Isaias 60:21 - Marahay na Bareta Biblia

²¹ Magigin matanos an saimong namamanwaan, asin sasadirihon ninda an daga sagkod lamang. Ako an nagtanom sainda, an naggibo sainda, tanganing ipahayag ninda an sakong kamurawayan.

Isaias 60:21 ပူးပေါင်းရင်းမြစ်များ

2 Samuel 7:10

Nagpili na ako nin sarong lugar para sa sakong banwaan nin Israel asin pinapag-erok ko na sinda duman, saen dai na sinda aapihon. Kaidto danay na sinasalakay sinda nin mga mariringis na tawo, alagad dai na iyan mangyayari ngunyan. Nanunuga ako na ililigtas taka sa gabos mong kaiwal asin tatawan taka nin mga kapagarakian.

Salmo 37:11

alagad an daga masasadirihan kan mahuyo; mamumuhay siya sa kauswagan asin katoninongan.

Salmo 37:18

Aram nin Kagurangnan an mga aldaw kan mga mayo nin sala; sagkod pa man dai mawawara an saindang pamana.

Salmo 37:22

An mga benendisyonan nin Kagurangnan an makakasadiri kan daga, alagad an saiyang mga minaldisyon magkakagaradan.

Salmo 37:29

Masasadirihan kan mga matanos an daga asin mag-eerok sinda duman sagkod lamang.

Salmo 92:13

Siring sinda sa mga kahoy na itinanom sa harong nin Kagurangnan, nagtatalubo sinda sa mga patyo nin satong Dios,

Isaias 19:25

Bebendisyonan sinda nin Kagurangnan nin mga hukbo asin masabi, “Bebendisyonan taka, Egipto, sakong banwaan; ika Asiria, na sakong linalang; asin ika, Israel, na sakong piniling banwaan.”

Isaias 24:16

Hale sa poro kan kinaban madadangog nyato an mga awit nin pag-omaw sa Israel, an matanos na nasyon. Alagad mayo ako nin paglaom! Nagrarani sako an kagadanan! Padagos sa pagpasaluib an mga parapasaluib, asin nag-oorog an saindang pagpapasaluib.

Isaias 26:2

Bukasi an mga trangkahan kan syudad tanganing makalaog an maimbod na nasyon, an nasyon na an mga namamanwaan naggigibo kan matanos.

Isaias 29:23

Kun mahiling na nindo an mga aki na itatao ko saindo, aakoon nindo na ako an banal na Dios nin Israel. Gagalangan nindo ako asin magkakaigwa kamo nin pagkatakot sa sako.

Isaias 43:21

Sinda an banwaan na ginibo ko para sako, asin mag-aawit sinda sako nin mga pag-omaw!”

Isaias 43:7

Sinda an sadiri kong banwaan asin ako an naglalang sainda tanganing magdara sako nin kamurawayan.”

Isaias 44:23

Pagkurahaw sa kaogmahan, o kalangitan! Pagkurahaw, o hararom na mga lugar kan daga! Pagkurahaw sa kaogmahan, o kabukidan, asin lambang kahoy kan kadlagan! Ipinahiling nin Kagurangnan an saiyang kadakulaan sa pagligtas kan saiyang banwaan na Israel.

Isaias 45:11

An Kagurangnan, an banal na Dios nin Israel, an nagtataong direksyon sa maabot pang panahon, nagsasabi: “Mayo kamong deretso na maghapot sako dapit sa sakong mga aki o magsabi sako kan dapat kong gibohon!

Isaias 45:24

“Masabi sinda na sa paagi ko sana makukua an kosog saka an kapangganahan; alagad magtitios nin kasosopgan an gabos na naoongis sako.

Isaias 45:25

Ako, an Kagurangnan, an maligtas sa gabos na kapagarakian ni Jacob, asin oomawon ninda ako.

Isaias 45:8

An kapangganahan ipapadara ko hale sa langit arog sa uran; mabuka an daga tanganing akoon iyan, dangan mamumunga nin hustisya saka katalingkasan. Ako, an Kagurangnan, an magibong mangyari iyan.”

Isaias 49:3

Sinabihan niya ako, “Israel, sorogoon taka; huli saimo, oomawon ako nin mga tawo.”

Isaias 51:2

Isipa nindo an saindong ginikanan na si Abraham, saka si Sara, na saindong hinalean. Kan apodon ko si Abraham, mayo siya nin aki, alagad kan bendisyonan ko siya, nagdakul an saiyang aki saka mga kapagarakian.

Isaias 52:1

Pagmata, O Jerusalem! Pagmakosog asin pagin dakula giraray! Banal na syudad nin Dios, sulotan an magagayon mong gubing! Dai na nanggad makakalaog sa saimong mga trangkahan an mga pagano.

Isaias 54:17

Alagad mayo nin armas na makakakulog saimo; magkakaigwa ka nin kasimbagan sa gabos na mag-akusar saimo. Susurogon ko an sakong mga sorogoon asin tatawan ko sinda nin kapangganahan.” An Kagurangnan an nagtaram.

Isaias 57:13

Pag-agrangay nindo, patabanga an saindong mga dios-dios! Ipapalid sinda sa sarong paghuyop nin doros! Alagad an mga nagsasarig sako iyo an mag-eerok sa daga asin sasambahon ninda ako sa sakong Templo.”

Isaias 61:11

Siring na mabuswak saka matalubo an banhi, siring man an pagligtas nin Kagurangnan Dios sa saiyang banwaan, asin oomawon siya kan gabos na nasyon.

