Isaias 60:6 - Marahay na Bareta Biblia

⁶ Kadakul na kamelyo an madatong hale sa Midian saka sa Efa. Madatong sinda hale sa Sheba, na nagdadara nin bulawan saka insenso. Magpapahayag an mga tawo kan marahay na bareta, kun ano an ginibo nin Kagurangnan!

Isaias 60:6 ပူးပေါင်းရင်းမြစ်များ

Genesis 10:7

An mga aking lalaki ni Cus iyo si Sheba, Havila, Sabta, Raama asin Sabteca. An mga aking lalaki ni Raama iyo si Sheba saka Dedan.

Genesis 25:13

Ini an saindang mga ngaran sosog sa saindang pagkamundag: Nebaiot, Kedar, Adbeel, Mibsam,

1 Mga Hade 10:2

Nag-abot siya sa Jerusalem kaiba an kadakul na sorogoon, mga kamelyo na may kargang mga pahamot, dakul na bulawan saka mga mahalagang bato. Kan mag-abot an reyna, sinaro-saro niya ki Solomon an gabos na hapot na nasa isip niya.

2 Mga Hade 8:9

Kaya kinargahan ni Hazael an kwarentang kamelyo nin manlaen-laen na produkto kan Damasco asin nagduman ki Eliseo. Kan nasa atubangan na ni Eliseo si Hazael, nagsabi ini, “Sinugo ako kan saimong sorogoon na si Hadeng Ben-hadad tanganing hapoton ka kun mararahay pa siya sa saiyang helang o dai na.”

1 Mga Cronica 1:33

An mga aking lalaki ni Midian iyo si Efa, Efer, Hanoc, Abida asin Eldaa. Ini gabos an kapagarakian ni Ketura.

2 Mga Cronica 9:1

Nadangog kan reyna nin Sheba an kabantogan ni Solomon, kaya nagduman siya sa Jerusalem tanganing baloon si Solomon sa paagi nin dipisil na mga hapot. Ipinag-iba niya an dakulang grupo nin mga katabang, saka mga kamelyo na may kargang mga pahamot, dakul na bulawan asin mga mahalagang bato. Kan mag-abot an reyna, sinaro-saro niya ki Solomon an gabos na hapot na nasa isip niya.

Salmo 67:4

Mag-ogma logod an gabos na nasyon asin mag-awit sa kaogmahan, huli ta matanos na hinuhukoman mo an mga banwaan asin an lambang nasyon sa daga saimong pinapangenotan.

Salmo 72:10

Mga hade nin Espanya asin nin mga isla, magbayad logod nin mga buhis saiya. Mga hade nin Sheba asin nin Etiopia magdara logod nin mga dolot saiya.

Salmo 72:15

Mabuhay an hade! Itao logod saiya an bulawan nin Sheba; sa gabos na panahon ipamibi logod siya; an bendisyon nin Dios magdanay logod saiya!

Isaias 30:6

Iyo ini an mensahe nin Dios dapit sa mga hayop kan kalangtadan sa habagat: “An mga sugo naglakaw sa daga na pano nin pag-alaman, saen nag-eerok an mga leon asin saen igwa nin makamandag na mga halas saka naglalayog na mga dragon. Kinakargahan ninda an likod kan saindang mga asno saka mga kamelyo nin mahahalagang mga regalo para sa sarong nasyon na dai makakatao sainda nin tabang.

Isaias 42:10

Awitan nindo nin bagong awit an Kagurangnan; awita nindo an saiyang pag-omaw, bilog na kinaban! Omawon nindo siya, gabos na linalang sa dagat. Mag-awit kamo, mga harayong daga asin kamo gabos na nag-eerok diyan!

Isaias 45:14

An Kagurangnan nagsasabi sa Israel, “Mapapasaimo an kayamanan nin Egipto saka Etiopia, asin magigin mga oripon mo an haralangkaw na lalaki nin Seba; magsusunod sinda saimo na nakakadena. Maluhod sinda sa atubang mo asin masabi, ‘An Dios kaiba mo—siya sana an Dios.

Isaias 60:9

An mga sakayan na ini harale sa harayong mga daga; nakalunad diyan an banwaan nin Dios. May dara sindang plata saka bulawan tanganing omawon an ngaran nin Kagurangnan, an banal na Dios nin Israel, na nagpamuraway kan saiyang banwaan sa mata kan gabos na nasyon.

Isaias 61:6

Mimidbidon kamo bilang mga padi kan Kagurangnan, an mga sorogoon kan satong Dios. Magkikinabang kamo sa kayamanan kan mga nasyon asin mag-oorgulyo na iyan sadiri nindo.

Jeremias 6:20

Mayong halaga sako an insensong hale sa Sheba, ni an mga pahamot na hale pa sa harayong lugar na dinadara ninda sako. Dai ko maaako an saindang mga tinutong na atang asin dai ako mawiwili sa saindang mga sakripisyo.

Ezekiel 27:22

Nakipagnegosyo saimo an mga negosyante nin Sheba saka Raama. An mga kagamitan mo rinibayan ninda nin mga alahas, bulawan, saka mga pinakamarahay na mga pahamot.

Sofonias 3:10

Hale sa harayong daga nin Etiopia, an nagkawararak kong banwaan madara sako nin mga dolot.

Zacarias 14:16

Dangan an mga matada hale sa mga nasyon na nagsalakay sa Jerusalem maduman sa Jerusalem taon-taon tanganing sambahon an Hade, an Kagurangnan nin mga hukbo, asin tanganing selebraron an Pyesta nin mga Harong-harong.

Malakias 1:11

Inoomaw ako kan katawohan magpoon sa sarong poro kan kinaban sagkod sa ibong na poro kaiyan. Nagtututong sinda nin insenso sa sako saen man na lugar asin nagdodolot sinda nin maninigong mga sakripisyo. Gabos sinda nag-oomaw sako!

Mateo 2:11

Paglaog ninda sa harong, nahiling ninda an omboy asin si Maria na saiyang ina. Nagluhod sinda saka nagsamba sa omboy. Dangan idinolot ninda saiya an mga dara nindang regalong bulawan, insenso, asin mira.

Roma 15:9

asin tanganing omawon man kan mga pagano an Dios huli kan saiyang pagkamaheherakon. Siring sa nasusurat, “Kaya oomawon taka sa tahaw kan mga pagano; mag-aawit ako saimo nin mga kaomawan.”

Deuteronomio 32:43

“Mga nasyon, mag-omaw kamo sa banwaan nin Kagurangnan, huli ta pinapadusahan nin Kagurangnan an minagadan sainda; binabalos niya an saiyang mga kaiwal asin pinapatawad an kasalan kan saiyang banwaan.”

Filipos 2:17

Kun an sakong dugo papabuloson bilang kabtang kan saindong atang nin pagtubod, maoogma ako asin makikipag-ogma saindo gabos.

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.

Hukom 6:5

Minasalakay sindang dara an saindang mga hayop saka tolda, asin huli ta kadakul sinda, nakakaarog sinda sa mahibog na doron. Sinda asin an saindang mga kamelyo dai mabilang. Minaabot sinda asin rinaraot an daga.

Hukom 7:12

An mga Midianita, mga Amalekita asin an mga tribung nag-eerok sa desyerto wararak sa kapantayan arog sa kadakul na doron; dai mabilang an saindang mga kamelyo, na siring kadakul kan mga baybay sa tampi kan dagat.