nin nagdadanay na kauswagan; magbubulos pasiring saindo an kayamanan kan mga nasyon siring sa sarong salog na dai nagmamara. Makakaagid kamo sa sarong aki na pinapasuso kan saiyang ina; sa sarong aki na kinikilik kan saiyang ina asin namomotan.

Jeremias 3:17

Sa panahon na iyan, aapodon an Jerusalem na ‘An Trono nin Kagurangnan,’ asin an gabos na nasyon matiripon duman sa pagsamba sako. Dai na ninda susunodon an ipinapagibo sainda kan matagas saka maraot nindang mga puso.

Jeremias 30:19

An mga nag-eerok duman mag-aawit nin pag-omaw; magkukurahaw sinda sa kaogmahan. Huli kan sakong bendisyon madakul sinda sa bilang; an sakong bendisyon matao sainda nin kaomawan.

Ezekiel 39:7

Ipapamidbid ko an banal kong ngaran sa banwaan nin Israel, asin dai ko tutugotan na madigtaan pa iyan. Dangan maaaraman kan mga nasyon na ako, an Kagurangnan, iyo an banal na Dios nin Israel.”

Mikas 4:13

Nagsasabi an Kagurangnan, “Banwaan nin Jerusalem, lakaw asin padusahan mo an saimong mga kaiwal! Gigibohon takang makosog arog sa sarong torong baka na igwang lansang na sungay saka kuku na bronse. Roronoton mo an dakul na nasyon, asin an kayamanan na saindang kinua sa paagi nin dahas idodolot mo sako, an Kagurangnan kan bilog na kinaban.”

Mikas 7:12

Mabaralik sa saindo an saindong mga kahimanwa hale sa manlaen-laen na lugar—hale sa Asiria sa sirangan, hale sa Egipto sa habagat, hale sa rehiyon kan Salog nin Eufrates, hale sa hararayong kadagatan saka kabukidan.

Sofonias 2:11

Tatakoton sinda nin Kagurangnan. Hahalean niya nin halaga an mga dios-dios kan daga, dangan sasambahon siya kan lambang nasyon, an lambang saro sa sadiri niyang daga.

Zacarias 14:14

Makikilaban an mga taga Juda tanganing surogon an Jerusalem. Dangan titiponon ninda an kayamanan kan gabos na nasyon—bulawan, plata, asin gubing na kadakul nin marahay.

Lukas 2:32

sarong ilaw na magliliwanag sa mga pagano, asin magtatao nin kamurawayan sa Israel na saimong banwaan.”

Juan 17:26

Ipinamidbid taka sainda asin padagos na ipapamidbid, tanganing an pagkamoot mo sako mapasainda asin ako man mapasainda.”

Mga Gibo 9:15

Sinabihan siya nin Kagurangnan, “Dumuman ka, huli ta pinili ko siyang maglingkod sako, tanganing ipamidbid niya an sakong ngaran sa mga pagano, sa mga hade saka sa mga Israelita.

Galacia 3:26

Huli kan saindong pagtubod ki Cristo Jesus, kamo gabos nagin mga aki nin Dios.

Galacia 4:26

Alagad an langitnon na Jerusalem talingkas asin iyan an satong ina.

Josue 9:9

Dangan nag-istorya sinda: “Hale kami sa sarong lugar na harayo nin marahay, huli ta nadangog mi an manongod sa Kagurangnan na saindong Dios. Nadangog mi an gabos na ginibo niya sa Egipto