Isaias 60:22 - Marahay na Bareta Biblia

²² Maski an pinakasadit saka pinakamapakumbaba sa saimong mga pamilya magigin dakula siring sa sarong mapangyaring nasyon. Papangyarihon ko ini sa tamang panahon na dai na mahahaloy. Ako an Kagurangnan!”

Isaias 60:22 ပူးပေါင်းရင်းမြစ်များ

Isaias 10:22

Huli ta maski siring sa baybay sa pangpang nin dagat an bilang kan mga tawo sa Israel ngunyan, kadikit sana sainda an makakabalik. Kagadanan an itinagama sa mga tawo, asin maninigo nanggad iyan.

Isaias 5:19

na nagsasabing: “Pahidalia an Kagurangnan, asin otobon niya an sinabi niyang gigibohon niya, tanganing satong mahiling. Gibohon na logod kan banal na Dios nin Israel an saiyang mga plano; hilingon ta kun ano an nasa isip niya.”

Isaias 51:2

Isipa nindo an saindong ginikanan na si Abraham, saka si Sara, na saindong hinalean. Kan apodon ko si Abraham, mayo siya nin aki, alagad kan bendisyonan ko siya, nagdakul an saiyang aki saka mga kapagarakian.

Isaias 66:8

May nakahiling na daw o nakadangog kan siring na bagay? May nasyon daw na namundag sa saro sanang aldaw? Dai na mahahaloy an pagtitios nin Sion, asin mamumundag an nasyon.

Daniel 2:35

Naronot tolos an lansang, laboy, bronse, plata saka bulawan asin nagin siring sa alpog sa ginikan kun tig-init. Ipinalid iyan kan doros, asin mayo nin natada kaiyan. Alagad an gapong tuminama sa estatwa nagin sarong dakulang bukid na nakapano sa bilog na daga.

Daniel 2:44

Sa panahon kan mga pamayong idto, matugdok an Dios nin langit nin sarong kahadean na daing kataposan. Dai nanggad iyan masasakop, alagad pupuhoon kaiyan an gabos na imperyo, asin magdadanay iyan sagkod lamang.

Mikas 4:7

Pilay na sinda asin harayo sa sadiri nindang daga, alagad magibo ako nin bagong kapinonan sa mga natada, asin magigin sarong dakulang nasyon sinda. Ako an mamamayo sainda sa Bukid nin Sion magpoon sa panahon na iyan asin sagkod pa man.”

Habakkuk 2:3

Isurat mo iyan, huli ta dai pa napapanahon tanganing maotob iyan. Alagad madali nang mag-abot an panahon, asin magkakatotoo an ipapahiling ko saimo. Pwedeng mahaloy nin kadikit an pag-abot kaiyan, alagad halaton mo; mangyayari iyan, asin dai iyan mapupugolan.

Lukas 18:7

Dai daw itatao nin Dios an katanosan sa saiyang mga pinili na nag-aagrangay saiya aldaw-banggi? Mag-aabala daw siya sa pagtabang sainda?

Mga Gibo 2:41

An mga nag-ako kan saiyang tataramon binunyagan. Kan aldaw na idto mga tolong ribo katawo an nakadagdag sa mga paratubod.

Mga Gibo 5:14

Orog na nagdakul pa an mga nagturubod sa Kagurangnan, mga lalaki asin mga babae.

Hebreyo 10:36

Kaipuhan na magin matinios kamo tanganing magibo nindo an kabotan nin Dios; asin maako nindo an saiyang mga panuga.

2 Pedro 3:8

Namomotan kong mga tugang, dai nindo paglingawan an katotoohan na ini: na sa Kagurangnan, an sarong aldaw kabaing sa sangribong taon; asin an sangribong taon siring sa sarong aldaw.

Kapahayagan 7:9

Pakatapos kaini, nahiling ko an dai mabilang na mga tawo hale sa gabos na rasa, tribu, nasyon, saka lengwahe. Nagtitindog sinda sa atubangan kan trono asin kan Kordero, nakagubing nin puti saka may mga kapot na mga sanga nin palma.