Isaias 60:8 - Marahay na Bareta Biblia

⁸ Anong mga sakayan ini na naglalayag siring sa mga panganoron, arog sa mga salampati na nagpupuli sa saindang harong?

Isaias 60:8 ပူးပေါင်းရင်းမြစ်များ

Isaias 45:22

“Madya kamo sako ngunyan asin makakaligtas kamo, mga tawo sa bilog na daga! Huli ta ako an Dios, asin pwera sako mayo na nin ibang dios.

Isaias 49:21

Dangan magsasaboot kang, ‘Siisay an nangaki kan gabos na ini para sako? Nagkagaradan na an sakong mga aki asin dai na ako pwedeng mangaki. Itinapok ako asin isinubol sa harayo— siisay an nagpadakula kan kaakian na ini? Ako na sana an natada— saen naghale an mga aki na ini?’”

Isaias 60:4

Pangalagkalag sa palibot mo asin hilinga kun ano an nangyayari: nagtitiripon an saimong banwaan tanganing magpuli! Hale sa harayong lugar madatong an saimong mga aking lalaki; kikilikon an saimong mga aking babae arog sa pagkilik sa mga aki.

Oseas 11:11

Madatong sinda hale sa Egipto siring sa marikas na mga gamgam, asin siring sa mga salampati hale sa Asiria. Ibabalik ko sinda sa sadiri nindang mga harong. Ako, an Kagurangnan, an nagtaram.”

Lukas 13:29

Maabot an mga tawo hale sa sirangan, sa solnopan, sa amihan asin sa habagat, dangan matukaw sa bangkete sa Kahadean nin Dios.

Hebreyo 12:1

Kaya huli ta napapalibotan kita nin kadakul na saksi, haleon ta na an gabos na bagay na nakakaolang, saka an kasalan na nakakapurupot sato, dangan padagos tang dalaganon na daing ontok an ipinapadalagan sato.

Kapahayagan 7:9

Pakatapos kaini, nahiling ko an dai mabilang na mga tawo hale sa gabos na rasa, tribu, nasyon, saka lengwahe. Nagtitindog sinda sa atubangan kan trono asin kan Kordero, nakagubing nin puti saka may mga kapot na mga sanga nin palma.