Isaias 60:4 - Marahay na Bareta Biblia

⁴ Pangalagkalag sa palibot mo asin hilinga kun ano an nangyayari: nagtitiripon an saimong banwaan tanganing magpuli! Hale sa harayong lugar madatong an saimong mga aking lalaki; kikilikon an saimong mga aking babae arog sa pagkilik sa mga aki.

Isaias 60:4 ပူးပေါင်းရင်းမြစ်များ

Isaias 11:12

Iiitaas nin Kagurangnan an sarong bandera tanganing ipahiling sa mga nasyon na titiponon niya giraray an nawarak na banwaan nin Israel saka Juda dangan ibabalik niya sinda hale sa apat na poro kan daga.

Isaias 14:2

Magtatarabang an dakul na nasyon sa pagbalik nin Israel sa saiyang sadiring daga, asin paglilingkodan ninda an Israel bilang mga oripon. An mga nagsakop kaidto sa Israel iyo an sasakopon nin Israel, asin an Israel iyo an mahade sa mga tawong nag-api sainda kaidto.

Isaias 42:6

“Ako, an Kagurangnan, an nag-apod saimo asin an nagtao saimo nin kapangyarihan nganing papangyarihon mo an hustisya sa kinaban. Sa paagi mo makikipagtipan ako sa gabos na banwaan; huli saimo dadarahan ko nin liwanag an mga nasyon.

Isaias 43:6

Tataraman ko an amihan na butasan sinda asin an habagat na dai sinda pagpugolon. Tugote nindong magbalik an sakong banwaan hale sa harayong mga daga, hale sa gabos na poro ka kinaban.

Isaias 49:12

Maabot an sakong banwaan hale sa harayong lugar, hale sa amihan saka sa solnopan, asin hale sa Aswan sa habagat.”

Isaias 49:17

“An mga mahirahay saimo madali nang dumatong, asin maharale na an mga nagraot saimo.

Isaias 49:18

Mangalagkalag ka asin hilinga an nangyayari! Nagtitiripon na an saimong banwaan—mapuruli na sinda! Siring na ako an Dios na buhay ipag-oorgulyo mo an saimong banwaan, siring na ipinag-orgulyo nin sarong nobya an saiyang mga alahas.

Isaias 66:20

Ibabalik ninda an saindong mga kahimanwa hale sa mga nasyon bilang regalo sako. Dadarahon ninda an mga tawong ini sa sakong banal na bulod sa Jerusalem. Malunad sinda sa mga kabayo, mga mula, asin mga kamelyo, patin sa mga karwahe saka mga kariton. Dadarahon ninda an mga kahimanwa ninda siring sa pagdara kan mga Israelita kan mga dolot na pagkakan sa Templo na nakabugtak sa mga malinig na laogan.

Jeremias 30:10

“Banwaan ko, dai kamo matakot; mga taga Israel, dai kamo makubhanan. Ililigtas ko kamo hale sa harayong daga na iyan, hale sa daga na pinagbilanggoan saindo. Mapuli kamo saka mamumuhay sa katoninongan; magigin matiwasay kamo, asin mayong mapatakot saindo.

Amos 9:14

Ibabalik ko an sakong banwaan sa saindang daga. Hihirahayon ninda an nagkararaot nindang syudad asin mag-eerok sinda duman; matanom sinda nin mga ubas asin iinomon ninda an arak; matanom sinda sa mga tatamnan patin makakan kan bunga kaiyan.

Mikas 7:12

Mabaralik sa saindo an saindong mga kahimanwa hale sa manlaen-laen na lugar—hale sa Asiria sa sirangan, hale sa Egipto sa habagat, hale sa rehiyon kan Salog nin Eufrates, hale sa hararayong kadagatan saka kabukidan.

Hageo 2:7

Tatanyogon ko an gabos na nasyon, tanganing madara digdi an saindang mga kayamanan asin mapano kaiyan an Templo.

Mateo 8:11

Sa katotoohan sinasabihan ko kamo, dakul an maabot hale sa sirangan asin sa solnopan; dangan makakan kaiba ni Abraham, ni Isaac asin ni Jacob sa Kahadean nin langit.

Juan 4:35

Bakong may kasabihan kamo, ‘Apat na sanang bulan dangan tig-ani na?’ Alagad pangalagkalag kamo sa kaomahan: hinog na an anihon, tama nang anihon!

Mga Gibo 13:44

Sunod na Sabbath, haros gabos na tawo sa banwaan an nagduman sa pagdangog kan tataramon nin Kagurangnan.