Isaias 61:3

tanganing tawan an mga nagmomondo sa Sion nin kaogmahan saka kagayagayahan embes na kamondoan, nin sarong awit nin pag-omaw embes na sarong panambitan. Makakaagid sinda sa mga kahoy na itinanom mismo nin Kagurangnan. Gigibohon ninda an tama, asin oomawon an Dios huli kan saiyang ginibohan.

Isaias 61:7

Tapos na an saindong kasosopgan asin an pagkawara nin onra. Mag-eerok kamo sa sadiri nindong daga, asin madodoble an saindong kayamanan; an saindong kaogmahan magdadanay sagkod lamang.

Isaias 62:4

Dai ka na nanggad aapodon “Pinabayaan,” o aapodon an saimong daga na “Babaeng Sinuhayan.” “An Dios Nawiwili Saiya,” an saimong magigin bagong ngaran. An saimong daga aapodon “Maogmang Pag-inagoman,” huli ta nawilihan ka nin Kagurangnan asin makakaagid siya sa agom na lalaki kan saimong daga.

Isaias 64:8

Alagad ika an samong ama, Kagurangnan. Garo kami laboy, asin arog ka sa paragibo nin koron. Ika an naglalang samo,

Isaias 65:9

Bebendisyonan ko an mga Israelita na kabilang sa tribu ni Juda, asin sasadirihon kan saindang mga kapagarakian an sakong daga na dakul an bukid. An sakong piniling banwaan na naglilingkod sako iyo an mag-eerok duman.

Jeremias 24:6

Babantayan ko sinda asin ibabalik sa dagang ini. Papatindogon ko sinda asin dai ko rurumpagon; itatanom ko asin dai ko sinda gagaboton.

Jeremias 32:41

Ikakaogma ko an paggibo nin marahay na mga bagay para sainda, saka papagdanayon ko sindang pusog sa dagang ini.

Ezekiel 11:17

“Kaya sabihan mo sinda kan tataramon ko, an Kagurangnan Dios. Titiponon ko sinda hale sa mga nasyon na pinagwarakan ko sainda, asin itatao ko giraray sainda an daga nin Israel.

Ezekiel 34:29

Tatawan ko sinda nin marahay na kaomahan asin tataposon ko na an gutom sa daga. Dai na sinda pagtutuyatuyaon kan mga nasyon.

Ezekiel 37:25

Mag-eerok sinda sa daga na itinao ko sa sakong sorogoon na si Jacob, an daga na pinag-erokan kan saindang mga ginikanan. Duman na sinda mag-eerok sagkod pa man, siring man an saindang mga aki asin an gabos nindang kapagarakian. Sarong hade na arog kan sorogoon kong si David an maghahade sa sainda sagkod lamang.

Ezekiel 47:7

Pag-abot ko duman, nahiling kong kadakul an mga kahoy sa mag-ibong na pangpang.

Amos 9:15

Itatanom ko an sakong banwaan sa daga na itinao ko sainda, asin dai na nanggad sinda gagaboton.” An Kagurangnan na saindong Dios an nagtaram.

Obadias 1:17

“Alagad may nagkapirang makakadulag pasiring sa Bukid nin Sion, asin iyan magigin sarong banal na lugar. Masasadirihan giraray kan banwaan ni Jacob an daga na talagang pagsadiri ninda.

Sofonias 3:13

An matatada sa banwaan nin Israel dai magibo nin maraot sa kapwa, dai magpuputik o mandadaya. Magigin mauswag sinda asin matiwasay, dai sinda matatakot sa kiisay man.”

Mateo 15:13

Nagsimbag si Jesus, “An arin man na tanom na dai itinanom nin sakong Ama sa langit, gagaboton.

Mateo 5:5

“Paladan an mga mahuyo, huli ta sinda an magmamana kan daga!

Juan 15:2

Pinuputol niya sa sako an lambang sanga na dai nagbubunga; tinatakrasan niya an lambang sanga na nagbubunga tanganing orog na magdakul an bunga.

Efeso 1:12

Kaya kaming mga naenot na naglaom ki Cristo itinalagang mabuhay para sa kaomawan kan saiyang kamurawayan.

Efeso 1:6

Omawon ta an Dios dahel kan saiyang nagsusupay na biyaya na itinao niya sato bilang regalo na yaon sa namomotan niyang Aki!

Efeso 2:10

Linalang kita nin Dios. Sa pakisumaro ta ki Cristo linalang kita para sa mga gibong karahayan na dati na niyang inandam tanganing gibohon ta.

Efeso 2:7

Ginibo niya ini tanganing ipahiling sa maabot pang mga panahon an nagsusupay na biyaya sa pagkamoot na ipinahiling niya sato huli ki Cristo Jesus.

2 Tesalonica 1:10

Mangyayari iyan sa Aldaw na an Kagurangnan pamurawayon kan saiyang mga banal, asin omawon kan gabos na nagtutubod. Kamo man makakaiba ninda, huli ta nagtubod kamo kan mensaheng dinara mi saindo.

2 Pedro 3:13

Alagad naghahalat kita kan ipinanuga nin Dios na bagong kalangitan asin bagong daga saen mag-eerok an katanosan.

Kapahayagan 21:27

Alagad mayong anoman na maati na makakalaog sa syudad, ni an mga naggigibo nin karatan o nagtataram nin kaputikan. An makakalaog sa syudad iyo sana an mga tawo na an ngaran nasusurat sa libro kan Kordero—an libro nin buhay.

Kapahayagan 21:7

An siisay man na manggagana, maako sako kan pamanang ini: ako magigin Dios niya asin siya magigin aki ko.

Kapahayagan 5:10

Ginibo mo sindang kahadean nin mga padi tanganing maglingkod sa satong Dios; maghahade sinda sa daga.”